വയലാറിന്റെ മരണം; വെളിപ്പെടുത്തല് വിവാദമാവുന്നു
ചെറുകഥാകൃത്ത് സന്തോഷ് എച്ചിക്കാനത്തിന് പ്രഥമ ഹരിശ്രീ രാധാകൃഷ്ണന് പുരസ്കാരം സമ്മാനിച്ചതിന് ശേഷം നടത്തിയ പ്രസംഗത്തിലാണ് ഏഴാച്ചേരി വെളിപ്പെടുത്തല് നടത്തിയത്.
വയലാര് രാമവര്മ്മയുടെ അവസാന നാളുകളിലെ ചികിത്സ തിരുവനന്തപുരം മെഡിക്കല് കോളജ് ആശുപത്രിയിലായിരുന്നു. ഡോക്ടര് പി.കെ.ആര് വാര്യര് ശസ്ത്രക്രിയ നടത്തി. അതിനു ശേഷം കൊടുത്ത രണ്ടാമത്തെ കുപ്പി രക്തം വയലാറിന്റെ ഗ്രൂപ്പില്പ്പെട്ടതായിരുന്നില്ല. ഈ രക്തം സ്വീകരിച്ചയുടന് മരണം സംഭവിച്ചുവെന്ന് ഏഴാച്ചേരി പറഞ്ഞു.
ഇക്കാര്യം പുറത്തറിഞ്ഞാല് ഉണ്ടായേക്കാവുന്ന പ്രത്യാഘാതം മനസിലാക്കിയ ഡോക്ടറും ആശുപത്രിയില് ഉണ്ടായിരുന്ന മറ്റുള്ളവരും രക്തഗ്രൂപ്പ് മാറിയ വിവരം രഹസ്യമായി സൂക്ഷിച്ചു. അന്ന് ആശുപത്രിയില് ഉണ്ടായിരുന്ന ഒരു നേതാവില് നിന്നാണ് താന് ഈ വിവരം അറിഞ്ഞത്.
ഇതിനെക്കുറിച്ച് ആധികാരികമായി സംസാരിക്കേണ്ട ആരും ഇന്നു ജീവിച്ചിരിപ്പില്ല. എന്നാലും തനിക്കറിയാവുന്ന കാര്യം പങ്കുവെയ്ക്കുകയാണ്. 1975 ഒക്ടോബര് ഇരുപത്തിയേഴിന് നാല്പത്തിയേഴാമത്തെ വയസിലാണ് വയലാര് അന്തരിച്ചത്.
Click it and Unblock the Notifications
Sign in with Google