ആറ് വയസുകാരന്റെ മൃതദേഹം നിർത്തിയിട്ട കാറിനുള്ളിൽ!!! കുട്ടിയുടെ ശരീരത്ത് പൊള്ളലേറ്റ പാടുകൾ!!!
കനത്ത ചൂടുകാരണമാകാം കുട്ടി മരിച്ചതെന്നാണ് പ്രാഥമിക നിഗമനം.
ന്യുഡൽഹി: ഡൽഹിയിലെ റാണിബഗിൽനിന്ന്കാണാതായ ആറു വയസുകാരനെ കാറിനുള്ളിൽ മരിച്ച നിലയിൽ കണ്ടെത്തി. കുട്ടിയുടെ വീടിനു മുന്നിൽ നിർത്തിയിട്ട കാറിനിന്നാണ് മൃതദേഹം കണ്ടെത്തിയത്. സോനു എന്ന കുട്ടിയാണ് മരിച്ചത്. കനത്ത ചൂടുകാരണമാകാം കുട്ടി മരിച്ചതെന്നാണ് പ്രാഥമിക നിഗമനം. ഉച്ചസമയത്ത് കാറിനുള്ളിലെ ചൂടും ശ്വാസം മുട്ടലും കാരണമാണ് കുട്ടി മരിച്ചതെന്ന് കരുതുന്നു. കുട്ടിയുടെ ശരീരത്ത് പൊള്ളലേറ്റ പാടുകളുണ്ട്.
തിങ്കളാഴ്ച ഉച്ചക്കാണ് കുട്ടിയെ കാണാതായത്. എന്നാൽ കുട്ടി എങ്ങനെയാണ് ഹുണ്ടായ് ഏക്സൻറ് കാറിനുള്ളിൽ എത്തിയതെന്ന് അറിയില്ല. എന്നാൽ കാറിനുള്ളിൽ അബദ്ധവശാൽ കുട്ടി കയറിയിരിക്കാമെന്നാണ് പൊലീസിന്റെ നിഗമനം.
കാറടച്ചിട്ടപ്പോൾ ശ്വാസം മുട്ടിയും ചൂടേറ്റും മരിച്ചതാകാമെന്നും പൊലീസ് പറയുന്നു. കുട്ടി മരിച്ചു കിടക്കുന്നത് കണ്ട് കാറുടമ തന്നെയാണ് രക്ഷിതാക്കളെയും പൊലീസിനെയും വിവരമറിയിച്ചത്. വൈകിട്ട് നാലോടുകൂടിയാണ് കുട്ടിയെ കാറിനുള്ളിൽ മരിച്ച നിലയിൽ കണ്ടെത്തിയതെന്ന് പൊലീസ് പറയുന്നു.