സുകുമാര് അഴീക്കോട് അന്തരിച്ചു
അര്ബുദ രോഗബാധയെതുടര്ന്ന് തൃശൂരിലെ അമല കാന്സര് സെന്ററില് ചികിത്സയിലായിരുന്നു. ആറ് മാസത്തിന് മുമ്പായിരുന്നു അര്ബുദം കണ്ടെത്തിയത്. തുടര്ന്ന് ഹോമിയൊ ചികിത്സയിലായിരുന്നു.
നിരൂപണരംഗത്തെ അതികായനായ അഴിക്കോട് സാഹിത്യവിമര്ശകനും വാഗ്മിയും വിദ്യാഭ്യാസചിന്തകനുമായിരുന്നു. 1926 മേയ് 12-ന് കണ്ണൂര് ജില്ലയിലെ അഴീക്കോട് ഗ്രാമത്തിലായിരുന്നു ജനനം. പ്രൈമറിതലം മുതല് സര്വകലാശാലയില് വരെ അദ്ധ്യാപകനായിരുന്നിട്ടുണ്ട്.
കാലിക്കറ്റ് സര്വ്വകലാശാലയില് പ്രോ വൈസ് ചാന്സിലറായിരുന്നു. കേന്ദ്ര-കേരള സാഹിത്യ അക്കാദമികളില് ജനറല് കൗണ്സില്, എക്സിക്യൂട്ടിവ് കൗണ്സില് എന്നിവയില് അംഗമായിരുന്നു. മുപ്പത്തഞ്ചിലേറെ കൃതികളുടെ കര്ത്താവായ ഇദ്ദേഹത്തിന്റെ തത്വമസി എന്ന കൃതിക്ക് കേന്ദ്ര-കേരള സാഹിത്യ അക്കാദമി പുരസ്കാരങ്ങളുള്പ്പടെ പത്ത് പുരസ്കാരങ്ങള് ലഭിച്ചിട്ടുണ്ട്.
Click it and Unblock the Notifications
Sign in with Google