Click it and Unblock the Notifications
Just In
Don't Miss
-
നോറയും ജാസ്മിനും ഒന്നിച്ചു; ജിന്റോയെ നാണം കെടുത്തി; ജാസ്മിനും നോറയും തമ്മിൽ അടുക്കുമോ? -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ജിയോയില്‍ വന്‍ നിക്ഷേപവുമായി ഗൂഗിള്‍; 5ജിയും ഒടിടി പ്ലാറ്റ്‌ഫോമും ഉടന്‍ വരുമെന്നും അംബാനി
മുംബൈ: മുകേഷ് അംബാനിയുടെ റിലയന്‍സ് ജിയോ പ്ലാറ്റ് ഫോമുകളില്‍ വന്‍ നിക്ഷേപവുമായി ഗൂഗിളും. ജിയോയുടെ 7.8 ശതമാനം ഓഹരികളിൽ 33737 കോടി രൂപയാണ് ഗൂഗിൾ നിക്ഷേപിക്കുക. ജിയോയുടെ മാതൃ കമ്പനിയായ റിലയൻസ് ഇൻഡസ്ട്രീസ് ലിമിറ്റഡിന്‍റെ വാർഷിക പൊതുയോഗത്തില്‍ മുകേഷ് അംബാനിയാണ് ഇക്കര്യം വ്യക്തമാക്കിയത്. ഗൂഗിളിന് മുമ്പ് ഫേസ്ബുക്ക്, ഇന്റൽ, ക്വാൽകോം എന്നിവയും ജിയോയില്‍ വന്‍ നിക്ഷേപം നടത്തിയിരുന്നു. മൊത്തം 14 കമ്പനികളില്‍ നിന്നായുള്ള നിക്ഷേപത്തിലൂടെ മൊത്തം 1,52,056 കോടി രൂപയുടെ നിക്ഷേപമാണ് ജിയ അടുത്തകാലത്തായി സമാഹരിച്ചത്.
സ്പ്രെക്ട്രം ലഭ്യമായാലുടനെ രാജ്യത്ത് 5 ജി ട്രയല്‍ ആരംഭിക്കുമെന്നും മുകേഷ് അംബാനി വ്യക്തമാക്കി. ലോകത്തെ ഏറ്റവും നൂതന സാങ്കേതിക വിദ്യയാകും ഇതിനായി പ്രയോജനപ്പെടുത്തുക. 2021 ല്‍ ഇത് നടപ്പാക്കാന്‍ കഴിയുമെന്നാണ് പ്രതീക്ഷിക്കുന്നത്. വ്യത്യസ്തമേഖലകളില്‍ 5 ജി അടിസ്ഥാനമാക്കിയുള്ള നൂതന സാങ്കേതികവിദ്യ ഉപയോഗിക്കാന്‍ കഴിയും. വിദ്യാഭ്യാസം, ആരോഗ്യം, മാധ്യമം, സ്മാര്‍ട്ട് സിറ്റി, സ്മാര്‍ട്ട് മൊബിലിറ്റി തുടങ്ങിയ മേഖലകളില്‍ 5 ജി ഉപയോഗപ്പെടുത്താന്‍ സാധിക്കുമെന്നും അദ്ദേഹം പറഞ്ഞു.
Recommended Video
ആമസോണ്‍, നെറ്റ്ഫ്‌ളിക്‌സ് മാതൃകയില്‍ ഒടിടി പ്ലാറ്റ്‌ഫോം അവതരിപ്പിക്കുമെന്നും മുകേഷ് അംബാനി അറിയിച്ചു. ജിയോ ടിവി പ്ലസ് എന്നപേരിലായിരിക്കും ഇത് അറിയപ്പെടുക. രാജ്യത്തിന്‍റെ സമ്പദ് വ്യവസ്ഥയ്ക്ക് പകരം വെയ്ക്കാനാവാത്ത സംഭാവനയാണ് റിലയന്‍സ് നല്‍കുന്നത്. ഇന്ത്യയിലെ തന്നെ ഏറ്റവും വലിയ നികുതിദായകരാണ് തങ്ങളെന്നും അദ്ദേഹം പറഞ്ഞു. ആദായനികുതിയിനത്തില്‍ 8,368 കോടി രൂപയാണ് റിലയന്‍സ് നല്‍കിയത്. ജിഎസ്ടി, വാറ്റ് എന്നിവയായി 69,372 കോടി രൂപയും സര്‍ക്കാരിന് കൈമാറിയെന്നും മുകേഷ് അംബാനി പറഞ്ഞു.
