പട്ടി മാംസത്തിന് നിരോധനം: നാഗാലാന്ഡ് സര്ക്കാരിന്റെ നടപടി സ്റ്റേ ചെയ്ത് ഗുവാഹത്തി ഹൈക്കോടതി!!
ഗുവാഹത്തി: പട്ടികളുടെ മാംസത്തിന് നിരോധനമേര്പ്പെടുത്തിയ നാഗാലാന്ഡ് സര്ക്കാരിന്റെ തീരുമാനത്തെ സ്റ്റേ ചെയ്ത് ഗുവാഹത്തി ഹൈക്കോടതി. നാഗാലാന്ഡിലെ ലൈസന്സ്ഡ് ഇറച്ചി കച്ചവടക്കാരുടെ ഹര്ജിയിലാണ് കോടതിയുടെ സ്റ്റേ. അതേസമയം ഇതുവരെ ഈ വിഷയത്തില് സര്ക്കാര് പ്രതികരണം അറിയിച്ചിട്ടില്ല. ജൂലായ് നാലിനാണ് നായകളെ വാണിജ്യ ആവശ്യങ്ങള്ക്കായി ഉപയോഗിക്കാന് പാടില്ലെന്ന് സര്ക്കാര് തീരുമാനിച്ചത്. വാണിജ്യ ആവശ്യങ്ങള്ക്കായി കയറ്റുമതി ചെയ്യാനോ നായ്ക്കളുടെ വില്പ്പനയോ ഡോഗ് മാര്ക്കറ്റുകളോ പാടില്ലെന്നും സര്ക്കാര് പറഞ്ഞിരുന്നു.
റെസ്റ്റോറന്റുകളില് പട്ടി മാംസം ഉപയോഗിക്കാന് പാടില്ലെന്നും നിര്ദേശത്തില് പറയുന്നുണ്ട്. ഭക്ഷ്യസുരക്ഷാ നിയമപ്രകാരമായിരുന്നു നിരോധനത്തിന് കാരണം. മുന് കേന്ദ്ര മന്ത്രി മേനകാ ഗാന്ധി നേരത്തെ നാഗാലാന്ഡില് നായകളെ മാംസത്തിനായി ഉപയോഗിക്കുന്നതിനെ രൂക്ഷമായി വിമര്ശിച്ചിരുന്നു. ഈ വിഷയത്തില് അവര് ശക്തമായ പ്രചാരണവും നടത്തിയിരുന്നു. നാഗാലാന്ഡ് ചീഫ് സെക്രട്ടറിക്ക് ഡോഗ് ബസാറുകളും ഡോഗ് റസ്റ്റോറന്റുകളും നിരോധിക്കാന് അഭ്യര്ത്ഥിച്ച് അവര് ഇമെയിലും അയച്ചിരുന്നു.
നേരത്തെ ഫെഡറേഷന് ഓഫ് ഇന്ത്യന് ആനിമല് പ്രൊട്ടക്ഷന് ഓര്ഗനൈസേഷനും സര്ക്കാരിനോട് നായകളെ കൊല്ലുന്നതിന് വിലക്കേര്പ്പെടുത്താന് നിര്ദേശിച്ചിരുന്നു. അതേസമയം സര്ക്കാര് പട്ടി മാംസം നിരോധിച്ചതോടെ വലിയ പ്രതിഷേധവും നാഗാലാന്ഡില് ഉണ്ടായിരുന്നു. സംസ്ഥാനത്തിന്റെ സംസ്കാരത്തിന് നേരെയുള്ള കടന്നുകയറ്റമാണെന്ന് കുറ്റപ്പെടുത്തലും ഉയര്ന്നു. നാഗാലാന്ഡിലെ പല വിഭാഗങ്ങള്ക്കിടയിലും പട്ടികളുടെ ഇറച്ചി വളരെ പ്രചാരണത്തിലുണ്ട്. വടക്കുകിഴക്കന് സംസ്ഥാനങ്ങളിലും ഇത് വലിയ പ്രചാരം നേടിയിട്ടുണ്ട്.
അതേസമയം മരുന്നിനായും പട്ടിയിറച്ചി ഉപയോഗിക്കുന്നുണ്ട്. കൊഹിമ മുനിസിപ്പല് കൗണ്സില് പരിധിയിലുള്ള വ്യാപാരികളാണ് സര്ക്കാര് തീരുമാനത്തിനെതിരെ ഹര്ജി നല്കിയത്. തങ്ങളുടെ വ്യാപാരവും ജീവിതോപാധിയും നിരോധനത്തില് ബാധിക്കപ്പെട്ടെന്ന് വ്യാപാരികള് പറഞ്ഞു. ചീഫ് സെക്രട്ടറിക്ക് ഇത്തരമൊരു ഉത്തരവിറക്കാന് അധികാരമില്ലെന്നും, ഭക്ഷ്യ സുരക്ഷാ നിയമം ഇക്കാര്യത്തില് പാലിച്ചില്ലെന്നും വ്യാപാരികള് ഹര്ജിയില് പറഞ്ഞു. കോടതിയി ശീതകാല അവധിക്ക് ശേഷം വരുമ്പോഴാണ് അടുത്ത വാദം കേള്ക്കുക. അതുവരെയാണ് നിരോധനത്തിന് സ്റ്റേ ഏര്പ്പെടുത്തിയത്.
Recommended Video
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google