രാമനവമി ആഘോഷങ്ങളെ എതിർക്കുന്നത് മമത നിർത്തിയില്ലെങ്കിൽ ജനങ്ങൾ തൃണമൂലിനെ പിഴുതെറിയുമെന്ന് ബിജെപി നേതാവ്

ഡൽഹി: നാ​ഗ്പൂരിൽ നടന്ന ബി ജെ പി സ്ഥാപക ദിനാഘോഷ വേളയിൽ അഖിലേന്ത്യ ത‍ൃണമൂൽ കോൺ​ഗ്കസ് അധ്യക്ഷയും പശ്ചിമ ബം​ഗാൾ മുഖ്യമന്ത്രിയുമായ മമത ബാനർജിയെ വിമർശിച്ച് മഹരാഷ്ട്ര ബി ജെ പി സംസ്ഥാന അധ്യക്ഷൻ ചന്ദ്രശേഖർ ബവൻകുലെ. രാമനവമി ആഘോഷങ്ങളോടുള്ള എതിർപ്പ് രാഷ്ട്രീയ പ്രത്യാഘാതങ്ങൾക്ക് ഇടയാക്കുമെന്നും മുന്നറിയിപ്പ് നൽകി.

സംസ്ഥാനത്ത് രാമനവമി ഘോഷയാത്രയ്ക്ക് തുടർച്ചയായി അനുമതി നൽകാത്തത് മമത ബാനർജി നിർത്തിയില്ലെങ്കിൽ പശ്ചിമ ബം​ഗാളിലെ ജനങ്ങൾ അവരെയും അവരുടെ പാർട്ടിയെയും അധികാരത്തിൽ നിന്ന് പുറത്താക്കുമെന്ന് ഞാൻ അവർക്ക് മുന്നറിയിപ്പ് നൽകുന്നു. അവർ ഇങ്ങനെ പെരുമാറിയാൽ ബം​ഗാളിലെ ജനങ്ങൾ അവരെ വെറുതെ വിടില്ല, ചടങ്ങിൽ മാധ്യമപ്രവർത്തകരോട് സംസാരിക്കവെ ബവൻകുലെ പറഞ്ഞു.

നാ​ഗ്പൂരിൽ പുതിയ ബി ജെ പി ഓഫീസിന്റെ തറക്കലിടൽ ചടങ്ങിൽ പാർട്ടി പ്രവർത്തകരെ അഭിസംബോധന ചെയ്ത് കൊണ്ട് ബലവ്‍കുലെ അടുത്തിടെ നടന്ന ഒരു പാർട്ടി പ്രചാരണ വേളയിൽ കുറഞ്ഞത് 1. 51 കോടി ആളുകളെങ്കിലും ബി ജെ പിയുടെ പ്രാഥമിക അം​ഗത്വം എടുത്തതായി പറഞ്ഞു.

ഒരു ലക്ഷത്തിലധികം പാർട്ടി പ്രവർത്തകർ വീടുവീടാന്തരം കയറിയിറങ്ങി അം​ഗത്വ വിതരണത്തിൽ എല്ലാ അം​ഗങ്ങൾക്കും പാർട്ടി തിരിച്ചറിയൽ കാർഡ് ഉണ്ടാക്കിയ മഹാരാഷ്ട്രയിൽ 1. 51 കോടിയോളം പേർ പാർട്ടിയുടെ പ്രാഥമിക അം​ഗത്വം എടുത്തു. മഹാരാഷ്ട്രയിൽ ബി ജെ പിയുടെ ചരിത്രത്തിൽ മുഖ്യമന്ത്രി ദേവേന്ദ്ര ഫഡ്നാവിസ് പാർട്ടി അധ്യക്ഷനായിരിക്കുമ്പോൾ 97 ലക്ഷം അം​ഗങ്ങളാണ് ഞങ്ങളുടെ പാർട്ടി രേഖപ്പെടുത്തിയിരുന്നത്. വരുന്ന രണ്ട് വർഷത്തിനുള്ളിൽ മഹാരാഷ്ട്രയിൽ 36 പുതിയ പാർട്ടി ഓഫീസുകൾ ആരംഭിക്കും," അദ്ദേഹം പറഞ്ഞു.

അതേ സമയം, സംസ്ഥാനത്ത് സമാധാനപരമായ രമാ നവമി ഉറപ്പാക്കിയതിന് മമത ബാനർജി സർക്കാരിനെ പശ്ചിമ ബം​ഗാൾ ​ഗവർണർ സി വി ആനന്ദ് ബോസ് അഭിനന്ദിച്ചു. രാഷ്ട്രീയ ചെളിവാരിയെറിയലിന്റെയും അക്രമത്തിന്റെയും മുൻഅനുഭവങ്ങൾ ഈ വർഷത്തെ രാമനവമി ആഘോഷങ്ങളിൽ വിദൂരമായി മാത്രമെ കാണാപ്പെട്ടുള്ളൂ എന്ന് ബോസ് പറഞ്ഞു. സമീപകാല ഓർമ്മകളിൽ ആദ്യത്തേതും ഏതാനും വർഷങ്ങൾക്കുള്ളിൽ, രാമനവമി പശ്ചിമ ബം​ഗാൾ സംസ്ഥാനത്തുടനീളം സമാധാനപരമായി കടന്നുപോയി. എല്ലാവരുടെയും യോജിച്ച പരിശ്രമം ഫലം കണ്ടു," രാജ്ഭവൻ പുറത്തിറക്കിയ പ്രസ്താവനയിൽ പറയുന്നു.