അഴീക്കോടിന്റെ സംസ്കാരം പയ്യാമ്പലത്ത്
കണ്ണൂര് പയ്യാമ്പലം കടപ്പുറത്ത് സംസ്കാരം നടത്തണമെന്നാണ് ബന്ധുക്കളും പറഞ്ഞു. ബന്ധുക്കള് ഈ ആവശ്യം ജില്ലാകലക്ടര്ക്ക് രേഖാമൂലം എഴുതി നല്കുകയും ചെയ്തു. ഇതോടെ മുഖ്യമന്ത്രി ഇരു കൂട്ടരുമായും ചര്ച്ച നടത്തിയാണ് തീരുമാനമെടുത്തത്.
സംസ്കാരം സംബന്ധിച്ച് ഒരു വിവാദവും ഉണ്ടാകില്ലെന്ന് തൃശൂരിലെ ജനപ്രതിനിധികളും സാംസ്കാരിക പ്രവര്ത്തകരും ഉറപ്പുനല്കിയതായും മുഖ്യമന്ത്രി പറഞ്ഞു. തൃശൂരിലെ ജനങ്ങളുടെ വികാരം സര്ക്കാര് പൂര്ണ്ണമായും ഉള്ക്കൊള്ളുന്നതായും മുഖ്യമന്ത്രി പറഞ്ഞു. അഴീക്കോടിന് ഉചിതമായ സ്മാരകം തൃശൂരില് നിര്മ്മിക്കുമെന്നും ഉമ്മന്ചാണ്ടി അറിയിച്ചു.
തൃശൂരില് നിന്നും കൊണ്ടുവരുന്ന അഴീക്കോടിന്റെ ഭൗതിക ശരീരം കോഴിക്കോട് ടൗണ്ഹാളില് പൊതുദര്ശനത്തിന് വെച്ചശേഷം രാത്രിയോടെ കണ്ണൂരിലേക്ക് കൊണ്ടുപോകും. കണ്ണൂരിലെ മഹാത്മ മന്ദിരത്തിലാണ് മൃതദേഹം സൂക്ഷിക്കുക. ബുധനാഴ്ച രാവിലെ 11ന് പയ്യാമ്പലത്ത് പൂര്ണ്ണ ഔദ്യോഗിക ബഹുമതിയോടെ സംസ്കാരം നടക്കുമെന്നും മുഖ്യമന്ത്രി അറിയിച്ചു.
Click it and Unblock the Notifications
Sign in with Google