കിടുക്കാച്ചി മീന്കറിയും ശശി തരൂരിന്റെ ഫ്രഞ്ചും!!! കേരളത്തിലേക്ക് നിസ്സാന് വന്ന കഥ ഇങ്ങനെ...
തിരുവനന്തപുരം: കേരളത്തില് ഒരു സ്ഥാപനം തുടങ്ങുക എന്നത് മള്ട്ടി നാഷണല് കമ്പനികളെ സംബന്ധിച്ച് അത്രയ്ക്ക് പ്രിയപ്പെട്ടതാവാന് ഒരു സാധ്യതയും ഇല്ല. അതിന് പ്രധാന കാരണം ഇവിടത്തെ ട്രേഡ് യൂണിയന് സംസ്കാരം ആണ്. ബഹുരാഷ്ട്ര കമ്പനികളുടെ തൊഴിലാളി വിരുദ്ധ നടപടികള്ക്കെതിരെ സമരം ചെയ്യുക എന്നത് കേരളത്തിലെ തൊഴിലാളികളെ സംബന്ധിച്ച് പൂ പറിക്കുന്നത് പോലെ ലളിതമായ ഒരു കാര്യം ആണ്. അത് ഭയന്ന് തന്നെയാണ് പലരും കേരളത്തില് സ്ഥാപനങ്ങള് തുടങ്ങാത്തത് എന്നൊരു ആക്ഷേപവും ഉണ്ട്.
എന്നാല്, വാഹന നിര്മാതാക്കളായ നിസാന് മോട്ടോര് കമ്പനി ലിമിറ്റഡ് കേരളവുമായി ഒരു കരാര് ഒപ്പിട്ടിരിക്കുകയാണ് 2018 ജൂണ് 29 ന്. തിരുവനന്തപുരത്ത് ഒരു ഡിജിറ്റല് ഇന്നൊവേഷന് ഹബ് തുടങ്ങുന്നതിന് വേണ്ടിയാണിത്. റെനോയും നിസ്സാനും മിസ്തുബിഷിയും പങ്കുവയ്ക്കുന്ന ഒരു ഗവേഷണ, വികസന കേന്ദ്രം ആയിരിക്കും ഇത്. ആദ്യ ഘട്ടത്തില് കേരളം 30 ഏക്കര് ഭൂമിയാണ് ഇതിന് വേണ്ടി നല്കുക. രണ്ടാം ഘട്ടത്തില് നാല്പത് ഏക്കര് കൂടി നല്കും.
ഒരു മീന് കറിയും ശശി തരൂരിന്റെ ഫ്രഞ്ച് പ്രവീണ്യവും ആണ് ഈ കരാര് എളുപ്പമാക്കിയത് എന്നാണ് ദ മിന്റ് റിപ്പോര്ട്ട് ചെയ്യുന്നത്. ആ കഥ ഇങ്ങനെയാണ്...
നിസ്സാന്റെ ചീഫ് ഇന്ഫര്മേഷന് ഓഫീസര് ആയ ആന്റണി തോമസ് തിരുവനന്തപുരം സ്വദേശിയാണ്. പഠിക്കുന്ന കാലത്ത് ഇടത് വിദ്യാര്ത്ഥി പ്രസ്ഥാനത്തില് സജീവമായിരുന്ന ആളാണ് കക്ഷി. കഴിഞ്ഞ ക്രിസ്തുമസ് സമയത്ത് തിരുവനന്തപുരത്തെ ചില സാങ്കേതിക വിദഗ്ധര് ആന്റണി തോമസിന് ഒരു ഡിന്നര് നല്കിയിരുന്നു. ആ പരിപാടി സംഘടിപ്പിച്ച സാങ്കേതിക വിദഗ്ധര് മുഖ്യമന്ത്രി പിണറായി വിജയനോടും തിരുവനന്തപുരം എംപിയായ ശശി തരൂരിനോടും നിസ്സാന് കമ്പനിയുമായി ബന്ധപ്പെടാന് അഭ്യര്ത്ഥിച്ചു. ഇതേതുടര്ന്ന് ഇരുവസും നിസ്സാന് കമ്പനിയുമായി ബന്ധപ്പെടുകയും ചെയ്തു.
കഴിഞ്ഞ ഫെബ്രുവരിയില് ശശി തരൂര് ആന്റി തോമസിനെ കണ്ടു സംസാരിച്ചു. അതിന് ശേഷം നിസ്സാന് അധികൃതരുമായി ശശി തരൂര് വീഡിയോ കോണ്ഫറന്സില് ബന്ധപ്പെട്ടു. നിസ്സാന്റെ ഉന്നത് അധികാരികള് ഫ്രഞ്ചുകാരായിരുന്നു. ഐക്യരാഷ്ട്രസഭ അണ്ടര് സെക്രട്ടറിയായിരുന്ന തരൂരിനെ സംബന്ധിച്ച് ഫ്രഞ്ച് ഒരു പുത്തരിയേ ആയിരുന്നില്ല. ആ സംഭാഷണത്തില് നിസ്സാന് അധികര് സംതൃപ്തരാവുകയും ചെയ്തു.
അതിനിടെയാണ് മുഖ്യമന്ത്രി പിണറായി വിജയന് ജാപ്പനീസ് സംഘത്തെ കേരളത്തിലേക്ക് ക്ഷണിച്ചത്. നല്ല കുടംപുളിയിട്ട മീന്കറിയൊക്കെ ആയിരുന്നു അവര്ക്ക് വിളമ്പിയത് എന്നാണ് മിന്റിന്റെ റിപ്പോര്ട്ടില് പറയുന്നത്. കൂടാതെ, ബിജെപി നേതാവും കേന്ദ്ര മന്ത്രിയും ആയ അല്ഫോന്സ് കണ്ണന്താനത്തേയും പ്രഭാത ഭക്ഷണത്തിന് മുഖ്യമന്ത്രി ക്ഷണിച്ചിരുന്നു. ഇതോടെ പ്രതിപക്ഷത്തിനും പ്രശ്നങ്ങളൊന്നും ഇല്ലെന്ന് വ്യക്തമാക്കാന് ആയി.
അങ്ങനെയാണ് ആ കരാര് യാഥാര്ത്ഥ്യമായത് എന്നാണ് കഥ! ഇത് കൂടാതെ ടെക്നോ പാര്ക്കിലെ വിദേശ കമ്പനികളില് നിന്നും നിസ്സാന് അഭിപ്രായ സമഹാരണം നടത്തിയിരുന്നു. അവരില് നിന്നും മികച്ച പ്രതികരണമാണത്രെ ലഭിച്ചത്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google