മണിയാശാന് ഒളിവില്?
എന്നാല് നെയ്യാറ്റിന്കര ഉപതിരഞ്ഞെടുപ്പ് മുന്നില് കണ്ട് മണിയാശാനെ കുടുക്കാനാണ് യുഡിഎഫ് ശ്രമിക്കുന്നതെന്ന് ജില്ലയിലെ സിപിഎം പ്രവര്ത്തകര് പറയുന്നു. കൊലപാതകത്തിലോ ഗൂഢാലോചനയിലോ മണിയ്ക്ക് പങ്കില്ല. നെയ്യാറ്റിന്കര ഉപതിരഞ്ഞെടുപ്പിന് ശേഷം കുപ്രചരണങ്ങള്ക്കെതിരെ ആശാന് ശക്തമായി രംഗത്തു വരുമെന്നും ഇവര് പറയുന്നു.
അതേസമയം വിവാദ പ്രസംഗത്തിലൂടെ പാര്ട്ടിയെ വെട്ടിലാക്കിയ ജില്ലാ സെക്രട്ടറിയ്ക്കെതിരെ അച്ചടക്ക നടപടിയുണ്ടായേക്കുമെന്ന് ഏതാണ്ട് ഉറപ്പായി. മണിയെ മാറ്റിയാല് പകരം ആര് എന്ന ചര്ച്ചയും ജില്ലയില് സജീവമായി നടക്കുന്നുണ്ട്.
അതേസമയം ശക്തമായ തെളിവുകള് ശേഖരിച്ച ശേഷം മാത്രം മണിയെ അറസ്റ്റ് ചെയ്താല് മതിയെന്നാണ് അന്വേഷണസംഘത്തിന്റെ തീരുമാനം.
ഇന്ത്യന് ശിക്ഷാനിയമം 302, 109, 118 വകുപ്പുകള് പ്രകാരം കൊലപാതകം, ഗൂഢാലോചന, ഗൂഢാലോചനയെക്കുറിച്ച് അറിഞ്ഞിട്ടും രഹസ്യമാക്കിവയ്ക്കല് എന്നീ കുറ്റങ്ങള്ക്കാണ് മണിയുടെ പേരില് കേസെടുത്തിട്ടുള്ളത്. തെളിവെടുപ്പിന്റെ പ്രാഥമിക ഘട്ടം ഒരാഴ്ചയ്ക്കുള്ളില് പൂര്ത്തിയാവുമെന്നാണ് റിപ്പോര്ട്ട്്. ഇതിലെ കണ്ടെത്തലിന്റെ അടിസ്ഥാനത്തിലാവും അറസ്റ്റ്.
Click it and Unblock the Notifications
Sign in with Google