സ്ത്രീ സുരക്ഷ: ആന്ധ്രാ മോഡല് നിയമം ആവശ്യമെങ്കില് കേരളത്തിലും നടപ്പിലാക്കുമെന്ന് മന്ത്രി
കോഴിക്കോട്: സ്ത്രീകളുടേയും കുട്ടികളുടേയും സംരക്ഷണത്തിനായി ആവശ്യമെങ്കില് ആന്ധ്രാ മോഡല് നിയമം കേരളത്തിലും നടപ്പിലാക്കുമെന്നും സാമൂഹ്യനീതി വകുപ്പ് മന്ത്രി കെകെ ശൈലജ. ആന്ധ്രയില് കൊണ്ടുവന്ന പുതിയ നിയമത്തെക്കുറിച്ച് പഠിച്ചുകൊണ്ടിരിക്കുകയാണെന്നും മന്ത്രി പറഞ്ഞു.
സ്ത്രീകളുടേയും കുട്ടികളുടേയും സംരക്ഷണത്തിനായി നിലവില് കേരളത്തില് നിയമത്തിന്റെ അഭാവം ഇല്ല. ഈ നിയമങ്ങള് പ്രാവര്ത്തികമാക്കുന്നതിലാണ് നീതിപീഠങ്ങള്ക്ക് അടക്കം വീഴ്ച സംഭവിക്കുന്നത്. സംസ്ഥാനത്ത് നിലവിലുള്ള നിയമങ്ങള് തന്നെ ഏറ്റവും നന്നായിട്ട് നടപ്പിലാക്കാന് തയ്യാറായാല് കുറേകാര്യങ്ങള് ചെയ്യാന് സാധിക്കുമെന്നും മന്ത്രി വ്യക്തമാക്കി.
സ്ത്രീകള്ക്കെതിരായ അക്രമം തടയനാനുള്ള 'ദിശ' നിയമത്തിന് ആന്ധ്രപ്രദേശ് മന്ത്രി സഭ അംഗികാരം നല്കിയത് കഴിഞ്ഞ ദിവസമായിരുന്നു. ബലാത്സംഗകേസുകളില് 21 ദിവസത്തിനുള്ളില് ശിക്ഷ നടപ്പാക്കുന്നതാണ് നിയമം. ഹൈദരാബാദില് യുവ വെറ്റിനറി ഡോക്ടറെ കൂട്ട ബലാത്സംഗത്തിന് ഇരയാക്കിയ കൊലപ്പെടുത്തിയ സംഭവത്തിന്റെ പശ്ചാത്തലത്തിലായിരുന്നു പുതിയ നിയമനിര്മ്മാണം.
കൊല്ലപ്പെട്ട വെറ്റിനറി ഡോക്ടറുടെ സ്മരണയ്ക്കായി ആന്ധ്രാപ്രദേശ് ദിശ ആക്ട് ക്രിമിനല് ലോ (എപി ഭേതഗതി) ആക്ടി എന്നാണ് പുതിയ നിയമത്തിന് പേര് നല്കിയിരിക്കുന്നത്. ബലാത്സംഗക്കേസുകളിലെ അന്വേഷണം ഒരാഴ്ചക്കുളളിലും വിചാരണ രണ്ടാഴ്ചക്കുളളിലും വധശിക്ഷ വിധിച്ചാല് മൂന്നാഴ്ച്ചക്കുള്ളിലും നടപ്പാക്കണമെന്ന് നിയമം വ്യവസ്ഥ ചെയ്യുന്നു.
Click it and Unblock the Notifications
Sign in with Google