കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

രക്തം സ്വീകരിച്ച പെണ്‍കുട്ടിക്ക് എച്ച്‌ഐവി

Google Oneindia Malayalam News

hiv
മാനന്തവാടി: മെഡിക്കല്‍ കോളേജില്‍ നിന്നും രക്തം സ്വീകരിച്ച എട്ടു വയസ്സുകാരിക്ക് എച്ച് ഐ വി സ്ഥിരീകരിച്ചു. വയനാട് ജില്ലാ ആരോഗ്യവകുപ്പ് അധികൃതരാണ് എച്ച് ഐ വി പോസിറ്റീവാണെന്ന് സ്ഥിരീകരിച്ചത്. മാനന്തവാടി ജില്ലാ ആശുപത്രിയില്‍ നിന്നും കോഴിക്കോട് മെഡിക്കല്‍ കോളേജ് എന്നിവിടങ്ങളില്‍ നിന്നുമാണ് കുട്ടി രക്തം സ്വീകരിച്ചത്. കുട്ടിയുടെ അച്ഛനും അമ്മയും എച്ച് ഐ വി പോസിറ്റീവല്ല എന്നും സ്ഥിരീകരിച്ചിട്ടുണ്ട്.

രക്തത്തില്‍ ഹീമോഗ്ലോബിന്റെ അളവ് കുറയുന്ന തല്‍സീമിയ എന്ന രോഗത്തിന് ചികിത്സയിലായിരുന്നു ഈ പെണ്‍കുട്ടി. കഴിഞ്ഞ ആറര വര്‍ഷമായി വിവിധ ആശുപത്രികളില്‍ കുട്ടി ചികിത്സയില്‍ കഴിഞ്ഞുവരികയാണ്. എട്ടുമാസം മുമ്പ് കൈയ്യില്‍ സ്ഥിരമായി ചൊറിച്ചില്‍ അനുഭവപ്പെട്ടതിനെത്തുടര്‍ന്ന് നടത്തിയ പരിശോധനയിലാണ് കുട്ടി എച്ച് ഐ വി ബാധിതയാണെന്ന് കണ്ടെത്തിയത്.

മെഡിക്കല്‍ കോളേജില്‍ നിന്നും രക്തം സ്വീകരിച്ച കുട്ടിക്ക് എച്ച് ഐ വി സ്ഥിരീകരിച്ച സംഭവത്തില്‍ വിശദമായ അന്വേഷണം നടത്തുമെന്ന് ആരോഗ്യമന്ത്രി വി എസ് ശിവകുമാര്‍ പറഞ്ഞു. ഇതേക്കുറിച്ച് ആരോഗ്യവകുപ്പ് അധികൃതരോട് റിപ്പോര്‍ട്ട് ആവശ്യപ്പെട്ടിട്ടുണ്ട്.

ഈ റിപ്പോര്‍ട്ടനുസരിച്ചായിരിക്കും തുടര്‍ന്നുള്ള നടപടികളെന്നും ആരോഗ്യ മന്ത്രി പറഞ്ഞു. എന്നാല്‍ കോഴിക്കോട് മെഡിക്കല്‍ കോളേജില്‍ നിന്നല്ല കുട്ടിക്ക് എച്ച് ഐ വി ബാധിച്ചത് എന്ന് മെഡിക്കല്‍ കോളേജ് അധികൃതര്‍ പ്രതികരിച്ചു.

English summary
Eight year old girl detected HIV positive in Mananthawady, Wayand. The girl reportedly received blood from various hospitals including Calicut Medical College.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X