Click it and Unblock the Notifications
Just In
Don't Miss
-
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
പ്രവാസികള്‍ക്ക് സ്വര്‍ണാഭരണങ്ങള്‍ കൊണ്ടുവരുന്നതില്‍ ഇളവ്
ദില്ലി: ഇന്ത്യയിലേക്ക് വരുമ്പോഴും പോകുമ്പോഴും സ്വര്‍ണാഭരണങ്ങള്‍ കൊണ്ടുവരുന്നത് വിമാനത്താവളത്തില്‍വെച്ച് പിടികൂടുന്നത് പതിവായതോടെ വിഷയത്തില്‍ പുതിയ വഴി തേടുകയാണ് ദില്ലി എയര്‍പോര്‍ട്ട് അധികൃതര്‍. വിവാഹത്തിനും മറ്റും നാട്ടിലേക്ക് വരുമ്പോള്‍ അണിയുന്ന സ്വര്‍ണത്തിനും ഡ്യൂട്ടി ചുമത്തുകയാണെന്ന പരാതിയയെ തുടര്‍ന്നാണ് അധികൃതരുടെ നീക്കം.
ഇനിമുതല്‍ ദില്ലി വിമാനത്താവളം വഴി ഇന്ത്യയിലെത്തുന്നവര്‍ക്ക് തിരിച്ച് ലഭിക്കുന്ന പ്രത്യേക ഡ്യൂട്ടിയടച്ചാല്‍ സ്വര്‍ണം കൊണ്ടുവരാം. അധികൃതര്‍ യാത്രക്കാരെ പീഡിപ്പിക്കുകയാണെന്ന പരാതി വ്യാപകമായതോടെയാണ് ഇത്തരമൊരു പരിപാടി അവതരിപ്പിക്കുന്നത്. ഇതോടെ തങ്ങള്‍ക്ക് ആവശ്യമുള്ള സ്വര്‍ണം അണിഞ്ഞെത്താന്‍ യാത്രക്കാര്‍ക്ക് സാധിക്കും.
നിലവില്‍ ഒരുവര്‍ഷം പ്രവാസിയായി കഴിഞ്ഞ് തിരിച്ചെത്തുന്ന സ്ത്രീയ്ക്ക് 1 ലക്ഷം രൂപയുടെയും, പുരുഷന്മാര്‍ക്ക് 50,000 രൂപയുടെയും സ്വര്‍ണം കൊണ്ടുവരാനായിരുന്നു അനുവാദമുണ്ടായിരുന്നത്. ഇതില്‍ കൂടുതല്‍ കൊണ്ടുവരികയാണെങ്കില്‍ 10 ശതമാനം ആഭരണങ്ങള്‍ക്കും 6 ശതമാനം ബിസ്‌കറ്റുകള്‍ക്കും നികുതി ഈടാക്കാനാണ് നിയമം അനുശാസിക്കുന്നത്.
ഇനിമുതല്‍ യാത്രക്കാര്‍ക്ക് വിമാനത്താവളത്തില്‍വെച്ച് 10 ശതമാനം ഡ്യൂട്ടി അടയ്ക്കുകയാണെങ്കില്‍ തങ്ങള്‍ക്ക് ആവശ്യമുള്ള സ്വര്‍ണാഭരണങ്ങല്‍ കൊണ്ടുവരാം. തിരികെ പോകുമ്പോള്‍ വിമാനത്താവളത്തിലെ അപ്രൈസറെ ബോധ്യപ്പെടുത്തി അടച്ച ഡ്യൂട്ടി തിരികെ വാങ്ങാനും സാധിക്കും. വിദേശയാത്ര നടത്തുന്നവര്‍ക്കും ഇത്തരത്തില്‍ മുന്‍കൂട്ടി സ്വര്‍ണാഭരണങ്ങള്‍ സുരക്ഷിതമാക്കാന്‍ സാധിക്കുമെന്ന് ദില്ലി വിമാനത്താവള അധികൃതര്‍ അറിയിച്ചു. ഇതോടെ വിവാഹത്തിനും മറ്റും പങ്കെടുക്കാന്‍ സ്വര്‍ണാഭരണങ്ങളുമായി എത്തുന്നവര്‍ക്ക് വിമാനത്താവളത്തിലെ ചോദ്യം ചെയ്യല്‍ ഒഴിവാക്കാം.
