നരേന്ദ്ര മോദിയെ കുറ്റപ്പെടുത്താന് വരട്ടെ, ലോക്പാല് നിയമനമില്ലാത്തതിന് കാരണം ഇതാണ്, ആശയക്കുഴപ്പം
ബന്ധപ്പെട്ട നിയമത്തില് പുതിയ ഭേദഗതി കൊണ്ടുവരാതെ നിയമനം സാധ്യമല്ലെന്നണ് അറ്റോര്ണി ജനറല് മുകുള് റോഹത്ഗി കോടതിയെ അറിയിച്ചത്.
ദില്ലി: അഴിമതി തടയല് നിയമപ്രകാരം ലോക്പാല് നിയമനം നടത്താത്ത കേന്ദ്രസര്ക്കാര് സുപ്രീംകോടതിയില് വിശദീകരണം നല്കി. ബന്ധപ്പെട്ട നിയമത്തില് പുതിയ ഭേദഗതി കൊണ്ടുവരാതെ നിയമനം സാധ്യമല്ലെന്നണ് അറ്റോര്ണി ജനറല് മുകുള് റോഹത്ഗി കോടതിയെ അറിയിച്ചത്.
ലോക്സഭയില് പ്രതിപക്ഷ നേതാവില്ലാത്തതാണ് കുഴപ്പം. ലോക്പാല് രൂപീകരിക്കുമ്പോള് ലോക്സഭയിലെ പ്രതിപക്ഷ നേതാവും നിര്ബന്ധമാണെന്ന് 2013ലെ ലോക്പാല് ആന്റ് ലോകായുക്ത നിയമം പറയുന്നു. എന്നാല് നിലവില് ലോക്സഭയില് പ്രതിപക്ഷ നേതാവില്ല.
ഇനി ലോക്പാല് നിയമനം നടക്കണമെങ്കില് ആദ്യം നിയമം ഭേദഗതി ചെയ്യണമെന്ന് അറ്റോര്ണി ജനറല് ബോധിപ്പിച്ചു. ഇതോടെ ഹര്ജി വിധി പറയുന്നതിനായി സുപ്രീംകോടതി ഡിവിഷന് ബെഞ്ച് മാറ്റിവച്ചു.
സന്നദ്ധ സംഘടനയായ കോമണ് കോസ് സമര്പ്പിച്ച ഹര്ജി ജസ്റ്റിസുമാരായ രഞ്ജന് ഗൊഗോയ്, നവീന് സിന്ഹ എന്നിവരടങ്ങിയ ഡിവിഷന് ബെഞ്ചാണ് പരിഗണിച്ചത്. ലോക്സഭയില് പ്രതിപക്ഷ നേതാവ് ആരാണെന്ന് ഇതുവരെ വ്യക്തതയില്ലെന്ന് അറ്റോര്ണി ജനറല് പറഞ്ഞു.
കോണ്ഗ്രസ് സഭാകക്ഷി നേതാവായി തിരഞ്ഞെടുത്തത് മല്ലികാര്ജുര് ഖാര്ഗെയെ ആണ്. എന്നാല് ഇദ്ദേഹത്തെ ലോക്സഭയിലെ പ്രതിപക്ഷ നേതാവായി ലോക്സഭ അംഗീകരിച്ചിട്ടില്ല. നിലവിലെ ലോക്പാല് നിയമത്തില് 20 ഭേദഗതികളാണ് നരേന്ദ്ര മോദി സര്ക്കാര് പരിഗണിക്കുന്നതെന്നും അറ്റോര്ണി ജനറല് പറഞ്ഞു.
ലോക്സഭയില് പ്രതിപക്ഷ നേതാവ് പദവി ലഭിക്കുന്നതിന് ചുരുങ്ങിയത് സഭയിലെ 10 ശതമാനം അംഗങ്ങളുള്ള പാര്ട്ടിക്കാണ്. നിലവില് കോണ്ഗ്രസാണ് സഭയിലെ രണ്ടാമത്തെ ഏറ്റവും വലിയ കക്ഷി. അവര്ക്ക് 44 അംഗങ്ങളാണ് ലോക്സഭയിലുള്ളത്. എന്നാല് മൊത്തം അംഗങ്ങളുടെ എണ്ണം 545 ആണ്. ഈ സാഹചര്യത്തില് ഇതിന്റെ പത്ത് ശതമാനം അംഗങ്ങള് കോണ്ഗ്രസിനില്ല.
എന്നാല് കേന്ദ്രസര്ക്കാരിന് സ്വതന്ത്രമായ ലോക്പാല് സംവിധാനം വരുന്നതില് താല്പര്യമില്ലാത്തതാണ് പ്രശ്നമെന്ന് ഹര്ജി സമര്പ്പിച്ച കോമണ് കോസിന് വേണ്ടി ഹാജരായ അഭിഭാഷകന് ശാന്തി ഭൂഷണ് പറഞ്ഞു. മന്ത്രിമാരുടെ പ്രവര്ത്തനങ്ങള് വരെ പരിശോധിക്കാനും അന്വേഷിക്കാനും കഴിയുന്ന സ്വതന്ത്ര വിഭാഗമാണ് ലോക്പാല്.
ലോക്പാല് നിയമപ്രകാരം സമിതിയുടെ അധ്യക്ഷനെയും അംഗങ്ങളെയും തിരഞ്ഞെടുക്കുന്നതില് ചില മാനദണ്ഡങ്ങളുണ്ട്. പ്രധാനമന്ത്രി, ലോക്സഭാ സ്പീക്കര്, ലോക്സഭാ പ്രതിപക്ഷ നേതാവ്, സുപ്രീംകോടതി ചീഫ് ജസ്റ്റിസ്, രാഷ്ട്രപതി നിര്ദേശിക്കുന്ന നിയമവിദഗ്ധന് എന്നിവരടങ്ങുന്ന സമിതിയാണ് തിരഞ്ഞെടുപ്പ് നടത്തേണ്ടത്. എന്നാല് ലോക്സഭയില് പ്രതിപക്ഷ നേതാവില്ലാത്തതിനാല് തിരഞ്ഞെടുപ്പ് സമിതിയില് ക്വാറം തികയാന് ഇപ്പോള് സാധ്യമല്ല.
-
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ
Click it and Unblock the Notifications
Sign in with Google