വിവാദ ചിത്രം ദി മെസ്സഞ്ചര് ഓഫ് ഗോഡ് പുതിയ പേരില് എത്തും
ഛത്തീസ്ഗഢ്: സന്തോഷ് പണ്ഡിറ്റിനെ കടത്തിവെട്ടിയ ഗുര്മീത് റാം റഹീം സിംഗിന്റെ വിവാദ ചിത്രം മെസ്സഞ്ചര് ഓഫ് ഗോഡിന്റെ പേര് മാറ്റി. ദി മെസ്സഞ്ചര് ഓഫ് ഗോഡ് എന്നതിലെ ഗോഡ് വെട്ടിമാറ്റി ദി മെസ്സഞ്ചര് എന്ന പുതിയ പേരിലായിരിക്കും ചിത്രം പ്രദര്ശനത്തിനെത്തുക. ഈ മാസം പതിമൂന്നാം തീയതിയാണ് ചിത്രം റിലീസ് ചെയ്യുന്നത്.
ഏറെ കോളിളക്കം സൃഷ്ടിച്ച ചിത്രത്തിന് ശനിയാഴ്ച സെന്സര് ബോര്ഡ് പ്രദര്ശനത്തിന് അനുമതി നല്കുകയായിരുന്നു. ഗുര്മീത് സിംഗിന്റെ അനുയായികളാണ് പേര് മാറ്റത്തിന്റെ കാര്യം ട്വിറ്ററിലൂടെ അറിയിച്ചത്. സിനിമയുടെ എല്ലാ പ്രവര്ത്തനവും ഗുര്മീത് തന്നെയാണ് ചെയ്തത്. ചിത്രത്തില് അഭിനയിച്ചതും ഗുര്മീത് തന്നെയാണ്. സന്തോഷ് പണ്ഡിറ്റിന് പിന്നാലെയാണ് ഗുര്മാതിന്റെ ചുവടുവയ്പ്പ്.
മെസ്സഞ്ചര് ഓഫ് ഗോഡ് ജനങ്ങള്ക്ക് കാണാന് കൊള്ളുന്ന ചിത്രമല്ലെന്ന് പറഞ്ഞായിരുന്നു സെന്സര് ബോര്ഡ് പ്രദര്ശനാനുമതി വിലക്കിയത്. ഇതിനെതിരെ വ്യാപക പ്രതിഷേധവും നടന്നതാണ്. തുടര്ന്ന് സിനിമയുടെ നിര്മ്മാതാക്കള് ഫിലിം സര്ട്ടിഫിക്കേഷന് അപ്പലേറ്റ് ട്രൈബ്യൂണലില് അപ്പീല് നല്കുകയും പ്രദര്ശന അനുമതി നേടിയെടുക്കുകയും ചെയ്തു.
ചിത്രം ഈ മാസം തന്നെ തിയറ്ററുകളില് എത്തും. ഹിന്ദി,ഇംഗ്ലീഷ്, തമിഴ്, തെലുങ്ക് എന്നീ ഭാഷകളിലാണ് ദി മെസ്സഞ്ചര് പുറത്തിറങ്ങുന്നത്.