Click it and Unblock the Notifications
Just In
Don't Miss
-
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
ഈ വസ്തുക്കള് വീട്ടില് വെക്കുന്നത് ഐശ്വര്യക്കേട്; കഷ്ടകാലം, ധനനഷ്ടം, മനക്ലേശം എന്നിവയുണ്ടാകും -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വോട്ടെടുപ്പ് ദിവസം മോദിയുടെ റോഡ് ഷോ, അമിത് ഷായുടെ പ്രചരണം; പരാതിയുമായി കോണ്‍ഗ്രസ്
അഹമ്മദാബാദ്: ഗുജറാത്ത് നിയമസഭാ തെരഞ്ഞെടുപ്പിന്റെ രണ്ടാം ഘട്ട വോട്ടെടുപ്പ് പുരോഗമിക്കവെ പ്രധാനമന്ത്രി നരേന്ദ്ര മോദിക്കും കേന്ദ്ര ആഭ്യന്തര മന്ത്രി അമിത് ഷായ്ക്കും എതിരെ തെരഞ്ഞെടുപ്പ് ചട്ട ലംഘന ആരോപണവുമായി കോണ്‍ഗ്രസ്. വോട്ടെടുപ്പ് ദിനത്തില്‍ നരേന്ദ്ര മോദി റോഡ് ഷോ നടത്തിയത് തെരഞ്ഞെടുപ്പ് ചട്ട ലംഘനാണ് എന്ന് ആരോപിച്ച് കോണ്‍ഗ്രസ് വക്താവ് പവന്‍ ഖേര രംഗത്തെത്തി.
തെരഞ്ഞെടുപ്പ് കമ്മീഷനില്‍ ഇത് സംബന്ധിച്ച് പരാതി നല്‍കും എന്ന് പവന്‍ ഖേര വ്യക്തമാക്കി. ഗുജറാത്തില്‍ രണ്ടാം ഘട്ട വോട്ടെടുപ്പ് നടക്കുന്നതിനിടെ അമിത് ഷായ്‌ക്കൊപ്പം നരേന്ദ്ര മോദി ബി ജെ പിക്കായി പ്രചാരണം നടത്തിയെന്ന് പവന്‍ ഖേര ആരോപിച്ചു.
അമിത് ഷാ പ്രചാരണം നടത്തുന്നതും സംസാരിക്കുമ്പോള്‍ ബി ജെ പി എന്ന് മുദ്രാവാക്യം വിളിച്ചതയാും അദ്ദേഹം വ്യക്തമാക്കി. ഗുജറാത്ത് നിയമസഭാ തിരഞ്ഞെടുപ്പിന്റെ ആദ്യ ഘട്ടത്തിന് ശേഷം പ്രധാനമന്ത്രി ഒരു വാക്ക് ഷോ നടത്തുകയായിരുന്നു, അത് നിരവധി ചാനലുകളില്‍ തത്സമയം നടത്തി. പ്രധാനമന്ത്രി ഇന്ന് വോട്ട് രേഖപ്പെടുത്തിയതിന് ശേഷവും പദയാത്ര നടത്തി.
ഇത് ജനാധിപത്യത്തിന്റെ ധ്വംസനമാണ്. കഴിഞ്ഞ ഏതാനും ആഴ്ചകളായി, ഈ വിഷയങ്ങളില്‍ തെരഞ്ഞെടുപ്പ് കമ്മിഷന്റെ തികഞ്ഞ നിഷ്‌ക്രിയത്വവും മൗനവുമാണ് നാം കണ്ടത് എന്നും പവന്‍ ഖേര പറഞ്ഞു. പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത് ഷായും അഹമ്മദാബാദിലെ വിവിധ പോളിംഗ് ബൂത്തുകളില്‍ ആണ് വോട്ട് രേഖപ്പെടുത്തിയത്.
വോട്ട് രേഖപ്പെടുത്താന്‍ അഹമ്മദാബാദിലെ റാണിപ്പിലെ നിഷാന്‍ പബ്ലിക് സ്‌കൂളിലേക്കുള്ള യാത്രാമധ്യേ പ്രധാനമന്ത്രി നരേന്ദ്ര മോദി ജനങ്ങളെ അഭിവാദ്യം ചെയ്തിരുന്നു. ഇതിന് എതിരെ ആണ് കോണ്‍ഗ്രസ് രംഗത്തെത്തിയിരിക്കുന്നത്. സംഭവത്തില്‍ ബി ജെ പിയെ വിമര്‍ശിച്ച് പശ്ചിമ ബംഗാള്‍ മുഖ്യമന്ത്രി മമത ബാനര്‍ജിയും രംഗത്തെത്തിയിട്ടുണ്ട്.
വോട്ടെടുപ്പ് ദിവസം ഒരിടത്തും റോഡ് ഷോ അനുവദിക്കില്ല. എന്നാല്‍ പ്രധാനമന്ത്രി നരേന്ദ്ര മോദിയും അദ്ദേഹത്തിന്റെ പാര്‍ട്ടിയും വി വി ഐ പിമാരാണ്, അവര്‍ക്ക് എന്തും ചെയ്യാം എന്നായിരുന്നു മമത ബാനര്‍ജിയുടെ പരിഹാസം. അതേസമയം ഗുജറാത്ത് നിയമസഭാ തെരഞ്ഞെടുപ്പില്‍ ഉച്ചക്ക് 1 മണി വരെ 34.74 ശതമാനം പോളിംഗ് രേഖപ്പെടുത്തിയിട്ടുണ്ട്.
