സക്കീര് ഹുസൈനിന്റെ തബല മോഷണം പോയി
തുര്ക്കിയിലെ ഇസ്താംബുളില് ലോക ജാസ് ദിനാഘോഷത്തിന്റെ ഭാഗമായി സംഘടിപ്പിച്ച പരിപാടിയില് പങ്കെടുത്ത് മടങ്ങുകയായിരുന്നു സക്കീര് ഹുസൈന്. ശനിയാഴിച്ച പാരീസിലേക്കുള്ള മടക്കയാത്രയിലാണ് തബല മോഷണം പോയ വിവരം ഹുസൈന് തിരിച്ചറിയുന്നത്. തബല നഷ്ടപ്പെട്ട ദു:ഖത്തില് അദ്ദേഹം ട്വിറ്ററില് കുറിച്ചു, 'ഇന്നെനിക്ക് ദു:ഖ ദിനം, ആ തബല എന്റെ പിതാവിന്റെതാണ്'.
ഏഴാം വയസ്സില് ഹുസൈന് പിതാവ് ഉസ്താദ് അല്ല രേഖ ഗുരുസ്ഥാനീയനായി. പിന്നീടങ്ങോട്ട് സംഗീതം മാത്രമായിരുന്നു ലോകം. സമകാലികരായ പണ്ഡിറ്റ് ഹരിപ്രസാദ് ചൗരസ്യയ്ക്കും രവിശങ്കറിനുമൊപ്പം സംഗീതത്തിന് പുതിയ മാനങ്ങള് രചിച്ചു. ഇന്തോ അമേരിക്കന് അവാര്ഡ്, സീറ്റിലിലെ വാഷിങ്ടണ് യൂണിവേഴ്സിറ്റിയില് നിന്നും ഡോക്ടറേറ്റ്, 1988 ല് പത്മശ്രീ തുടങ്ങിയവ ഹുസൈന് ലഭിച്ച ബഹുമതികളാണ്.
കൂടാതെ 1991 ല് സംഗീത നാടക അക്കാദമീ അവാര്ഡിനര്ഹനാവുമ്പോള് ഈ അവാര്ഡ് കരസ്തമാക്കുന്ന ഏറ്റവും പ്രായം കുറഞ്ഞ വ്യക്തിയായിരുന്നു സക്കീര് ഹുസൈന്.