കോണ്ഗ്രസ് കരയില് വീണ മത്സ്യമാണെന്ന് ബിജെപി
ദില്ലി: കോണ്ഗ്രസിനെതിരെ ആഞ്ഞടിച്ച് വീണ്ടും ബിജെപി നേതാവ് സാക്ഷി മഹാരാജ് എത്തി. അധികാരമില്ലാത്ത കോണ്ഗ്രസ് വീണെടുത്തിരുന്ന് ഉരുളുകയാണെന്ന് സാക്ഷി മഹാരാജ് പറഞ്ഞു. കോണ്ഗ്രസ് കരയില് വീണ മത്സ്യത്തെ പോലെയാണെന്നും സാക്ഷി പറയുന്നു.
അധികാരം പിടിച്ചെടുക്കാന് പറ്റാത്തതിന്റെ ദേഷ്യമാണ് കോണ്ഗ്രസ് പാര്ലമെന്റിനുള്ളില് ബഹളം വെച്ച് തീര്ക്കുന്നതെന്നും അദ്ദേഹം പറയുകയുണ്ടായി. കഴിഞ്ഞ തിരഞ്ഞെടുപ്പ് പരാജയം കോണ്ഗ്രസിന് ഇതുവരെ ഉള്ക്കൊള്ളാനായിട്ടില്ല. സഭ തടസപ്പെടുത്തുക എന്നൊരു ലക്ഷ്യം മാത്രമേ കോണ്ഗ്രസിനിപ്പോള് ഉള്ളൂ. മറ്റു പ്രതിപക്ഷ കക്ഷികള് സഹകരിക്കുന്നുണ്ടെങ്കിലും കോണ്ഗ്രസ് മാത്രമാണ് എതിരെന്നും അദ്ദേഹം കുറ്റപ്പെടുത്തി.
കോണ്ഗ്രസിന്റെ മാനസികാവസ്ഥ താന് മനസിലാക്കുന്നുവെന്നും സാക്ഷി പരിഹസിച്ചു. അധികാരത്തില് നിന്ന് ജനങ്ങളാണ് കോണ്ഗ്രസിനെ പുറത്താക്കിയതെന്ന് ആദ്യം മനസിലാക്കണം. ബിജെപി വരും വര്ഷങ്ങളിലും കൂടുതല് ശക്തി പ്രാപിക്കുമെന്നും സാക്ഷി വ്യക്തമാക്കി.
2017ലെ ഉത്തര്പ്രദേശ് നിയമസഭാ തിരഞ്ഞെടുപ്പില് മൂന്നില് രണ്ട് ഭൂരിപക്ഷവും ബിജെപിക്കു ലഭിക്കുമെന്നും സാക്ഷി പറഞ്ഞു. പ്രസ്താവന നടത്തി വിവാദങ്ങളില്പ്പെടുന്ന നേതാവാണ് സാക്ഷി മഹാരാജ്. ബിജെപിയിലെ തീപ്പൊരി നേതാക്കളിലൊരാളാണ് സാക്ഷി.