കനത്ത സുരക്ഷയില് മോഡി നാളെ കേരളത്തില്
കനത്ത സുരക്ഷയിലായിരിക്കും മോഡിയുടെ കേരള സന്ദര്ശനം. മോഡിയുടെ സന്ദര്ശനം സംബന്ധിച്ച വിവാദം ശക്തമായ സാഹചര്യത്തില് കനത്ത സുരക്ഷ ഒരുക്കിയതായി ആഭ്യന്തരമന്ത്രി തിരുവഞ്ചൂര് രാധാകൃഷ്ണന് അറിയിച്ചു. കനത്ത ജാഗ്രതയിലാണ് സംസ്ഥാനം. എല്ലാ വിധ സുരക്ഷാ ക്രമീകരണങ്ങളും പൂര്ത്തിയായതായും മന്ത്രി പറഞ്ഞു.
നേരത്തെ നരേന്ദ്രമോഡിയെ ശിവഗിരി മഠത്തിന്റെ പരിപാടിയില് പങ്കെടുപ്പിക്കുന്നത് ശിവഗിരിയെ ഹിന്ദുമഠമാക്കാനുള്ള ആസൂത്രിത നീക്കത്തിന്റെ ഭാഗമാണെന്ന് പിണറായി വിജയന് ആരോപിച്ചിരുന്നു. മോഡിയുടെ സന്ദര്ശനവുമായി ബന്ധപ്പെട്ട് കൊടിയേരി ബാലകൃഷ്ണന് മുഖ്യമന്ത്രിയെ കുറ്റപ്പെടുത്തിക്കൊണ്ട് രംഗത്തുവന്നിരുന്നു. മോഡി പങ്കെടുക്കുന്ന ചടങ്ങില് സംബന്ധിക്കാന് താല്പര്യമില്ലെന്ന് വി എസ് അച്യുതാനന്ദനും വ്യക്തമാക്കിയിരുന്നു.
എന്നാല് മോഡിയുടെ സന്ദര്ശനവുമായി ഇടതുപക്ഷ നേതാക്കള് ഉയര്ത്തുന്ന ആരോപണങ്ങള് വെറും രാഷ്ട്രീയപ്രേരിതം മാത്രമാണെന്ന നിലപാടാണ് എസ് എന് ഡി പി യോഗം ജനറല് സെക്രട്ടറി വെള്ളാപ്പള്ളി നടേശന്. ശിവഗിരി മഠത്തിന്റെ കാര്യം സന്യാസികള് തീരുമാനിക്കുമെന്നും അതില് രാഷ്ട്രീയക്കാര് ഇടപെടേണ്ടെന്നും അദ്ദേഹം ഇന്നലെ പിണറായി വിജയന് മറുപടിയായി പറഞ്ഞിരുന്നു.
Click it and Unblock the Notifications
Sign in with Google