മുല്ലപ്പെരിയാര് അണക്കെട്ട് തുറന്നു; ഒഴുക്കിവിടുന്നത് 534 ഘനയടി ജലം, സുരക്ഷയൊരുക്കി സര്ക്കാര്
ഇടുക്കി: ജലനിരപ്പ് ഉയര്ന്നതിനെ തുടര്ന്ന് മുല്ലപ്പെരിയാര് അണക്കെട്ടിന്റെ ഷട്ടറുകള് തുറന്നു. ആദ്യത്തെ ഷട്ടറാണ് ഇപ്പോള് തുറന്നിരിക്കുന്നത്. ആദ്യം വെള്ളമെത്തുക ജനവാസ മേഖലയായ വള്ളക്കടവില്. പിന്നാലെ വണ്ടിപ്പെരിയാര്, ചപ്പാത്ത്, ഉപ്പുതുറ മേഖലകളില് വെള്ളമെത്തും. പെരിയാര് തീരത്ത് അതീവ ജാഗ്രതയാണ് സര്ക്കാര് പുറപ്പെടുവിച്ചിരിക്കുന്നത്. റവന്യുമന്ത്രി കെ രാജനാണ് ഡാം തുറന്ന കാര്യം സ്ഥിരീകരിച്ചത്. രണ്ട് ഷട്ടറുകള് തുറക്കുന്നതോടെ 534 ഘനയടി ജലമാണ് മുല്ലപെരിയാറില് നിന്നും പുറത്തേക്ക് ഒഴുക്കുക. 0.35 മീറ്ററാണ് ഷട്ടറുകള് തുറന്നിരിക്കുന്നത്.
Recommended Video
2 ഷട്ടറുകളില് നിന്നായി 267 ഘനയടി ജലം വീതം 534 ഘനയടി ജലമാണ് പുറത്തേക്ക് ഒഴുക്കി വിടുന്നത്. 138 അടിയാക്കി ക്രമീകരിക്കാനുള്ള വെള്ളമേ തുറന്നു വിടുകയുള്ളുവെന്ന് തമിഴ്നാട് അറിയിച്ചിരുന്നു. ഇപ്പോള് മുല്ലപ്പെരിയാര് ഡാമിലെ ജലനിരപ്പ് 138.70 അടിയാണ്. മുല്ലപ്പെരിയാര് തുറന്നാലും പെരിയാറില് ഏകദേശം 60 സെന്റീമീറ്ററില് താഴെ മാത്രമേ ജലനിരപ്പ് ഉയരു.
വെള്ളം ഒഴുകുന്നതിന്റെ പശ്ചാത്തലത്തില് മേഖലകളിലെ 350 കുടുംബങ്ങളെ മാറ്റിപ്പാര്പ്പിച്ചിട്ടുണ്ട്. മുല്ലപ്പെരിയാറില് നിന്നുളള വെള്ളമെത്തിയാല് ഇടുക്കി ഡാമില് 0.25 അടി മാത്രമേ ജലനിരപ്പ് ഉയരു. പക്ഷേ നിലവിലെ റൂള് കര്വ് 2398.31 ആയതിനാല് ഇടുക്കി ഡാമും തുറന്നേക്കും. മുല്ലപ്പെരിയാര് മുതല് ഇടുക്കി വരെയുള്ള 24 കിലോമീറ്റര് മുല്ലയാറില് ഏകദേശം 60 സെ.മീ താഴെ മാത്രമാണ് ജലനിരപ്പ് ഉയരാന് സാധ്യതയുള്ളൂ.
പുഴയില് രണ്ടടി വെള്ളമുയര്ന്നാല് ബാധിക്കുന്ന 350 കുടുംബങ്ങളിലെ 1079 പേരെയും സുരക്ഷിതമായി മാറ്റിയിട്ടുണ്ട്. 11 കുടുബത്തിലെ 35 പേരെ വണ്ടിപ്പെരിയാര് മോഹന ഓഡിറ്റോറിയത്തിലേക്കും നാല് കുടുബത്തിലെ 19 പേരെ വണ്ടിപ്പെരിയാര് സെന്റ് ജോസഫ് ഇംഗ്ലീഷ് മീഡിയം സ്കൂളിലും സജ്ജമാക്കിയ ക്യാമ്പിലേക്കും മാറ്റി. മറ്റുള്ളവര് ബന്ധു ഭവനങ്ങളിലേക്കാണ് മാറിയിട്ടുള്ളത്.
പുതിയ മേക്കോവറില് വീണ്ടും ഞെട്ടിച്ച് ഗോപിക; പൊളി ലുക്കിലാണെന്ന് ആരാധകര്
മൂന്ന് താലൂക്കിലെ ഏഴ് വില്ലേജിലെ മാറ്റി പാര്പ്പിക്കേണ്ട വരെ മുഴുവനും കണ്ടെത്തിയിട്ടുണ്ട്. ഇടുക്കി ഡാം തുറന്നപ്പോള് കൈക്കൊണ്ട മുന്നൊരുക്കങ്ങളെല്ലാം മുല്ലപ്പെരിയാര് ഡാം തുറക്കുന്നതിന് മുന്നോടിയായി കൈക്കൊണ്ടിട്ടുണ്ടെന്ന് ജില്ല ഭരണകൂടം അറിയിച്ചിരുന്നു. റവന്യു, ആരോഗ്യം, ഫയര്ഫോഴ്സ്, വനം, പോലീസ് തുടങ്ങീ എല്ലാ വകുപ്പുകളും പ്രത്യേക സംഘങ്ങളെ രൂപീകരിച്ച് സുരക്ഷാ ക്രമീകരണ പ്രവര്ത്തനങ്ങള് പൂര്ത്തിയാക്കിയിട്ടുണ്ട്.
കട്ടപ്പന, പീരുമേട് താലൂക്ക് ആശുപത്രിയിലും വണ്ടിപ്പെരിയാര് സാമൂഹ്യ ആരോഗ്യ കേന്ദ്രത്തിലും അടിയന്തര ചികിത്സാ സംവിധാനമൊരുക്കിയിട്ടുണ്ട്. വെള്ളത്തിന്റെ ഒഴുക്ക് സുഗമമാക്കുന്നതിന് മുല്ലയാറിലെ തടസങ്ങള് നീക്കിയിട്ടുണ്ടെന്നും മന്ത്രി പറഞ്ഞു. രക്ഷാപ്രവര്ത്തനങ്ങള്ക്കായി എസ്റ്റേറ്റുകളുടെ ഗേറ്റുകള് എല്ലാം തുറന്നിടാന് നിര്ദ്ദേശം നല്കിയിട്ടുണ്ട്. വില്ലേജ്, താലുക്ക്, കലക്ട്രേറ്റില് ജില്ലാതലത്തിലും 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകള് തുറന്നിട്ടുണ്ട്. എല്ലവിധ സുരക്ഷാ ഉപകരണങ്ങളോടുകൂടി ഫയര്ഫോഴ്സും സജ്ജമാണെന്നും മന്ത്രി അറിയിച്ചു
Click it and Unblock the Notifications
Sign in with Google