ഹാര്ദിക് പട്ടേലിന് ആശ്വാസം; ഹൈക്കോടതി ഇളവ് നല്കി... ബിജെപി സ്ഥാനാര്ഥിയായ പിന്നാലെ
ഗാന്ധി നഗര്: കോണ്ഗ്രസ് വിട്ട് ബിജെപിയിലെത്തിയ ഹാര്ദിക് പട്ടേലിന് ആശ്വാസം. പട്ടേല് സംവരണ പ്രക്ഷോഭവുമായി ബന്ധപ്പെട്ട കേസിലെ ജാമ്യ വ്യവസ്ഥയില് ഗുജറാത്ത് ഹൈക്കോടതി ഇളവ് നല്കി. മെഹ്സാന ജില്ലയില് പ്രവേശിക്കാന് ഹാര്ദിക് പട്ടേലിന് കോടതി അനുമതി നല്കി. കഴിഞ്ഞ ഒരു വര്ഷമായി ഈ ജില്ലയില് അദ്ദേഹത്തിന് പ്രവേശിക്കാന് സാധിച്ചിരുന്നില്ല. മെഹ്സാനയിലെ ക്ഷേത്രം സന്ദര്ശിക്കാന് അനുമതി തേടി ഹാര്ദിക് കഴിഞ്ഞ ദിവസം ഹൈക്കോടതിയെ സമീപിക്കുകയായിരുന്നു. ഈ ഹര്ജിയിലാണ് ഹാര്ദികിന് അനുകൂലമായി ഹൈക്കോടതി വിധി പ്രസ്താവിച്ചത്.
2015ലെ പട്ടേല് സംവരണ സമരത്തിലൂടെയാണ് ഹാര്ദിക് ശ്രദ്ധിക്കപ്പെട്ടത്. പട്ടേല് വിഭാഗത്തിന് ഒബിസി സംവരണം ആവശ്യപ്പെട്ടായിരുന്നു സമരം. ഗുജറാത്ത് പോലീസ് സമരം അടിച്ചമര്ത്തുകയും ഹാര്ദികിനെ ജയിലിലടയ്ക്കുകയും ചെയ്തു.
കലാപം സൃഷ്ടിക്കാന് ശ്രമിച്ചു എന്നാരോപിച്ചാണ് കേസെടുത്തത്. ഏറെ നാള് ജയിലില് കഴിഞ്ഞ ഹാര്ദികിന് കടുത്ത വ്യവസ്ഥകളോടെ കോടതി ജാമ്യം നല്കി. മെഹ്സാന ജില്ലയില് പ്രവേശിക്കരുത് എന്നായിരുന്നു ഒരു വ്യവസ്ഥ. ഈ ഉപാധിയില് ഇളവ് തേടിയാണ് ഹാര്ദിക് ഹൈക്കോടതിയെ സമീപിച്ചത്.
ജയില് മോചിതനായ ഹാര്ദിക് പട്ടേല് പിന്നീട് കോണ്ഗ്രസില് ചേര്ന്നു. അദ്ദേഹത്തെ വര്ക്കിങ് പ്രസിഡന്റാക്കി കോണ്ഗ്രസ് വലിയ ഉത്തരവാദിത്തം നല്കി. എന്നാല് പിന്നീട് കോണ്ഗ്രസ് നേതൃത്വത്തിനെതിരെ ആരോപണങ്ങള് ഉന്നയിച്ച് അദ്ദേഹം പാര്ട്ടി വിടുകയും ബിജെപിയില് ചേരുകയും ചെയ്തു.
നിയമസഭാ തിരഞ്ഞെടുപ്പിന് ഒരുങ്ങുകയാണ് ഗുജറാത്ത്. ഹാര്ദിക് പട്ടേല് ബിജെപി സ്ഥാനാര്ഥിയായി മല്സരിക്കുന്നുണ്ട്. അഹമദാബാദ് ജില്ലയിലെ വിരംഗം മണ്ഡലത്തിലാണ് അദ്ദേഹം ജനവിധി തേടുന്നത്. ഇതിന് മുന്നോടിയായിട്ടാണ് മെഹ്സാനയിലെ ക്ഷേത്രം സന്ദര്ശിക്കുന്നത്.
പട്ടേല് സമര കേസില് ഹാര്ദികിനെ രണ്ടു വര്ഷം തടവിന് ശിക്ഷിച്ചിരുന്നു ഗുജറാത്ത് കോടതി. 2018 ജൂലൈയിലായിരുന്നു കോടതി വിധി. ഹാര്ദികിന്റെ നാല് സഹപ്രവര്ത്തകര്ക്കും കോടതി ജയില് ശിക്ഷ വിധിച്ചിരുന്നു. സമരത്തിനിടെ ബിജെപി എംഎല്എ ഋഷികേഷ് പട്ടേലിന്റെ ഓഫീസ് തകര്ക്കപ്പെട്ടു. ഒരു കാര് അഗ്നിക്കിരയാക്കുകയും ചെയ്തു. ഈ കേസിലായിരുന്നു കോടതി വിധി.
ഇതിനെതിരെ ഹാര്ദിക് ഗുജറാത്ത് ഹൈക്കോടതിയെ സമീപിച്ചു. വിചാരണ കോടതി വിധി ഹൈക്കോടതി താല്ക്കാലികമായി റദ്ദാക്കുകയും ഹാര്ദികിന് ജാമ്യം നല്കുകയും ചെയ്തു. ഈ വേളയിലാണ് മെഹ്സാനയില് കടക്കരുത് എന്ന് ഉപാധിവച്ചത്. ശിക്ഷ റദ്ദാക്കണമെന്ന ഹര്ജിയില് ഹൈക്കോടതി അന്തിമ തീരുമാനം എടുത്തിട്ടില്ല.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google