അച്ഛന്‍ ഏഴുവര്‍ഷം ബലാത്സംഗം ചെയ്തത് പെണ്‍കുട്ടി തിരിച്ചറിഞ്ഞത് ഇതിനുശേഷം

പന്ത്രണ്ടുവയസുകാരിയായ പെണ്‍കുട്ടിയെ പിതാവ് ഏഴുവര്‍ത്തോളമായി പീഡിപ്പിച്ചതിരുന്നതായി പരാതി

ഗുഡ്ഗാവ്: പന്ത്രണ്ടുവയസുകാരിയായ പെണ്‍കുട്ടിയെ പിതാവ് ഏഴുവര്‍ത്തോളമായി പീഡിപ്പിച്ചതിരുന്നതായി പരാതി. ഗുഡ്ഗാവിലെ ബജ്‌ഹേര പോലീസ് സ്‌റ്റേഷനിലാണ് ചൈല്‍ഫ് വെല്‍ഫെയര്‍ കമ്മിറ്റിവഴി പരാതിയെത്തിയത്. അടുത്തിടെ സ്‌കൂളില്‍ നടന്ന കൗണ്‍സിലിങ്ങിലാണ് പിതാവ് തന്നെ ബലാത്സംഗം ചെയ്യുകയായിരുന്നെന്ന് പെണ്‍കുട്ടി തിരിച്ചറിഞ്ഞത്.

കൗണ്‍സിലിങ്ങില്‍ ഏതൊക്കെയാണ് മോശം സ്പര്‍ശനം എന്നതും ഏതൊക്കെയാണ് നല്ല സ്പര്‍ശനമെന്നും കൗണ്‍സിലര്‍ പറഞ്ഞുകൊടുത്തിരുന്നു. ഇതോടെ കുട്ടി താന്‍ പീഡനത്തിന് ഇരയായെന്ന് വ്യക്തമാവുകയും ഇക്കാര്യം അറിയിക്കുകയുമായിരുന്നു. എന്നാല്‍, കൗണ്‍സിലര്‍ ഇതേക്കുറിച്ച് റിപ്പോര്‍ട്ട് ചെയ്തില്ലെന്നും ആരോപണമുണ്ട്.

പെണ്‍കുട്ടിയുടെ സഹപാഠിയാണ് പിന്നീടിത് പ്രിന്‍സിപ്പലിന്റെ ശ്രദ്ധയില്‍പ്പെടുത്തുന്നത്. പ്രിന്‍സിപ്പല്‍ ചൈല്‍ഡ് വെല്‍ഫയറുമായി ബന്ധപ്പെട്ട മഹേശ്വരിയെ അറിയിക്കുകയും അവര്‍ കേസ് രജിസ്റ്റര്‍ ചെയ്യുകയും ചെയ്തു. ഇലക്ടീഷ്യനായ പിതാവ് അഞ്ചാംവയസുമുതല്‍ കുട്ടിയെ പീഡിപ്പിച്ചത് ഞെട്ടിക്കുന്നതാണെന്ന് മഹേശ്വരി പറഞ്ഞു.

കുട്ടിയുടെ ചേച്ചിയും പീഡനത്തിന് ഇരയായിരുന്നു. എന്നാല്‍, പിതാവില്‍ നിന്നും മാറിനില്‍ക്കാന്‍ കുട്ടി ശീലിച്ചു. ഇതോടെ ഇളയ മകളെ പീഡനത്തിന് ഇരയാക്കുകയായിരുന്നു. കുട്ടിയുടെ അമ്മയ്ക്കും ഇക്കാര്യം അറിയാമായിരുന്നെങ്കിലും മൗനം പാലിക്കുകയായിരുന്നെന്നാണ് റിപ്പോര്‍ട്ട്. കേസ് അന്വേഷിച്ചുവരികയാണെന്ന് പോലീസ് അറിയിച്ചു.

English summary

Girl realises dad raped her for 7yrs after learning of ‘good touch, bad touch’,