ഹരിയാണയില് അനില് വിജിനെ ഉപമുഖ്യമന്ത്രിയാക്കണം: ആവശ്യമുന്നയിച്ച് ബിജെപി എംഎല്എ
ചണ്ഡിഗഡ്: ഹരിയാണയില് ബിജെപി- ജെജെപി സഖ്യം സംബന്ധിച്ച് ധാരണയായതോടെ പുതിയ ആവശ്യവുമായി ബിജെപി എംഎല്എ. സഖ്യത്തിലെ കരാര് പ്രകാരം ബിജെപിക്ക് മുഖ്യമന്ത്രി പദവും ജെജെപിക്ക് ഉപമുഖ്യമന്ത്രി പദവുമാണ് ലഭിക്കുക. എന്നാല് രണ്ടാമത്തെ ഉപമുഖ്യമന്ത്രി പദം ബിജെപി നേതാവ് അനില് വിജിന് ഈ പദവി നല്കണമെന്നാണ് ബിജെപി എംഎല്എ മുന്നോട്ടുവച്ച ആവശ്യം.
ജെജെപിക്ക് ഉപമുഖ്യമന്ത്രി പദവി നല്കിയെങ്കില് ബിജെപിക്കും ഉപമുഖ്യമന്ത്രി പദവി നല്കണമെന്നാണ് ആവശ്യം. ശനിയാഴ്ച നടന്ന നിയമസഭാ കക്ഷി യോഗത്തിലാണ് ബിജെപി എംഎല്എ ഈ ആവശ്യം ഉന്നയിച്ചത്. അധികാരം തുല്യമായി പങ്കുവെക്കുന്നതിന് വേണ്ടിയാണ് ഇതെന്നും എംഎല്എ വാദിക്കുന്നു. രണ്ടാമത്തെ ഉപമുഖ്യമന്ത്രി മുതിര്ന്ന ബിജെപി നേതാവായിരിക്കണമെന്നും എംഎല്എ ആവശ്യപ്പെടുന്നു. മനോഹര് ലാല് ഖട്ടര് സര്ക്കാരില് മന്ത്രിയായിരുന്ന അനില് വിജിനെ വീണ്ടും മന്ത്രിയായി തിരഞ്ഞെടുക്കപ്പെടണമെന്നാണ് എംഎല്എ ചൂണ്ടിക്കാണിക്കുന്നത്. 11 മാസം മാത്രം പഴക്കമുള്ള ജെജെപിയിലേക്ക് കൂടുതല് അധികാരം കേന്ദ്രീകരിക്കുന്നത് തടയുന്നതിന് വേണ്ടിയാണ് എംഎല്എയുടെ നീക്കമെന്നാണ് വിലയിരുത്തപ്പെടുന്നത്.
90 സീറ്റുള്ള ഹരിയാണ നിയമസഭയില് ബിജെപിക്ക് 40 സീറ്റുകള് ലഭിച്ചപ്പോള് 10 സീറ്റുകളാണ് ജെജെപിക്ക് ലഭിച്ചത്. ഖട്ടറിന്റെ നേതൃത്വത്തിലുള്ള ഹരിയാണയില് ബിജെപിക്ക് കേവല ഭൂരിപക്ഷം നേടാന് കഴിഞ്ഞിരുന്നില്ല. തുടര്ന്നാണ് ജെജെപിയുമായി സഖ്യം രൂപീകരിക്കുന്നത്. ജെജെപി-ബിജെപി സഖ്യത്തിലെ ധാരണ പ്രകാരം മനോഹര് ലാല് ഖട്ടര്മുഖ്യമന്ത്രിയും ജെജെപിയുടെ ദുഷ്യന്ത് ചൗട്ടാല ഉപമുഖ്യമന്ത്രിയുമായിരിക്കും. അടുത്ത അഞ്ച് വര്ഷം ഹരിയാണ ഭരിക്കുന്നത് ബിജെപി- ജെജെപി സഖ്യമായിരിക്കുമെന്ന് അമിത് ഷായും വ്യക്തമാക്കിയിരുന്നു. ബിജെപിക്ക് മുഖ്യമന്ത്രി പദവിയും ജെജെപിക്ക് ഉപമുഖ്യമന്ത്രി പദവിയും ലഭിക്കുമെന്ന് ഇരു പാര്ട്ടികളും തമ്മില് ധാരണയിലെത്തിയതിന് പിന്നാലെയാണ് ബിജെപി എംഎല്എ പുതിയ ആവശ്യം ഉന്നയിച്ച് രംഗത്തെത്തുന്നത്. ഞായറാഴ്ച ഉച്ചയ്ക്ക് 2.15നാണ് സത്യപ്രതിജ്ഞാ ചടങ്ങ്.
-
എല്ലാം നാടകമെന്ന് എച്ച് സലാം, സുധാകരൻ നിയമസഭയിൽ വേണമെന്ന് ചെന്നിത്തല; നീക്കങ്ങൾ നിരീക്ഷിച്ച് കോൺഗ്രസ് -
ഒടുവിൽ മുകുന്ദൻ പുറത്ത്; സ്വതന്ത്രനായാൽ കോൺഗ്രസ് പിന്തുണ? ‘സിപിഐയിലെ സ്ക്രാപ്പ്’ വേണ്ടെന്ന് പ്രാദേശിക നേതാക്കൾ -
'അഡ്രസ് പോലും വ്യാജം; ചെയ്തത് ക്രിമിനല് കുറ്റം' ശ്രീനാദേവി കുഞ്ഞമ്മക്കെതിരേ ആരോപണങ്ങളുമായി ഷഹനാസ് -
മൂന്ന് എംഎല്എമാര്ക്ക് സീറ്റില്ല; ഇവര് കോണ്ഗ്രസ് സ്ഥാനാര്ഥികള്, ആദ്യഘട്ട പട്ടികയ്ക്ക് അംഗീകാരം -
നിയമസഭ തിരഞ്ഞെടുപ്പിൽ മത്സരിക്കാനില്ല, ഊഹാപോഹങ്ങൾ പ്രചരിപ്പിക്കരുത്; ഷാഫി പറമ്പിൽ -
പെരുമ്പാവൂർ ‘സസ്പെൻസിൽ’; പാലക്കാട് രാഹുലിന് പകരം ആര് വരും? തീരുമാനമാകാതെ നേമം മണ്ഡലവും -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
പുതിയ വീടും കാറും, കൈനിറയെ പൊന്നും! ഇന്നേക്ക് നാലാം നാള് ഈ രാശിക്കാരുടെ നല്ലസമയം -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ -
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
ബെംഗളൂരു മെട്രോ യാത്രക്കാര് അറിഞ്ഞോ? നിങ്ങളെ വീട്ടിലെത്തിക്കാന് പുതിയ ഫീഡര് ബസുകള്
Click it and Unblock the Notifications
Sign in with Google