നിയമസഭാ തിരഞ്ഞെടുപ്പ് 2021: പ്രചാരണത്തിന് മാധ്യമങ്ങള്ക്ക് കർശന നിർദേശം, മുൻകൂർ അനുമതി നിർബന്ധം
കൊച്ചി: നിയമസഭാ തിരഞ്ഞെടുപ്പിന് മുന്നോടിയായി മാധ്യമങ്ങള്ക്കുള്ള മാർഗ്ഗനിർദേശങ്ങള് പുറത്തിറക്കി. പത്രങ്ങള്, ടെലിവിഷന്, ചാനലുകള്, പ്രാദേശിക കേബിള് ചാനലുകള്, റേഡിയോ, സാമൂഹ്യമാധ്യമങ്ങള്, എസ്എംഎസ്, സിനിമാ ശാലകള് ഉള്പ്പെടെയുള്ള മറ്റ് ദൃശ്യ ശ്രാവ്യ മാധ്യമസങ്കേതങ്ങള്, പൊതുസ്ഥലങ്ങളിലെ വീഡിയോ ഓഡിയോ പ്രദര്ശനം, ദിനപ്പത്രങ്ങളുടെ ഇ പേപ്പറുകള് തുടങ്ങിയവയിൽ തിരഞ്ഞെടുപ്പുമായി ബന്ധപ്പെട്ടുള്ള എല്ലാ പരസ്യങ്ങള്ക്കും മുന്കൂര് അനുമതി തേടിയിരിക്കണമെന്നാണ് നിർദേശം. അതോടൊപ്പം മാധ്യമ സ്ഥാപനങ്ങള് എംസിഎംസിയുടെ അനുമതിയുള്ള പരസ്യ മാറ്ററുകള് മാത്രമേ സ്വീകരിക്കാന് പാടുള്ളൂ.
എറണാകുളം ജില്ലയിൽ കാക്കനാട് സിവില് സ്റ്റേഷനില് ഇന്ഫര്മേഷന് പബ്ലിക്ക് റിലേഷന്സ് വകുപ്പിന്റെ മീഡിയ സെന്ററിലാണ് പരസ്യങ്ങള്ക്കുള്ള മുന്കൂര് അനുമതി ലഭ്യമാക്കുന്ന എംസിഎം.സിയുടെ മീഡിയ സര്ട്ടിഫിക്കേഷന് സെല് പ്രവര്ത്തിക്കുന്നത്. രാവിലെ 10 മുതല് വൈകിട്ട് അഞ്ച് വരെ എല്ലാ പ്രവര്ത്തി ദിവസങ്ങളിലും സെല് പ്രവര്ത്തന ക്ഷമമായിരിക്കും. മീഡിയ ഹാളിലാണ് എംസിഎംസിയുടെ മീഡിയ മോണിറ്ററിംഗ് സെല് ദിവസം മുഴുവന് പ്രവര്ത്തിക്കുന്നത്. ജില്ലാ ഇന്ഫര്മേഷന് ഓഫീസര് ബി സേതുരാജ്, ഇലക്ഷന് ഡെപ്യൂട്ടി കളക്ടര് ജിയോ ടി മനോജ്, ഇന്ഫര്മേഷന് പബ്ലിക് റിലേഷന്സ് വകുപ്പ് അസിസ്റ്റന്റ് എഡിറ്റര് കെ.കെ ജയകുമാര് തുടങ്ങിയവര് പങ്കെടുത്തു.
മാധ്യമങ്ങളെ നിരീക്ഷിക്കുന്നതിനും പരസ്യങ്ങളുടെ സാക്ഷ്യപ്പെടുത്തലിനുമായി വിപുലമായ സജ്ജീകരണങ്ങളാണ് സെല്ലില് ഒരുക്കിയിട്ടുള്ളത്. ജില്ലാ ഇന്ഫര്മേഷന് ഓഫീസിലെ ഉദ്യോഗസ്ഥരും ജേര്ണലിസം വിദ്യാര്ത്ഥികളുമടങ്ങുന്ന സംഘമാണ് രണ്ട് ഷിഫ്റ്റുകളിലായി ഇവിടെ പ്രവര്ത്തിക്കുന്നത്. ജില്ലാ കളക്ടര് അധ്യക്ഷനായ കമ്മിറ്റിയാണ് സെല്ലില് നിന്നും ലഭിക്കുന്ന വിവരങ്ങളുടെ അടിസ്ഥാനത്തില് പെയ്ഡ് ന്യൂസ് സംബന്ധിച്ച് തീരുമാനമെടുക്കുക. പരസ്യങ്ങളുടെ സര്ട്ടിഫിക്കേഷനും കമ്മിറ്റി നിര്വഹിക്കും. കമ്മിറ്റിയുടെ അനുമതിയില്ലാത്ത പ്രചാരണ സാമഗ്രികള് രാഷ്ട്രീയപാര്ട്ടികളോ സ്ഥാനാര്ത്ഥികളോ ഉപയോഗിക്കാന് പാടില്ല.
പാര്ട്ടികളുടെ പ്രതിനിധികളും സ്ഥാനാര്ഥികളും പരസ്യങ്ങള് സംപ്രേഷണമോ പ്രക്ഷേപണമോ ചെയ്യുന്നതിന് മൂന്നു ദിവസം മുന്പെങ്കിലും വിശദവിവരങ്ങളോടെ നിശ്ചിത ഫോമില് എംസിഎംസി സെല്ലില് സമര്പ്പിക്കണം. പരസ്യം നല്കുന്നത് മറ്റ് സംഘടനകളാണെങ്കില് ഏഴു ദിവസം മുന്പ് സമര്പ്പിക്കണം. പരസ്യത്തിന്റെ ഇലക്ട്രോണിക് പതിപ്പിന്റെ രണ്ട് പകര്പ്പുകളും സാക്ഷ്യപ്പെടുത്തിയ ട്രാന്സ്ക്രിപ്റ്റും അപേക്ഷയ്ക്കൊപ്പം സമര്പ്പിക്കണം. പരസ്യത്തിന്റെ നിര്മാണച്ചെലവ്, ടെലികാസ്റ്റ് ചെയ്യുന്നതിനുള്ള ഏകദേശ ചെലവ് തുടങ്ങിയവ വ്യക്തമാക്കുന്ന നിശ്ചിത ഫോമിലാണ് അപേക്ഷ നല്കേണ്ടത്.
പരസ്യം പ്രദര്ശിപ്പിക്കുന്നതിനുള്ള പണം ചെക്കായോ ഡിമാന്റ് ഡ്രാഫ്റ്റായോ മാത്രമേ നല്കൂ എന്ന് വ്യക്തമാക്കുന്ന പ്രസ്താവനയും ഇതോടൊപ്പം ഉണ്ടാകണം. ,ഇലക്ട്രോണിക് മാധ്യമങ്ങളിലെ രാഷ്ട്രീയ പരസ്യങ്ങള് അംഗീകാരം ലഭിച്ചവയാണോ എന്ന് എംസിഎംസി സെല് പരിശോധിക്കും. മറ്റു മാധ്യമങ്ങളിലെ പരസ്യങ്ങളും തെരഞ്ഞെടുപ്പ് ചിലവുമായി ബന്ധപ്പെട്ട നിര്ദേശങ്ങളുടെ അടിസ്ഥാനത്തില് വിലയിരുത്തും. ടിവി ചാനലുകളിലെയും കേബിള് ചാനലുകളിലെയും പരസ്യങ്ങള്ക്കുള്ള നിയമങ്ങള് ബള്ക്ക് എസ്.എം.എസുകള്ക്കും വോയിസ് മെസേജുകള്ക്കും ബാധകമായിരിക്കും. സാമൂഹ്യമാധ്യമങ്ങളില് പരസ്യസ്വഭാവത്തോടെയുള്ള പ്രചാരണം നടത്തുന്നതിനും ഇത്തരത്തില് അനുമതി തേടണം.
അച്ചടി മാധ്യമങ്ങളില് സ്ഥാനാര്ഥിയുടെ അറിവോടെയും അനുമതിയോടെയും വരുന്ന പരസ്യങ്ങളുടെ ചെലവ് സ്ഥാനാര്ഥിയുടെ തിരഞ്ഞെടുപ്പ് ചെലവില് ഉള്പ്പെടുത്തും. സ്ഥാനാര്ഥിയുടെ അറിവില്ലാതെയാണ് പരസ്യം പ്രസിദ്ധീകരക്കുകയോ സംപ്രേക്ഷണം ചെയ്യുകയോ ചെയ്തിട്ടുണ്ടെങ്കില് പ്രസാധകനെതിരെ നിയമ നടപടിക്ക് ശുപാര്ശ ചെയ്യും. അംഗീകാരത്തിനായി സമര്പ്പിക്കപ്പെടുന്ന പരസ്യങ്ങള് വിലയിരുത്തി കമ്മിറ്റി 48 മണിക്കൂറിനകം തീരുമാനമറിയിക്കും.
മീഡിയ സര്ട്ടിഫിക്കേഷന് സംബന്ധിച്ച കൂടുതല് വിവരങ്ങള്ക്ക് 94960 03208, 94960 03217 എന്നീ നമ്പരുകളില് ബന്ധപ്പെടാം.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google