ആദ്യം അവര് പട്ടേലിനെ മോഷ്ടിച്ചു.. ഇപ്പോള് ഗാന്ധിയേയും; ആര്എസ്എസിനെതിരെ ഖാര്ഗെ
അഹമ്മദാബാദ്: മഹാത്മാഗാന്ധിയുടെയും സര്ദാര് വല്ലഭായ് പട്ടേലിന്റെയും പൈതൃകം ബിജെപിയും ആര്എസ്എസും മോഷ്ടിച്ചു എന്ന് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ. സര്ദാര് പട്ടേല് സ്മാരകത്തില് നടന്ന വിപുലീകൃത കോണ്ഗ്രസ് വര്ക്കിംഗ് കമ്മിറ്റി യോഗത്തെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം. സാമൂഹിക നീതിയുടെ പ്രത്യയശാസ്ത്രം മുന്നോട്ട് കൊണ്ടുപോകുന്നതിന് സംഘടനയെ ശക്തിപ്പെടുത്തണമെന്ന് ഖാര്ഗെ ആഹ്വാനം ചെയ്തു.
സംഘടനയില്ലാതെ സംഖ്യാബലം അര്ത്ഥശൂന്യമാണ് എന്ന് അദ്ദേഹം പറഞ്ഞു. ഗാന്ധിയുടെ പ്രത്യയശാസ്ത്ര പാരമ്പര്യം കോണ്ഗ്രസിന് മാത്രമുള്ള യഥാര്ത്ഥ മൂലധനമാണ് എന്നും അദ്ദേഹം കൂട്ടിച്ചേര്ത്തു. കോണ്ഗ്രസിന് മറ്റെവിടത്തേക്കാളും കൂടുതല് ശക്തി ഗുജറാത്തില് നിന്നാണ് ലഭിച്ചതെന്നും ആ പ്രചോദനത്തിനും ശക്തിക്കും വേണ്ടി പാര്ട്ടി സംസ്ഥാനത്ത് തിരിച്ചുവരവ് നടത്തുമെന്നും അദ്ദേഹം പറഞ്ഞു.
'നമ്മുടെ യഥാര്ത്ഥ ശക്തി നമ്മുടെ രാജ്യത്തിന്റെ ഐക്യവും അഖണ്ഡതയും സാമൂഹിക നീതിയുടെ പ്രത്യയശാസ്ത്രവുമാണ്. എന്നാല് ഇന്ന് ആ പ്രത്യയശാസ്ത്രം മുന്നോട്ട് കൊണ്ടുപോകാന്, ആദ്യം നാം സ്വയം ശക്തിപ്പെടുത്തേണ്ടത് ആവശ്യമാണ്. നൂലുകള് വേറിട്ട് നില്ക്കുന്നുണ്ടായിരിക്കാം. പക്ഷേ കൂടിച്ചേരുമ്പോള് അവ ഒരു തുണിയുടെ രൂപമെടുക്കുന്നു. അപ്പോള് അവയ്ക്ക് ശക്തിയും സൗന്ദര്യവും ഉപയോഗക്ഷമതയും ഉണ്ടാകും,' സര്ദാര് പട്ടേലിനെ ഉദ്ധരിച്ച് ഖാര്ഗെ പറഞ്ഞു.
ഗാന്ധിയുടെ പ്രത്യയശാസ്ത്ര എതിരാളികള് വാരണാസിയിലെ സര്വ സേവാ സംഘം ഉള്പ്പെടെയുള്ള അദ്ദേഹവുമായി ബന്ധപ്പെട്ട സ്ഥാപനങ്ങള് ഏറ്റെടുക്കുകയാണെന്നും ഗാന്ധിയന്മാരെയും സഹകരണ പ്രസ്ഥാനത്തിലെ ആളുകളെയും അരികുവല്ക്കരിക്കുകയാണെന്നും അദ്ദേഹം പറഞ്ഞു. 'അത്തരം ചിന്താഗതിക്കാരായ ആളുകള് ഗാന്ധിജിയുടെ കണ്ണടയും വടിയും പോലും മോഷ്ടിച്ചു.
പക്ഷേ അവര്ക്ക് ഒരിക്കലും അദ്ദേഹത്തിന്റെ ആദര്ശങ്ങള് പിന്തുടരാന് കഴിയില്ല. ഗാന്ധിയുടെ പ്രത്യയശാസ്ത്ര പാരമ്പര്യമാണ് കോണ്ഗ്രസിന് മാത്രമുള്ള യഥാര്ത്ഥ മൂലധനം,' അദ്ദേഹം പറഞ്ഞു. കഴിഞ്ഞ കുറേ വര്ഷങ്ങളായി നിരവധി ദേശീയ നായകരെ സംബന്ധിച്ച് ആസൂത്രിതമായ ഗൂഢാലോചന നടക്കുന്നുണ്ടെന്നും പട്ടേലിന്റെ പ്രത്യയശാസ്ത്രം ആര്എസ്എസിന് എതിരാണെന്നും അദ്ദേഹം ചൂണ്ടിക്കാട്ടി.
പട്ടേല് ഒരിക്കല് നിരോധിച്ച സംഘടയാണ് ആര് എസ് എസ് എന്നും അദ്ദേഹം പറഞ്ഞു. സംഘപരിവാര് അദ്ദേഹത്തിന്റെ പാരമ്പര്യം അവകാശപ്പെടുന്നത് പരിഹാസ്യമാണെന്നും ഖാര്ഗെ പറഞ്ഞു. കഴിഞ്ഞ 140 വര്ഷമായി രാജ്യത്തിനായി സേവനമനുഷ്ഠിക്കുകയും പോരാടുകയും ചെയ്ത മഹത്തായ ചരിത്രമുള്ള കോണ്ഗ്രസിനെതിരെ ഒരു അന്തരീക്ഷം സൃഷ്ടിക്കപ്പെടുകയാണെന്നും, അവരുടെ നേട്ടമായി കാണിക്കാന് ഒന്നുമില്ലാത്തവരാണ് ഇത് ചെയ്യുന്നതെന്നും അദ്ദേഹം പറഞ്ഞു. പട്ടേലും നെഹ്റുവും തമ്മില് രസകരമല്ലാത്ത ബന്ധമുണ്ടായിരുന്നു എന്ന് കാണിക്കാന് ബിജെപിയും ആര്എസ്എസും ഗൂഢാലോചന നടത്തിയെന്നും അദ്ദേഹം ആരോപിച്ചു.
-
അമ്പലപ്പുഴ ‘മനപ്പായസം’ വേവുന്ന ആലപ്പുഴ -
കൊല്ലപ്പരീക്ഷ പാസാകാൻ ആഞ്ഞുപിടിച്ച്... -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
തലമുറ തലമുറ കൈമാറി... അതികായരുടെ കോട്ടകൾ കൈവിട്ടു പോകാതിരിക്കാൻ മക്കൾ -
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
ഗ്ലാസ് അല്ല ബക്കറ്റ്; കോഴിക്കോട്ടെ എല്ഡിഎഫ് സ്ഥാനാര്ഥി 'പെട്ടു', അച്ചടിച്ച പോസ്റ്റര് ഒഴിവാക്കേണ്ടി വരും -
'ഗോൾവാൾക്കറുടെ ഫോട്ടോയ്ക്കു മുന്നിൽ താണുവണങ്ങിയത് ഏത് ഡീൽ ആയിരുന്നു?' വിഡി സതീശനോട് മുഖ്യമന്ത്രി -
പിണറായി ലക്ഷണമൊത്ത ആർഎസ്എസ് ഏജന്റെന്ന് വിഡി സതീശൻ, 'ആർഎസ്എസ് പിന്തുണയിൽ എംഎൽഎയായി' -
രാഹുൽ ഗാന്ധിയും മല്ലികാർജുൻ ഖാർഗയും ആത്മപരിശോധന നടത്തണം; സിപിഎം -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില
Click it and Unblock the Notifications
Sign in with Google