Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പ്രണയം നടിച്ച് അടുപ്പത്തിലായി: ബൈക്കില്‍ കൂട്ടിക്കൊണ്ടു പോയി മദ്യം നല്‍കി, കൂട്ടമാനഭംഗത്തിനിരയാക്കി
കൊച്ചി: വിദ്യാര്‍ഥിനിയെ മദ്യം നല്‍കി ബോധരഹിതയാക്കി കൂട്ട മാനഭംഗത്തിനിരയാക്കിയെന്നു പരാതി. പ്രണയം നടിച്ച് അടുപ്പത്തിലായ ശേഷം കാമുകന് ബൈക്കില്‍ പെണ്‍കുട്ടിയെ കൂട്ടിക്കൊണ്ടു പോയി കൂട്ടുകാര്‍ക്ക് കാഴ്ച വയ്ക്കുകയായിരുന്നു. പീഡന സംഘത്തിലെ മൂന്നു പേരെ പൊലീസ് കസ്റ്റഡിയിലെടുത്തു. കാമുകന് വേണ്ടി തെരച്ചില്‍ തുടരുന്നു.
തോപ്പുംപടി സ്വദേശിനിയായ പതിനാറുകാരിയാണു കൂട്ട മാനഭംഗത്തിന് ഇരയായത്. പ്ലസ് വണ്‍ വിദ്യാര്‍ഥിനിയായ പെണ്‍കുട്ടിയും തോപ്പുംപടി സ്വദേശിയായ യുവാവും തമ്മില്‍ മാസങ്ങളായി അടുപ്പത്തിലാണ്. ഇവര്‍ പലതവണ ചുറ്റിക്കറങ്ങുന്നതു നാട്ടുകാരുടെ ശ്രദ്ധയില്‍ പെട്ടിരുന്നു. കഴിഞ്ഞ 14നു വീടിനു സമീപത്തു നിന്നു പെണ്‍കുട്ടിയെ ബൈക്കില്‍ കയറ്റിയ കാമുകന് ഫോര്‍ട്ട് കൊച്ചി ബീച്ചില്‍ എത്തിച്ചു. ഇതേസമയം കാമുകന്റെ കൂട്ടുകാരും മറ്റു ബൈക്കുകളില്‍ ഇവിടെയെത്തി. ബീച്ചില്‍ ആളൊഴിഞ്ഞ ഭാഗത്ത് ഒരുമിച്ചിരുന്നു ബിയര്‍ കഴിച്ചു. അമിത അളവില്‍ ബിയര്‍ കഴിച്ച പെണ്‍കുട്ടിയെ ബൈക്കില്‍ കയറ്റി കൊണ്ടു പോവുകയായിരുന്നു.
അജ്ഞാത സ്ഥലത്തു പീഡിപ്പിച്ചെന്നാണു പെണ്‍കുട്ടിയുടെ മൊഴി. അടുത്തദിവസം രാവിലെ കാമുകന് വിദ്യാര്‍ഥിനിയുടെ വീട്ടു പരിസരത്തു പെണ്‍കുട്ടിയെ ഇറക്കി വിട്ടു കടക്കുകയായിരുന്നു. സംഭവമറിഞ്ഞ പരിസര വാസികളാണു ചൈല്‍ഡ് ലൈനില്‍ അറിയിച്ചത്. തുടര്‍ന്നു ചൈല്‍ഡ്ലൈന്‍ അധികൃതര്‍ പെണ്‍കുട്ടിയില്‍ നിന്നു വിവരങ്ങള്‍ ശേഖരിച്ച ശേഷം തോപ്പുംപടി പൊലീസില്‍ അറിയിച്ചു. തോപ്പുംപടി, കണ്ണമാലി സ്വദേശികളെയാണു കസ്റ്റഡിയിലെടുത്തത്. ഇവരെ ചോദ്യം ചെയ്തു വരികയാണ്. പെണ്‍കുട്ടി 14നു വൈകിട്ട തിരിച്ചെത്താതിരുന്നിട്ടും വീട്ടുകാര്‍ പരാതിപ്പെട്ടിരുന്നില്ലെന്നു പൊലീസ് അറിയിച്ചു. ഇതേപ്പറ്റിയും അന്വേഷിക്കുന്നുണ്ട്. ഫോര്‍ട്ട് കൊച്ചി കടപ്പുറത്ത് പെണ്‍കുട്ടിയെ മദ്യം കഴിപ്പിച്ചിടത്ത് പൊലീസ് പരിശോധന നടത്തി. മട്ടാഞ്ചേരി അസിസ്റ്റന്റ് സിറ്റി പൊലീസ് കമ്മിഷണര്‍ വിജയന്റെ നേതൃത്വത്തിലാണ് അന്വേഷണം.
