ആലപ്പുഴ ഡിസിസി പ്രമേയത്തിനെതിരെ വെള്ളാപ്പള്ളി
എസ്എന്ഡിപിക്ക് സ്ഥാനമാനങ്ങള് തന്നത് ഷുക്കൂറിന്റെ ഔദാര്യമല്ലെന്നും ഈഴവരോട് വിദ്വേഷമുള്ളതു പോലെയാണ് ഷുക്കൂര് പെരുമാറുന്നതെന്നും വെള്ളാപ്പള്ളി പറഞ്ഞു. യുഡിഎഫ് തന്ന നക്കാപ്പിച്ച സ്ഥാനം വലിച്ചെറിയാന് തയ്യാറാണെന്നും യുഡിഎഫ് സര്ക്കാരുമായും കോണ്ഗ്രസുമായും ഒത്തുതീര്പ്പിനില്ലെന്നും വെള്ളാപ്പള്ളി നടേശന് ആഞ്ഞടിച്ചു. പ്രോ വൈസ് ചാന്സിലര് സ്ഥാനം സുകുമാരന് നായരുടെ മകന് വേണ്ടെന്നു പറഞ്ഞിട്ടും അവര്ക്കെതിരെ കടുത്ത ആരോപണം വന്നത് ശരിയായില്ലെന്നും അദ്ദേഹം പറഞ്ഞു.
സമുദായ നേതാക്കള്ക്കെതിരെയുള്ള ആലപ്പുഴ ഡിസിസിയുടെ പ്രമേയത്തിനെതിരെ പ്രതിഷേധമറിയിച്ചപ്പോള് മുഖ്യമന്ത്രിയും മന്ത്രി അടൂര് പ്രകാശും ഫോണില് വിളിച്ചിരുന്നു.ഡിസിസി അഭിപ്രായം തന്നെയാണോ മുഖ്യമന്ത്രിക്കും കെപിസിസിക്കുമെന്ന് വ്യക്തമാക്കണം. എന്എസ്എസ് നേതൃത്വവുമായി ചേര്ന്ന സോണിയ ഗാന്ധിയെ കാണുമെന്നും പരാതി നല്കുനെന്നും വെള്ളാപ്പള്ളി നടേശന് പറഞ്ഞു.