പരസ്ത്രീബന്ധം ക്രൂരതയല്ല: സുപ്രീം കോടതി
യുവതിയുടെ ആത്മഹത്യയ്ക്ക് കാരണം ഭര്ത്താവിന്റെ പരസ്ത്രീബന്ധമാണ് എന്ന് തെളിയിക്കാന് പ്രോസിക്യൂഷന് കഴിഞ്ഞിട്ടില്ല എന്നും കോടതി നിരീക്ഷിച്ചു. ജസ്റ്റിസ് കെ എസ് രാധാകൃഷ്ണന്, പി സി ഘോഷ് എന്നിവരടങ്ങിയ ബഞ്ചിന്റേതാണ് വിധി. ഐ പി സി 498 എ, ആത്മഹത്യയ്ക്ക് കാരണമായതിന് 306 എന്നീ വകുപ്പുകള് പ്രകാരമാണ് ഇയാള് കുറ്റക്കാരനെന്ന് കീഴ്ക്കോടതികള് കണ്ടെത്തിയിരുന്നത്.
എന്നാല് ഭര്ത്താവിന്റെ പരസ്ത്രീബന്ധമാണ് യുവതിയുടെ ആത്മഹത്യയ്ക്ക് കാരണം എന്നതിന് തെളിവില്ല. ഏകപക്ഷീയമായ ബന്ധമാണ് ഭര്ത്താവും സഹപ്രവര്ത്തകയും തമ്മില് ഉണ്ടായിരുന്നത് എന്നാണ് മനസിലാകുന്നത്. മാത്രമല്ല ആത്മഹത്യ ചെയ്ത യുവതി ഭര്ത്താവിന്റെ കാര്യത്തില് വളരെയധികം പൊസസീവ് ആയിരുന്നു എന്ന് അവരുടെ ആത്മഹത്യാക്കുറിപ്പ് വ്യക്തമാക്കുന്നു എന്നും കോടതി നിരീക്ഷിച്ചു.
പീഡനത്തിന്റെ നിര്വ്വചനത്തില് ശാരീരിക പീഡനം മാത്രമേ വരൂ എന്നില്ല എന്നും കോടതി പറഞ്ഞു. മാനസികമായി പീഡിപ്പിക്കുന്നതും പീഡനത്തിന്റെ പരിധിയില് വരും. എന്നാല് ഈ കേസില് ഇങ്ങനെയൊന്ന് ഉണ്ടായിട്ടില്ല. സ്ത്രീധനത്തിന്റെ പേരില് യുവതി പീഡിപ്പിക്കപ്പെട്ടതായും റിപ്പോര്ട്ടില്ല. ആത്മഹത്യ ചെയ്ത യുവതി നേരത്തെ അബോര്ഷന് വിധേയയായിരുന്നു എന്നും ഇവരുടെ മറ്റൊരു കുഞ്ഞ് പ്രസവത്തോടെ മരിച്ചുപോയതായും റിപ്പോര്ട്ട് ചെയ്യപ്പെട്ടിട്ടുണ്ട്. ഇതൊക്കെ ചേര്ന്നുള്ള മാനസികവിഷമമാകാം ആത്മഹത്യയ്ക്ക് കാരണം.
Click it and Unblock the Notifications
Sign in with Google