രാഹുല് ഗാന്ധി വയനാട്ടില്: പിപി സുനീറിനെ പിന്വലിക്കില്ലെന്ന് ഇടതുമുന്നണി
ദില്ലി: കോണ്ഗ്രസ് ദേശീയ അധ്യക്ഷന് രാഹുല് ഗാന്ധി വയനാട് ഉള്പ്പടേയുള്ള ദക്ഷിണേന്ത്യയിലെ ഏതെങ്കിലും മണ്ഡലങ്ങളില് നിന്ന് മത്സരിക്കുമോ എന്ന കാര്യത്തില് ഹൈക്കമാന്ഡ് ഇന്ന് തീരുമാനം എടുത്തേക്കും. ദക്ഷിണേന്ത്യയില് മത്സരിക്കാന് തീരുമാനിക്കുകയാണെങ്കില് വയനാട് തന്നെ തിരഞ്ഞെടുക്കാനാണ് കൂടുതല് സാധ്യതയെന്നാണ് എഐസിസിയിലെ വൃത്തങ്ങള് നല്കുന്ന സൂചന.
വീണ്ടും വമ്പന് പ്രഖ്യാപനവുമായി രാഹുല് ഗാന്ധി; അധികാരം പിടിച്ചാല് നീതി ആയോഗ് പിരിച്ചു വിടും, പകരം?
ദക്ഷിണേന്ത്യയില് താന് സ്ഥാനാര്ത്ഥിയാകണമെന്ന ആവശ്യം ന്യായമാണെന്ന് ഹിന്ദി ദിനപത്രത്തിന് നല്കിയ അഭിമുഖത്തില് രാഹുല് വ്യക്തമാക്കിയിരുന്നു. കര്ണാടകത്തിലെ ബിദാര് മണ്ഡലം രാഹുലിനായി പരിഗണിച്ചിരുന്നെങ്കിലും അവിടെ സ്ഥാനാര്ത്ഥിയാവാന് സാധ്യതിയില്ലെന്നാണ് സംസ്ഥാനത്തെ പാര്ട്ടി നേതാക്കള് നല്കുന്ന സൂചന..
ലോക്സഭ തിരഞ്ഞെടുപ്പുമായി ബന്ധപ്പെട്ട കൂടുതല് അപ്ഡേറ്റ്സുകള് വണ്ഇന്ത്യയോടൊപ്പം അറിയാം..