കോവിഡ് പ്രതിരോധം: വായുസഞ്ചാരം അതീവ പ്രധാനം, നിര്ദേശങ്ങള് പുറത്തിറക്ക് ശാസ്ത്ര ഉപദേഷ്ടാവ്
ദില്ലി: കോവിഡ് വ്യാപനം തടയുന്നതിനായി മാസ്കുകൾ, സാമൂഹ്യ അകലം, ശുചിത്വം, വായുസഞ്ചാരം എന്നിവ സംബന്ധിച്ച ലളിതമായ മാർഗനിർദേശങ്ങൾ പുറത്തിറക്കി കേന്ദ്ര ശാസ്ത്രോപദേഷ്ടാവിന്റെ ഓഫീസ്. വായുസഞ്ചാരം കുറഞ്ഞ വീടുകളിലും ഓഫീസുകളിലും വൈറസ് ബാധ വായുവിലൂടെ പടരാനുള്ള സാധ്യത കൂടുതലായതിനാല് നന്നായി വായുസഞ്ചാരമുള്ള ഇടങ്ങൾ കോവിഡ് പ്രതിരോധത്തില് വഹിക്കുന്ന പ്രധാന പങ്ക് ഉപദേശത്തില് എടുത്തുകാണിക്കുന്നു.
മികച്ച രീതിയിലുള്ള വായുസഞ്ചാരം ഒരു രോഗബാധിതനിൽ നിന്ന് മറ്റൊരാളിലേക്ക് പകരാനുള്ള സാധ്യത കുറയ്ക്കും. ജാലകങ്ങളും വാതിലുകളും തുറക്കുന്നതിലൂടെയും എക്സ്ഹോസ്റ്റ് സംവിധാനങ്ങൾ ഉപയോഗിച്ചും വായുവിൽ നിന്ന് ഗന്ധം ലയിപ്പിക്കാൻ കഴിയുന്നതുപോലെ, മെച്ചപ്പെട്ട ദിശാസൂചനയുള്ള വായുപ്രവാഹം ഉപയോഗിച്ച് വായുസഞ്ചാരമുള്ള ഇടങ്ങൾ വായുവിൽ അടിഞ്ഞുകൂടിയ വൈറസ്സിന്റെ സാന്നിധ്യവും പകരാനുള്ള സാധ്യതയും കുറയ്ക്കും.
വീട്ടിലോ ജോലിസ്ഥലത്തോ എല്ലാവരേയും സംരക്ഷിക്കുന്ന ഒരു സാമൂഹ്യ പ്രതിരോധമാണ് വായുസഞ്ചാരം . ഓഫീസുകളിലും വീടുകളിലും വലിയ പൊതു ഇടങ്ങളിലും പുറം വായു ലഭ്യമാകുന്നത് നല്ലതാണ്. നഗരങ്ങളിലും ഗ്രാമപ്രദേശങ്ങളിലും അടിയന്തിര മുൻഗണന നൽകി ഈ സ്ഥലങ്ങളിൽ വായുസഞ്ചാരം മെച്ചപ്പെടുത്തുന്നതിനുള്ള നടപടികൾ സ്വീകരിക്കണം, കുടിലുകൾ, വീടുകൾ, ഓഫീസുകൾ, വലിയ കേന്ദ്രീകൃത കെട്ടിടങ്ങൾ എന്നിവയ്ക്കുള്ള ശുപാർശകൾ നൽകിയിട്ടുണ്ട്. ഫാനുകളുടെ ലളിതമായ തന്ത്രപരമായ വിന്യാസവും , തുറന്ന ജനാലകളും വാതിലുകളും, ഉള്ളിലെ വായുവിന്റെ ഗുണനിലവാരം മെച്ചപ്പെടുത്താനും കഴിയും.
ക്രോസ് വെന്റിലേഷനും എക്സ്ഹോസ്റ്റ് ഫാനുകളും രോഗം പടരുന്നത് കുറയ്ക്കും. കേന്ദ്രീകൃതമായ എയർ-മാനേജുമെന്റ് സംവിധാനങ്ങളുള്ള കെട്ടിടങ്ങളിൽ, മെച്ചപ്പെട്ട ഔട്ട് ട്ട്ഡോർ എയർ ഡെലിവറി ഓപ്ഷനുകൾ പരിമിതമാകുമ്പോൾ സെൻട്രൽ എയർ ഫിൽട്രേഷൻ / വർദ്ധിച്ച ഫിൽട്രേഷൻ കാര്യക്ഷമത മെച്ചപ്പെടുത്തുന്നു. ഓഫീസുകളിൽ, ഓഡിറ്റോറിയങ്ങൾ, ഷോപ്പിംഗ് മാളുകൾ തുടങ്ങിയവയിൽ ഗാബിൾ ഫാൻ സംവിധാനങ്ങളുടെയും മേൽക്കൂര വെന്റിലേറ്ററുകളുടെയും ഉപയോഗം ശുപാർശ ചെയ്യുന്നു. ഫിൽറ്ററുകൾ പതിവായി വൃത്തിയാക്കുകയും മാറ്റിസ്ഥാപിക്കുകയും ചെയ്യുന്നതു വളരെ ഉത്തമമാമായിരിക്കും.
മുംബൈയില് ബാര്ഗിലെ ജീവനക്കാരെ രക്ഷിക്കാനുള്ള നാവിക സേനയുടെ ശ്രമം: ചിത്രങ്ങള്
ശ്വാസോച്ഛ്വാസം, സംസാരിക്കുമ്പോഴോ , പാട്ടു പാടുമ്പോഴോ , ചിരിക്കുമ്പോഴോ അല്ലെങ്കിൽ തുമ്മുന്ന സമയത്തോ രോഗബാധിതനായ ഒരാൾ തുള്ളി രൂപത്തിൽ പുറന്തള്ളുന്ന ഉമിനീർ, മൂക്കിൽ നിന്നുള്ള സ്രവം എന്നിവയാണ് വൈറസ് പകരുന്നതിന്റെ പ്രാഥമിക മാർഗം . രോഗലക്ഷണങ്ങളൊന്നും കാണിക്കാത്ത രോഗിയും വൈറസ് പടർത്തുന്നു . രോഗലക്ഷണങ്ങളില്ലാത്ത ആളുകളും വൈറസ് പടർത്താം . ആളുകൾ മാസ്ക് ധരിക്കുന്നത് തുടരണം, ഇരട്ട മാസ്കുകൾ അല്ലെങ്കിൽ N95 മാസ്ക് ധരിക്കണമെന്നും ശാസ്ത്രോപദേഷ്ടാവിന്റെ ഓഫീസ് നിര്ദേശിക്കുന്നു.
സാരിയില് അതീവ സുന്ദരിയായി ഐശ്വര്യ മേനോന്. വൈറലായ ചിത്രങ്ങള് കാണാം
Click it and Unblock the Notifications
Sign in with Google