ഒവൈസി ജുഡീഷ്യല് കസ്റ്റഡിയില്
ഡിസംബറില് ഒവൈസി നടത്തിയ പ്രസംഗത്തിന്റെ രണ്ട് എഫ്ഐആറുകള് രജിസ്റ്റര് ചെയ്തിട്ടുണ്ട്. സെക്ഷന് 121 അനുസരിച്ചുള്ള കുറ്റവും ആരോപിച്ചതിനാല് ഒവൈസിക്ക് ഇനി അത്ര എളുപ്പത്തില് പുറത്തുവരാനാവില്ല. ഇന്ത്യന് സര്ക്കാറിനെതിരേ യുദ്ധം നടത്തുന്നവര്ക്കെതിരേയാണ് സാധാരണ ഈ വകുപ്പനുസരിച്ച് കേസെടുക്കാറുള്ളത്.
ഒവൈസിയുടെ ശാരീരികനില മോശമാണെന്നും അദ്ദേഹം ചികിത്സയ്ക്കുവേണ്ടിയാണ് ലണ്ടനില് പോയതെന്നുമുള്ള അഭിഭാഷകന്റെ വാദം അംഗീകരിക്കാന് കോടതി തയ്യാറായില്ല. ലണ്ടനില് നിന്ന് തിങ്കളാഴ്ച തിരിച്ചെത്തിയിരുന്നെങ്കിലും പോലിസ് അറസ്റ്റ് ചെയ്യാന് തയ്യാറായിരുന്നില്ല.
യുപിഎ ഘടകകക്ഷിയായിരുന്ന എംഐഎം നേതാവിനെ കോണ്ഗ്രസ് സര്ക്കാറാണ് സംരക്ഷിക്കുന്നതെന്ന വാദവുമായി ബിജെപി രംഗത്തെത്തിയിരുന്നു. ഒവൈസി അന്വേഷണത്തോട് സഹകരിക്കാത്തതിനെ തുടര്ന്ന് പോലിസ് അറസ്റ്റ് ചെയ്യാന് നിര്ബന്ധിതരാവുകയായിരുന്നു. ഒവൈസിയുടെ പ്രസ്താവന സോഷ്യല് നെറ്റ്വര്ക്കിങ് സൈറ്റുകളില് വന് കോലാഹലമാണ് ഉണ്ടാക്കിയത്.
Click it and Unblock the Notifications
Sign in with Google