Click it and Unblock the Notifications
Just In
Don't Miss
-
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
IPL 2024: പാണ്ഡ്യ എങ്ങനെ ക്യാപ്റ്റനായെന്ന് നമ്മള് മറക്കില്ല, അവന്റെ കുഞ്ഞിനോടും പറയും; ആരാധകര്ക്കെതിരെ അക്രം -
ഇത് സത്യമോ?, ദിലീപ് ബിഗ് ബോസ് ഹൗസിലേക്ക് എത്തുന്നു, ലാലിന് പുറമെ മറ്റൊരു താരം ഹൗസിലെത്തുന്നത് ആദ്യം! -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നടി ആശാ പരേഖിന് ദാദാ സാഹേബ് ഫാല്‍ക്കെ പുരസ്‌കാരം
ദില്ലി: പ്രമുഖ നടിയും സംവിധായകയുമായ ആശാ പരേഖിന് ദാദാ സാഹേബ് ഫാല്‍ക്കെ പുരസ്‌കാരം. ഇന്ത്യയിലെ പരമോന്നത സിനിമ പുരസ്‌കാരമാണ് ദാദാ സാഹേബ് ഫാല്‍ക്കെ പുരസ്‌കാരം. ഇന്ത്യന്‍ സിനിമയ്ക്ക് നല്‍കിയ അവഗണിക്കാനാവാത്ത സംഭാവനകള്‍ക്കാണ് നടിക്ക് പുരസ്‌കാരം നല്‍കിയത്.
ഒരു കാലത്ത് ബോളിവുഡ് അഭിനയം കൊണ്ട് വിസ്മയിപ്പിച്ച നടിയായിരുന്നു ആശ. കേന്ദ്ര മന്ത്രി അനുരാഗ് താക്കൂറാണ് ഇത്തവണത്തെ പുരസ്‌കാരം പ്രഖ്യാപിച്ചത്. 1952ല്‍ ആസ്മാന്‍ എന്ന ബോളിവുഡ് ചിത്രത്തിലൂടെ ബാല താരമായിട്ടായിരുന്നു ആശാ പരേഖിന്റെ അരങ്ങേറ്റം.
ദോ ബന്ദന്‍, ഉപ്കാര്‍, കാരവാന്‍, എന്നിവയാണ് ആശാ പരേഖിന്റെ പ്രമുഖ ചിത്രങ്ങള്‍. കാര്‍വാനിലെ ഗാനരംഗങ്ങളിലെല്ലാം നടിയുടെ സൗന്ദര്യവും അഭിനയവും നിറഞ്ഞു നിന്നിരുന്നു. 2019ലെ ദാദാ സാഹേബ് ഫാല്‍ക്കെ പുരസ്‌കാരം കഴിഞ്ഞ വര്‍ഷമാണ് രജനീകാന്തിന് നല്‍കിയത്. കൊവിഡിനെ തുടര്‍ന്ന് അവാര്‍ഡ് ദാനം ഒരു വര്‍ഷത്തില്‍ അധികം നീളുകയായിരുന്നു.
1950-1973 കാലഘട്ടത്തില്‍ ഹിന്ദി സിനിമയിലെ സൂപ്പര്‍ താരമായിരുന്നു അവര്‍. മികച്ച അഭിനയം കൊണ്ട് അവര്‍ ശ്രദ്ധിക്കപ്പെട്ടിരുന്നു. 1992ല്‍ രാജ്യം അവരെ പത്മശ്രീ നല്‍കി ആദരിച്ചിരുന്നു.
സെന്‍സര്‍ ബോര്‍ഡിന്റെ ആദ്യ വനിതാ ചെയര്‍പേഴ്‌സണ്‍ കൂടിയായിരുന്നു ആശാ പരേഖ്. ദില്‍ ദേഖേ ദേഖോ, ജബ് പ്യാര്‍ കിസി സെ ഹോതാ ഹെ, ഫിര്‍ വോഹി ദില്‍ ലയാ ഹൂന്‍, തീസ്രി മന്‍സില്‍, ദോ ബദന്‍, ചിരാഗ്, എന്നിവയാണ് പ്രമുഖ ചിത്രങ്ങള്‍. ഹിന്ദിയില്‍ മാത്രമല്ല, പ്രാദേശിക ചിത്രങ്ങളിലും അവര്‍ വേഷമിട്ടിരുന്നു.
ഗുജറാത്തി, പഞ്ചാബി, കന്നഡ ചിത്രങ്ങളിലും അവര്‍ അഭിനയിച്ചിരുുന്നു. പഞ്ചാബി ചിത്രം കങ്കണ്‍ ദേ ഓലെ എന്ന ചിത്രത്തില്‍ ധര്‍മേന്ദ്രയ്‌ക്കൊപ്പവും, ലമ്പര്‍ധര്‍നി എന്ന ചിത്രത്തില്‍ ധാരാ സിംഗിനൊപ്പവും അവര്‍ വേഷമിട്ടിരുന്നു.
അഭിനയത്തില്‍ മാത്രമല്ല സംവിധായകയായും നിര്‍മാതാവായും അവര്‍ തിളങ്ങി. 1999ല്‍ പുറത്തിറങ്ങിയ സര്‍ ആങ്കോന്‍ പാര്‍ എന്ന ചിത്രത്തിലാണ് അവര്‍ അവസാനമായി അഭിനയിച്ചത്.
