Click it and Unblock the Notifications
Just In
Don't Miss
-
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
മുല്ലപ്പെരിയാര്‍: സുപ്രീം കോടതി പരിഗണിക്കുന്നു
മുല്ലപ്പെരിയാര്‍ മേഖലയില്‍ അടുത്തിടെ ഉണ്ടായ ഭൂകമ്പങ്ങള്‍ അണക്കെട്ടിന്റെ സുരക്ഷയ്ക്ക് ഭീഷണിയായിട്ടുണ്ടെന്നും ജലനിരപ്പ് 120 അടിയായി താഴ്ത്താന്‍ തമിഴ്‌നാടിന് നിര്‍ദ്ദേശം നല്‍കണമെന്നുമാണ് കേരളം അപേക്ഷ നല്‍കിയിരിക്കുന്നത്. ജലനിരപ്പിനെ ചൊല്ലിയുള്ള തര്‍ക്കം തീര്‍ക്കാന്‍ സുപ്രീംകോടതി നിയോഗിച്ച ഉന്നതാധികാര സമിതി റിപ്പോര്‍ട്ട് സമര്‍പ്പിക്കുന്നത് ഫെബ്രുവരിയിലാണ്.
അതുവരെ കാത്തിരിക്കാന്‍ ഇപ്പോഴത്തെ സാഹചര്യത്തില്‍ സാദ്ധ്യമല്ല. ജലനിരപ്പ് കുറയ്ക്കാന്‍ തമിഴ്‌നാട് തയ്യാറായില്ലെങ്കില്‍ കേരളത്തിലെ ഡാം സുരക്ഷ അതോറിട്ടിക്ക് ജലനിരപ്പ് താഴ്ത്താനുള്ള അധികാരം നല്‍കണമെന്നും കേരളം അപേക്ഷിച്ചിട്ടുണ്ട്.
മുല്ലപ്പെരിയാര്‍ അണക്കെട്ടിന്റെ സംരക്ഷണം ഉറപ്പാക്കാന്‍ കേന്ദ്രസേനയെ നിയോഗിക്കണമെന്ന തമിഴ്‌നാടിന്റെ ഹര്‍ജിയും കോടതി ഇതിനൊപ്പം പരിഗണിക്കും. അണക്കെട്ടിന്റെ നിരോധിത മേഖലയില്‍ ചില സംഘടനകളുടെ നേതൃത്വത്തില്‍ പ്രവര്‍ത്തകര്‍ അതിക്രമിച്ച് കയറിയതു ചൂണ്ടിക്കാട്ടിയാണ് തമിഴ്‌നാടിന്റെ ഹര്‍ജി. കേരളത്തിന്റെ ആവശ്യത്തെ എതിര്‍ത്തു ഡിഎംകെ ജനറല്‍ സെക്രട്ടറി കെ. അന്‍പഴകനും തിങ്കളാഴ്ച കോടതിയെ സമീപിച്ചു. ഇതും പരിഗണിക്കും.
മുല്ലപ്പെരിയാര്‍ അണക്കെട്ടിന്റെ സുരക്ഷാ ഭീഷണി ഉയര്‍ത്തി കേരളത്തിലെ രാഷ്ട്രീയ നേതാക്കളും സംഘടനകളും പരസ്യപ്രസ്താവനകള്‍ നടത്തുന്നത് വിലക്കണമെന്ന തമിഴ്‌നാടിന്റെ ഹര്‍ജിയും പരിഗണനയ്ക്കു വരും. ഇത്തരം പരസ്യപ്രസ്താവനകള്‍ ജനങ്ങളില്‍ അനാവശ്യ ഭീതിയുണ്ടാക്കുന്നുവെന്നാണ് അവരുടെ നിലപാട്.
ജസ്റ്റിസുമാരായ ഡി.കെ. ജയിനും അനില്‍ ദവെയുമടങ്ങിയ അഞ്ചംഗ ബെഞ്ച് ചൊവ്വാഴ്ച മൂന്ന് മണിയ്ക്കാണ് കേസ് പരിഗണിയ്ക്കുക.
