എസ്എന്ഡിപിയും എന്എസ്എസും എന്തിനാണ് ?
അതേസമയം എന് എസ് എസിന്റെയും എസ് എന് ഡി പിയുടെയും പ്രസ്താവനയ്ക്കെതിരെ ശക്തമായ പ്രതിഷേധമാണ് രാഷ്ട്രീയനേതാക്കളില് നിന്നും ഉണ്ടാകുന്നത്. ഇവരുടെ പ്രസ്താവന നിലവാരമില്ലാത്തതാണെന്ന് മുസ്ലിം ലീഗ് നേതാവ് ഇ ടി മുഹമ്മദ് ബഷീര് പറഞ്ഞു. കേരളത്തിലെ സാമൂഹിക സൗഹാര്ദ്ദം തകര്ക്കാനേ ഇത്തരം പ്രസ്താവനകള് ഉപതകരിക്കൂ. കേരളത്തിലെ സര്ക്കാര് സാമുദായിക അടിസ്ഥാനത്തിലല്ല പ്രവര്ത്തിക്കുന്നതെന്നും ഇ ടി പറഞ്ഞു.
പ്രസ്താവനയ്ക്കെതിരെ സി പി ഐ സംസ്ഥാന സെക്രട്ടറി പന്ന്യന് രവീന്ദ്രനും രംഗത്തുവന്നു. എന് എസ് എസും എസ് എന് ഡി പിയും വിചാരിച്ചാല് കേരളത്തില് ഒരു രാഷ്ട്രീയ മാറ്റവും കൊണ്ടുവരാന് കഴിയില്ല എന്ന് പന്ന്യന് രവീന്ദ്രന് പറഞ്ഞു. എന്നാല് പ്രസ്താവനകള്ക്കെതിരെ പ്രതികരിക്കാന് കെ പി സി സി പ്രസിഡണ്ട് രമേശ് ചെന്നിത്തല തയ്യാറായില്ല. സാമുദായിക നേതാക്കന്മാരുടെ പ്രസ്താവനകള്ക്ക് മറുപടി പറയാറില്ലെന്ന് ചെന്നിത്തല പറഞ്ഞു.
കേരളത്തില് ഭൂരിപക്ഷ സമുദായങ്ങള് പലായനം ചെയ്യേണ്ട അവസ്ഥയാണുള്ളതെന്നായിരുന്നു എന് എസ് എസ് സെക്രട്ടറി ജി സുകുമാരന് നായരും എസ് എന് ഡി പി യോഗം സെക്രട്ടറി വെള്ളാപ്പള്ളി നടേശനും വെള്ളിയാഴ്ച വാര്ത്താ സമ്മേളനത്തില് പറഞ്ഞത്. ഭൂരിപക്ഷ സമുദായങ്ങള്ക്ക് നീതിയും ന്യായവും കിട്ടുന്നില്ലെന്നും കേരളം ഭരിക്കുന്നത് ന്യൂനപക്ഷ സമുദായക്കാരായ മന്ത്രിമാര് ചേര്ന്നാണെന്നും മറ്റുള്ളവര്ക്ക് യാതൊരു വിലയുമില്ലെന്നും ഇരുവരും കുറ്റപ്പെടുത്തി.
Click it and Unblock the Notifications
Sign in with Google