Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
മുഷാറഫിനെ അറസ്റ്റ് ചെയ്തു
ഇസ്ലാമാബാദ്: പാകിസ്താന്‍ മുന്‍ പ്രസിഡന്റ് പര്‍വേസ് മുഷാറഫിനെ അറസ്റ്റ് ചെയ്തു. 2007ല്‍ ജഡ്ജിമാരെ വീട്ടുതടങ്കലിലാക്കിയ കേസില്‍ ജാമ്യം നീട്ടിതരില്ലെന്ന് ഇസ്ലാമാബാദ് ഹൈക്കോടതി കഴിഞ്ഞ ദിവസം വ്യക്തമാക്കിയിരുന്നു. കോടതി അറസ്റ്റ് വാറണ്ട് പുറപ്പെടുവിച്ചതിനെ തുടര്‍ന്ന് കോടതിയില്‍ നിന്നും നാടകീയമായി മുങ്ങിയ മുഷാറഫിനെ വസതിയില്‍ വെച്ചാണ് പാകിസ്താന്‍ പോലിസ് അറസ്റ്റ് ചെയ്തത്.
പൊതുതിരഞ്ഞെടുപ്പില്‍ മത്സരിക്കുന്നതിനുവേണ്ടിയാണ് നാലു വര്‍ഷത്തെ പ്രവാസ ജീവിതത്തിനുശേഷം മുഷാറഫ് രാജ്യത്ത് തിരിച്ചെത്തിയത്. മെയ് 11ന് നടക്കുന്ന തിരഞ്ഞെടുപ്പില്‍ മുഷാറഫിന് പങ്കെടുക്കാന്‍ കഴിയില്ലെന്ന് തിരഞ്ഞെടുപ്പ് വരണാധികാരികള്‍ നിര്‍ദ്ദേശിച്ചിട്ടുണ്ട്. നാലു മണ്ഡലങ്ങളില്‍ പത്രിക നല്‍കിയിരുന്നെങ്കിലും നാലു തള്ളി പോയിരുന്നു.
മുന്‍ പ്രധാനമന്ത്രി ബേനസീര്‍ ഭൂട്ടോയുടെ കൊലപാതകവുമായി ബന്ധപ്പെട്ട കേസിലും മുഷാറഫ് പ്രതിയാണ്. രാജ്യത്ത് ഒട്ടേറെ കേസുകള്‍ വേട്ടയാടാന്‍ തുടങ്ങിയപ്പോഴാണ് മുഷാറഫ് ലണ്ടനിലും ദുബായിലുമായി രഹസ്യം ജീവിതം തിരഞ്ഞെടുത്തത്. ഒട്ടുമിക്ക കേസുകളിലും താല്‍ക്കാലിക ജാമ്യം ലഭിച്ചതിനെ തുടര്‍ന്ന് പ്രത്യേകം ചാര്‍ട്ട് ചെയ്ത വിമാനത്തില്‍ മാര്‍ച്ച് 24നാണ് രാജ്യത്തെ തിരിച്ചെത്തിയത്.
ജാമ്യം റദ്ദാക്കിയ ഹൈക്കോടതി നടപടിക്കെതിരേ സുപ്രിം കോടതിയില്‍ ഹരജി നല്‍കുമെന്ന് മുഷാറഫിന്റെ അഭിഭാഷകന്‍ കഴിഞ്ഞ ദിവസം വ്യക്തമാക്കിയിരുന്നു.
