8 കമ്പനികള്ക്ക് നഷ്ടമായത് 43430 കോടി രൂപ
റിലയന്സ്, ടിസിഎസ്, സിഐഎല്, എച്ച്ഡിഎഫ്സി ബാങ്ക്, എച്ച്ഡിഎഫ്സി, എന്ടിപിസി, ഐടിസി, ഭാരതി കമ്പനികളുടെ നഷ്ടമാണ് ഓഹരി വിപണിയെ കൂപ്പുകുത്തിച്ചത്. രൂപയുടെ മൂല്യത്തിലുണ്ടായ കുറവാണ് കമ്പനികള്ക്ക് തിരിച്ചടിയായത്. വെള്ളിയാഴ്ച സെന്സെക്സ് 769.41 പോയിന്റും നിഫ്റ്റി 234.45 പോയിന്റുമാണ് താഴേക്കിറങ്ങിയത്.
എച്ച്ഡിഎഫ്സി, എച്ച്ഡിഎഫ്സി ബാങ്ക്, ഐടിസി എന്നീ കമ്പനികളിലെ വിദേശനിക്ഷേപത്തിലാണ് വന്തോതില് കുറവ് സംഭവിക്കുന്നത്. ഡോളറിന്റെ മൂല്യത്തിലുള്ള വര്ധനവ് മുതലാക്കാന് വിദേശനിക്ഷേപ സ്ഥാപനങ്ങള് വന്തോതില് വിറ്റൊഴിക്കല് നടത്തി കൊണ്ടിരിക്കുകയാണ്. ഇതിന് ആനുപാതികമായി വിദേശനിക്ഷേപം കൊണ്ടുവരാന് കഴിയാത്തത് രാജ്യത്തെ സാമ്പത്തിക മേഖലയെ തളര്ത്തുമെന്ന കാര്യത്തില് സംശയമില്ല.
ഇറക്കുമതിയിലും കയറ്റുമതിയിലും ഉള്ള വലിയ വ്യത്യാസം ഡോളറിനുള്ള ഡിമാന്റ് വര്ദ്ധിപ്പിക്കുകയാണ് ചെയ്യുന്നത്. രൂപയുടെ മൂല്യം പിടിച്ചുനിര്ത്താന് സര്ക്കാര് കര്ശന നടപടികള് പ്രഖ്യാപിക്കാനിടയുണ്ട്.