Click it and Unblock the Notifications
Just In
Don't Miss
-
രണ്ടാമത്തെ കുട്ടിയ്ക്ക് വേണ്ടി ചികിത്സ ചെയ്തോ എന്ന് ചോദിച്ചു, കുഞ്ഞിനെ എടുത്ത് നടക്കാനാകില്ല: അജയകുമാര് -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
'എന്റെ മകനെ കൊലപ്പെടുത്തിയതാണ്'; ആദിവാസി യുവാവ് കൊല്ലപ്പെട്ട സംഭവം; പരാതിയുമായി അമ്മ
ഇടുക്കി : നായാട്ടിനിടെ ആദിവാസി യുവാവ് വെടിയേറ്റു മരിച്ച സംഭവത്തിൽ പരാതിയുമായി മരണപ്പെട്ടയാളുടെ അമ്മ. തന്റെ മകനെ മനപ്പൂർവ്വം കൊലപ്പെടുത്തിയതാണെന്ന് ആരോപിച്ചാണ് മരണപ്പെട്ട മഹേന്ദ്രന്റെ അമ്മ ഭവാനി പോലീസിനെ സമീപിക്കാൻ തീരുമാനിച്ചിരിക്കുന്നത്.
ഇടുക്കി മൂന്നാർ പോതമേടിന് സമീപമാണ് നായാട്ടിനിടെ ആദിവാസി യുവാവ് മഹേന്ദ്രൻ വെടിയേറ്റ് മരിച്ചത്. സാംജി എന്നയാളുടെ കൃഷിയിടത്തിലെ ജോലിക്കാരനായിരുന്നു മഹേന്ദ്രൻ. നിലവിൽ ഇയാളെ ഒന്നാം പ്രതിയാക്കി അറസ്റ്റ് ചെയ്തിട്ടുണ്ട്.
അതേസമയം, സാംജിയുടെ സാമ്പത്തിക ബാധ്യതകൾ തീർക്കാൻ സ്വന്തം ഭൂമി വിറ്റു പണം നൽകാമെന്ന് മഹേന്ദ്രൻ വാഗ്ദാനം നൽകിയിരുന്നു. എന്നാൽ, ഇത് അമ്മ ഭവാനി അനുവദിച്ചില്ലെന്ന് ബന്ധുക്കൾ വ്യക്തമാക്കുന്നു. ഇതിന് പിന്നാലെയാണ് മകനെ കൊലപ്പെടുത്തിയതെന്ന് അമ്മ ആരോപിക്കുന്നു . എന്നാൽ , മഹേന്ദ്രന്റെ പോസ്റ്റ്മോർട്ടം റിപ്പോർട്ട് ലഭിച്ച ശേഷം കൂടുതൽ അന്വേഷണം നടത്തുമെന്ന് പൊലീസ് വ്യക്തമാക്കി.
അതേസമയം, സംഭവത്തിന് പിന്നാലെ, കേസിൽ 2 പേർ കൂടി അറസ്റ്റിൽ ആയിരുന്നു. ജോമി, മുത്തയ്യ എന്നിവരാണ് അറസ്റ്റിലായത്. പ്രതികൾ മറവ് ചെയ്ത മഹേന്ദ്രന്റെ മൃതദേഹം പോതമേട് ഭാഗത്ത് നിന്ന് പോലീസ് കണ്ടെത്തി.
ബൈസൺവാലി ഇരുപതേക്കർ കുടിയിൽ മഹേന്ദ്രനെ കാണാനില്ലെന്ന് വ്യക്തമാക്കി ബന്ധുക്കൾ നൽകിയ പരാതിയുടെ അടിസ്ഥാനത്തിലാണ് രാജാക്കാട് പോലീസ് അന്വേഷണം ആരംഭിച്ചത്. കഴിഞ്ഞ മാസം 27 ന് മഹേന്ദ്രനുൾപ്പെടെയുള്ള നാലംഗ സംഘം മൂന്നാർ പോതമേട് വനമേഖലയിൽ നായാട്ടിന് പോയിരുന്നു എന്ന് പൊലീസിന് വിവരം ലഭിച്ചിരുന്നു.
മഹേന്ദ്രനെ കാണാതായ ദിവസം പ്രതികൾക്കൊപ്പം ഓട്ടോറിക്ഷയിൽ സഞ്ചരിക്കുന്നതിന്റെ സി സി ടി വി ദൃശ്യവും പൊലീസിന് ലഭിച്ചിരുന്നു. ഇതിന് പിന്നാലെയാണ് മൂന്ന് പേരും പോലീസിൽ കീഴടങ്ങിയത്.
