ഡോ. വര്ഗീസ് കുര്യന് അന്തരിച്ചു
1921 നവംബര് 26ന് കോഴിക്കോട്ടായിരുന്നു ജനനം. സിവില് സര്ജനായിരുന്ന ഡോ. പുത്തന്പുരയ്ക്കല് കുര്യനാണ് പിതാവ്. മദ്രാസ് ലയോള കോളജില് നിന്നും ഫിസിക്സില് ബിരുദവും ഗിണ്ടി എന്ജിനീയറിങ് കോളജില് നിന്നും മെറ്റലേര്ജി ബിരുദവും നേടി. ടാറ്റാ സ്റ്റീല് കമ്പനിയില് അപ്രന്റീസായി ജോലിയില് ചേര്ന്നു.
തുടര്ന്ന് അമേരിക്കയിലെ മിച്ചിഗണ് സ്റ്റേറ്റ് യൂനിവേഴ്സിറ്റിയില് ഉപരിപഠനം. സര്ക്കാര് ചെലവില് പഠനം പൂര്ത്തിയാക്കി തിരിച്ചെത്തിയ അദ്ദേഹത്തിന് ആദ്യം ലഭിച്ച ജോലി ആനന്ദിലേതായിരുന്നു. 1965ല് കുര്യനെ ചെയര്മാനാക്കി നാഷണല് ഡയറി ഡെവലപ്മെന്റ് ബോര്ഡ് രൂപീകരിച്ചത് ക്ഷീരമേഖലയില് വന്കുതിച്ചുചാട്ടം തന്നെയുണ്ടാക്കി.
1973ല് രൂപീകരിച്ച അമുലില് ഇന്ന്ഒരു കോടിയോളം ക്ഷീരകര്ഷകര് അംഗങ്ങളാണ്. മാഗ്സാസെ, പത്മശ്രീ, പത്മഭൂഷണ്, പത്മവിഭൂഷണ്, വേള്ഡ് ഫുഡ് പ്രൈസ് ബഹുമതികള് സ്വന്തമാക്കിയിട്ടുണ്ട്. ഭാര്യ: മോളി. മകള്: നിര്മല കുര്യന്.
Click it and Unblock the Notifications
Sign in with Google