ബസിൽവെച്ച് യുവതിയ്ക്ക് നേരെ പീഡനശ്രമം: കൊച്ചിയിൽ യുവാവ് അറസ്റ്റിൽ

കൊച്ചി: എറണാകുളത്ത് യുവതിയ്ക്ക് നേരെ ബസിൽ വെച്ച് പീഡന ശ്രമം. കൊവിഡ് വാക്സിനെടുത്ത് വീട്ടിലേക്ക് മടങ്ങിയ യുവതിയെയാണ് പീഡിപ്പിക്കാൻ ശ്രമിച്ചത്. സംഭവത്തിൽ പ്രതിയായ കുട്ടശ്ശേരി ചെറുപറമ്പിൽ വീട്ടിൽ ലുക്കുമാൻ (36) ആണ് പിടിയിലായിട്ടുള്ളത്. ആലുവ പൊലീസാണ് ഇയാളെ പിടികൂടിയത്.

ആലുവ താലൂക്ക് ആശുപത്രിയിൽ നിന്ന് വാക്‌സിനെടുത്ത് വീട്ടിലേക്ക് മടങ്ങിയ യുവതിയെ ബസാറിൽ വച്ച് പ്രതി പീഡിപ്പിക്കാൻ ശ്രമിക്കുകയായിരുന്നു. സംഭവത്തിന് ശേഷം അവിടെ നിന്നും രക്ഷപെട്ട ഇയാൾ ആലുവ ദേശത്ത് ഇറങ്ങി എയർപോർട്ട് ഭാഗത്തേക്ക് ഒരു ടാക്സിയിൽ രക്ഷപ്പെടുകയായിരുന്നു. ഇതോടെ കാർ കേന്ദ്രീകരിച്ച് പൊലീസ് നടത്തിയ അന്വേഷണത്തിനിടെയാണ് പ്രതിയെ തിരിച്ചറിഞ്ഞതും പിടികൂടിയതും.

ആലുവ മാർക്കറ്റിൽ കശാപ്പ് ശാല നടത്തിവരുന്ന വ്യക്തിയാണ് അറസ്റ്റിലായിട്ടുള്ള ലുക്കുമാൻ എന്നാണ് പൊലീസ് നൽകുന്ന വിവരം. ഇയാൾക്കെതിരെ പോലീസ് കേസെടുത്തിട്ടുണ്ട്. എസ് ഐ സന്തോഷ് കുമാറിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.

English summary

Man arrested after misbehaving with a woman inside a bus in Alua