Click it and Unblock the Notifications
Just In
-
-
-
Don't Miss
-
ആരെക്കുറിച്ചും ഗോസിപ്പ് പറയില്ല, രണ്ബീറിന്റെ ഭാഗ്യമാണവള്; ആലിയ ഭട്ടിനെ പ്രശംസിച്ച് റിദ്ധിമ കപൂര് -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മോഡി ലഖ്‌നൊവില്‍ മത്സരിച്ചേക്കും
ബിജെപിയുടെ പ്രധാനമന്ത്രി സ്ഥാനാര്‍ഥിയായി ഏറ്റവും കൂടുതല്‍ സാധ്യത കല്‍പിക്കപ്പെടുന്ന ഗുജറാത്ത് മുഖ്യമന്ത്രി നരേന്ദ്ര മോഡി ലഖ്‌നൊവില്‍ മത്സരിക്കുമെന്ന് അഭ്യൂഹം. ബിജെപിയുടെ എക്കാലത്തെയും മികച്ച നേതാവും മുന്‍ പ്രധാനമന്ത്രിയുമായ അടല്‍ ബിഹാരി വാജ്‌പേയിയെ പലകുറി പാര്‍ലമെന്റിലേക്കയച്ച സുരക്ഷിതമണ്ഡലമാണ് ലഖ്‌നൊ.
ഇവിടെ നിന്ന് മോഡി ജയിച്ചുകയറണമെന്ന ആഗ്രഹം പല നേതാക്കളും പ്രകടിപ്പിച്ചുകഴിഞ്ഞു. ഗുജറാത്ത് മുഖ്യമന്ത്രിയില്‍നിന്ന് രാജ്യത്തിന്റെ പ്രധാനമന്ത്രി പദത്തിലേക്കുള്ള ചുവടുമാറ്റത്തിന് ബിജെപി അണിയറപ്രവര്‍ത്തനങ്ങള്‍ തുടങ്ങിയതായാണ് സൂചന. അതിന്റെ ഭാഗമായി ദേശീയതലത്തില്‍ മോഡിയെ പങ്കെടുപ്പിച്ചുകൊണ്ടൊരു യാത്ര സംഘടിപ്പിക്കാനുള്ള ഒരുക്കത്തിലാണ് ബിജെപി. ഔദ്യോഗികമായി മോഡിയെ പ്രധാനമന്ത്രി സ്ഥാനാര്‍ത്ഥിയായി പ്രഖ്യാപിച്ചിട്ടില്ലെങ്കിലും വോട്ടര്‍മാരുടെ വിശ്വാസം നേടാനുള്ള വഴിയായാണ് പാര്‍ട്ടി ഇതിനെ കാണുന്നത്.
ഇതിന്റെ മുന്നോടിയായാണ് കഴിഞ്ഞ മാസം ശ്രീരാം കോളജ് ഓഫ് കൊമേഴ്‌സിലെ പൊതുസമ്മേളനത്തില്‍ മോഡി പങ്കെടുത്തത്. ഇക്കാര്യം ബിജെപിയുടെ മുതിര്‍ന്ന നേതാക്കള്‍തന്നെ തുറന്നുസമ്മതിക്കുന്നുമുണ്ട്. മോഡി ദേശീയ നേതാവല്ലെന്ന ആര്‍ജെഡി നേതാവ് ലാലു പ്രസാദ് യാദവിന്റെയും സിപിഎം ജനറല്‍ സെക്രട്ടറി പ്രകാശ് കാരാട്ടിന്റെയും വിമര്‍ശനത്തിന് മറുപടിയുമായി ബിജെപി അധ്യക്ഷന്‍ രാജ്‌നാഥ് സിങ്ങുതന്നെ രംഗത്തത്തെിയിരുന്നു. മോഡിയുടെ ജനപിന്തുണയെപ്പറ്റി ആര്‍ക്കും നിഷേധിക്കാനാവില്ലെന്നായിരുന്നു അദ്ദേഹത്തിന്റെ മറുപടി. 2014ല്‍ നടക്കുന്ന പാര്‍ലമെന്റ് തെരഞ്ഞെടുപ്പില്‍ ഏറ്റവും ജനകീയനായ നേതാവായി മോഡിയെ ഉയര്‍ത്തിക്കാട്ടാന്‍ ബിജെപി തുനിഞ്ഞിറങ്ങുകയാണെന്ന് സാരം.
മോഡി പ്രധാനമന്ത്രി സ്ഥാനാര്‍ഥിയാകണോ എന്ന കാര്യം പാര്‍ട്ടിയുടെ കേന്ദ്ര പാര്‍ലമെന്ററി ബോര്‍ഡാണ് തീരുമാനമെടുക്കേണ്ടത്. ഇക്കാര്യത്തിലൊരു അവസാന വാക്ക് ഇപ്പോള്‍ പറയാനാകില്ല. എന്നാല്‍, മോഡിയുടെ ബഹുജനസമ്മതി സംബന്ധിച്ച് ആര്‍ക്കും തര്‍ക്കമുണ്ടാകുമെന്ന് തോന്നുന്നില്ല ചോദ്യത്തിന് മറുപടിയായി രാജ്‌നാഥ്‌സിങ് പറഞ്ഞു.
ബിജെപിയുടെ മികച്ച എട്ട് നേതാക്കളില്‍ ഒരാളാണ് മോഡി. അതുകൊണ്ടുതന്നെ അദ്ദേഹത്തെ പ്രധാനമന്ത്രി സ്ഥാനാര്‍ഥിയായി ഉയര്‍ത്തിക്കാട്ടിയാല്‍ അദ്ഭുതപ്പെടാനില്ലെന്നാണ് ബിജെപി ഉപാധ്യക്ഷന്‍ മുഖ്താര്‍ അബ്ബാസ് നഖ്വിയുടെ പ്രതികരണം. അടുത്തിടെ നടന്ന ബിജെപിയുടെ ദേശീയ നിര്‍വാഹക സമിതി യോഗത്തില്‍ മോഡിയായിരുന്നു താരം. ഗുജറാത്തിലെ ഹാട്രിക് വിജയത്തിന്റെ പശ്ചാത്തലത്തിലാണ് നേതാക്കള്‍ മോഡിയെ പുകഴ്ത്താന്‍ മത്സരിച്ചത്. മോഡിയുടെ വിജയത്തെയും രാജ്യം അദ്ദേഹത്തിലര്‍പ്പിച്ചിരിക്കുന്ന പ്രതീക്ഷകളെയും രാജ്‌നാഥ്‌സിങ്ങും വാനോളം പുകഴ്ത്തി. ഗുജറാത്ത് മുഖ്യമന്ത്രിയായ മോഡി ഭാരതപര്യടനം കഴിയുന്നതോടെ ഇന്ത്യയുടെ പ്രധാനമന്ത്രിയാകുമോ എന്നാണ് അറിയേണ്ടത്. അതറിയാന്‍ ഇനി ഏറെക്കാലത്തെ കാത്തിരിപ്പുമില്ല.
