ലാലുവിന്റെ മകളും രാഷ്ട്രീയത്തിലേക്ക്
രാഷ്ട്രീയം താന് ഏറെ ഇഷ്ടപ്പെടുന്ന ഒന്നാണ്. എന്നാല് വരുന്ന തിരഞ്ഞെടുപ്പില് മത്സരിക്കുമോ എന്ന കാര്യം ഇപ്പോള് പറയാനാവില്ല എന്നായിരുന്നു മിസയുടെ പ്രതകരണം. മകളും കൂടി രാഷ്ട്രീയത്തിലേക്ക് കാലെടുത്തുവെക്കുന്നതോടെ സമ്പൂര്ണ രാഷ്ട്രീയ കുടുംബമായി മാറും മുന് ബിഹാര് മുഖ്യമന്ത്രിയും കേന്ദ്രമന്ത്രിയുമായിരുന്ന ലാലു പ്രസാദ് യാദവിന്റേത്.
ലാലുവിന്റെ മകളായ മിസ ഭാരതി രാഷ്ട്രീയത്തിലേക്ക് കാലെടുത്തുവെക്കുമെന്ന് നേരത്തെ തന്നെ അഭ്യൂഹങ്ങള് ഉണ്ടായിരുന്നതാണ്. എന്നാല് വിവാഹശേഷം രാഷ്ട്രീയത്തില് താല്പര്യം കുറഞ്ഞതാണ് ഇത് വൈകാന് കാരണം.
കഴിഞ്ഞ ലോക്സഭാ തെരഞ്ഞെടുപ്പിന് തൊട്ടുമുന്പാണ് മൂത്ത മകനായ തേജ് പ്രതാപിനെ ലാലു രാഷ്ട്രീയത്തിലേക്ക് കൊണ്ടുവന്നത്. 2010 ലെ അസംബ്ലി തെരഞ്ഞെടുപ്പിന്റെ സമയത്ത് ഇളയ മകനായ തേജസ്വിയും രാഷ്ട്രീയത്തില് സജീവമായി. അഴിമതിക്കേസില് മുഖ്യമന്ത്രി സ്ഥാനം നഷ്ടപ്പെട്ട് ജയിലില് പോകേണ്ടിവന്നപ്പോള് ഭാര്യയായ റാബറി ദേവിയെയായിരുന്നു ലാലു പ്രസാദ് യാദവ് തല്സ്ഥാനത്ത് ഇരുത്തിയത്.