സീനിയര് കളിക്കാരും സമ്മാനങ്ങള് വാങ്ങാറുണ്ട്
കളിക്കാരില് പലരും വാതുവെപ്പ് സംഘങ്ങളുമായി നിരന്തരം ബന്ധപ്പെടാറുണ്ട്. എന്നാല് ആരൊക്കെയാണ് ഈ കളിക്കാര് എന്ന് വെളിപ്പെടുത്താന് ശ്രീശാന്ത് തയ്യാറായിട്ടില്ല എന്നാണ് വിവരം. കളിക്കാര്ക്ക് സ്ത്രീകളെ എത്തിച്ചുകൊടുക്കുന്നത് ഇന്ത്യന് ക്രിക്കറ്റില് സാധാരണയാണെന്നും താരം പോലീസിനോട് പറഞ്ഞതായാണ് റിപ്പോര്ട്ട്.
എന്നാല് ശ്രീശാന്തിന്റെ വെളിപ്പെടുത്തല് പോലീസ് പൂര്ണമായും മുഖവിലയ്ക്കെടുത്തിട്ടില്ല എന്നാണ് സൂചനകള്. എന്തായാലും താന് കുടുങ്ങി, കൂടെ ചിലരെ കൂടെ പെടുത്താനുള്ള ശ്രമത്തിലാണോ ശ്രീശാന്ത് എന്നും പോലീസ് സംശയിക്കുന്നുണ്ട്.
അതേസമയം ഒത്തുകളിയുമായി ബന്ധപ്പെട്ട് പോലീസ് റെയ്ഡ് തുടരുകയാണ്. രാജസ്ഥാന് റോയല്സിന്റെ സ്പിന്നറായിരുന്ന ചാന്ദിലയുടെ ബന്ധുവീട്ടില് നിന്നും ദില്ലി പോലീസ് 20 ലക്ഷം രൂപ പിടിച്ചെടുത്തു. ഒത്തുകളി സംഘവും കളിക്കാരും തമ്മിലുള്ള ഇടപാടുകളിലെ പ്രധാന കണ്ണിയാണ് രാജസ്ഥാന്റെ ഈ ഓഫ് സ്പിന് ബൗളര്.
ശ്രീശാന്ത് വാതുവെപ്പുകാരില് നിന്നും 10 ലക്ഷം രൂപ മുന്കൂറായി കൈപ്പറ്റി എന്നാണ് ബന്ധു കൂടിയായ ഇടനിലക്കാരന് ജിജു ജനാര്ദ്ദനന് പോലീസിന് മൊഴി നല്കിയത്. ഐ പി എല് താരങ്ങളും രഞ്ജി കളിക്കാരും ഉള്പ്പെടെ ഏതാണ്ട് 17 പേരെ പോലീസ് ഒത്തുകളിയുമായി ബന്ധപ്പെട്ട് ഇതിനോടകം അറസ്റ്റ് ചെയ്തിട്ടുണ്ട്.
Click it and Unblock the Notifications
Sign in with Google