Click it and Unblock the Notifications
Just In
Don't Miss
-
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ -
ജാസ്മിന് നന്നായി വളച്ചൊടിച്ചു, ഗബ്രി നന്നായി കളിക്കുന്നുവെന്ന ഭയം; ജാസ്മിന് 916 ഫേക്ക്! -
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സിദ്ധരാമയ്യ കര്‍ണാടക മുഖ്യമന്ത്രിയാകും
മൈസൂര്‍ ജില്ലയിലെ വരുണ ഹൊബ്ലിയ്ക്കടുത്തുള്ള സിദ്ദരാമണഹുണ്ഡിയിലാണ് സിദ്ധരാമയ്യ ജനിച്ചത്. 1948 ആഗസ്ത് 12നാണ് ജനനം. അഭിഭാഷക ജോലിക്കിടെ മൈസൂര്‍ താലൂക്ക് ബോര്‍ഡിലേക്കുള്ള തിരഞ്ഞെടുപ്പില്‍ ഭാരതീയ ലോക്ദള്‍ ടിക്കറ്റില്‍ മത്സരിച്ചാണ് സജീവരാഷ്ട്രീയത്തിന് ഹരിശ്രീ കുറിച്ചത്. സംസ്ഥാനത്തെ ഏറ്റവും വലിയ മൂന്നാമത്തെ വിഭാഗമായ കുറുംബ സമുദായത്തിനിടയില്‍ ഗണ്യമായ സ്വാധീനം നേടാനും 1983ല്‍ നിയമസഭയിലെത്താനും സാധിച്ചതോടെ ശ്രദ്ധിക്കപ്പെടാന്‍ തുടങ്ങി.
ജനതപാര്‍ട്ടിയില്‍ ചേര്‍ന്ന സിദ്ധരാമയ്യ കന്നഡ കാവല്‍ സമിതി എന്ന സംഘടനയുടെ ആദ്യ പ്രസിഡന്റായി. കന്നഡ ഭാഷയുടെ പ്രചാരണത്തിനു വേണ്ടി പ്രവര്‍ത്തിച്ചു. 1985ല്‍ നടന്ന ഇടക്കാല തിരഞ്ഞെടുപ്പില്‍ ഓള്‍ഡ് മൈസൂര്‍ മേഖലയെ പ്രതിനിധീകരിച്ച് വീണ്ടും സഭയിലെത്തി. രാമകൃഷ്ണ ഹെഗ്‌ഡെ സര്‍ക്കാറില്‍ ഇത്തവണ മൃഗസംരക്ഷണം-ഗതാഗതം തുടങ്ങിയ വകുപ്പുകളുടെ ചുമതലയുള്ള മന്ത്രിയായി.
1992ല്‍ സംഘടനയുടെ സെക്രട്ടറി ജനറലായി ചുമതലയേറ്റെടുത്തത് നിര്‍ണായകമായി. 1994ല്‍ വീണ്ടും നിയമസഭയിലെത്തി. ദേവഗൗഡ സര്‍ക്കാറില്‍ ധനകാര്യമന്ത്രിയായി. 1996ല്‍ ജെ എച്ച് പട്ടേല്‍ മുഖ്യമന്ത്രിയായപ്പോള്‍ ഉപ മുഖ്യമന്ത്രി പദം സിദ്ധരാമയ്യയെ തേടിയെത്തി. 1999ലെ തിരഞ്ഞെടുപ്പില്‍ തോല്‍വിയറിഞ്ഞു. 2004ല്‍ ജെഡിഎസും കോണ്‍ഗ്രസും സര്‍ക്കാറുണ്ടാക്കിയപ്പോഴും ഉപമുഖ്യമന്ത്രി സ്ഥാനം സിദ്ധരാമയ്യയ്ക്കായിരുന്നു.
2006ല്‍ ദേവഗൗഡയുമായുള്ള അഭിപ്രായവ്യത്യാസത്തെ തുടര്‍ന്ന് പാര്‍ട്ടി വിട്ടു. കോണ്‍ഗ്രസിലെത്തി ചാമുണ്ഡേശ്വരി ഉപതിരഞ്ഞെടുപ്പില്‍ 257 വോട്ടിന്റെ ജയം സ്വന്തമാക്കി. ജനതാദളിന്റെയും ബിജെപിയുടെയും സംയുക്തസ്ഥാനാര്‍ത്ഥിയായിരുന്ന ശിവബാസപ്പയെയാണ് തോല്‍പ്പിച്ചത്. 2008ലും 2013ലും വരുണ മണ്ഡലത്തെ പ്രതിനിധീകരിച്ചു.
