യുദ്ധക്കളമായി സൂറത്ത്; തൊഴിലാളികള് കൂട്ടത്തോടെ തെരുവിലിറങ്ങി, പോലീസുമായി ഏറ്റുമുട്ടി
ദില്ലി: ഗുജറാത്തിലെ സൂറത്ത് പട്ടണത്തില് കുടിയേറ്റ തൊഴിലാളികള് വീണ്ടും തെരുവിലിറങ്ങി. നാട്ടില് പോകാന് അവസരം വേണമെന്നാവശ്യപ്പെട്ടാണ് തൊഴിലാളികള് തെരുവ് കയ്യടക്കിയത്. ഇവരെ നേരിടാന് പോലീസ് കൂടി എത്തിയതോടെ സംഘര്ഷമായി. ഏറെ നേരം യുദ്ധസമാന സാഹചര്യമായിരുന്നു സൂറത്തില്.
കുടിയേറ്റ തൊഴിലാളികള്ക്ക് ട്രെയിന് യാത്രാ സൗകര്യം ഒരുക്കിയെന്ന വാര്ത്തകള്ക്ക് പിന്നാലെയാണ് സൂറത്തില് വീണ്ടും സംഘര്ഷമുണ്ടായത്. സൂറത്തിലെ ഡയമണ്ട്, ടെക്സ്റ്റൈല്സ് മേഖലയില് ജോലി ചെയ്യുന്നവരില് കൂടുതലും ഇതര സംസ്ഥാന തൊഴിലാളികളാണ്. വിശദാംശങ്ങള്....
സൂറത്തിലെ വറേലി മാര്ക്കറ്റില്
സൂറത്തിലെ വറേലി മാര്ക്കറ്റിലാണ് സംഘര്ഷമുണ്ടായത്. കുടിയേറ്റ തൊഴിലാളികള് കൂട്ടത്തോടെ ഇവിടെ എത്തുകയായിരുന്നു. എല്ലാവരും പിരിഞ്ഞുപോകണമെന്ന് പോലീസ് ആവശ്യപ്പെട്ടു. ഇക്കാര്യം അവഗണിച്ച തൊഴിലാളികള് പോലീസ് നേരെ കല്ലെറിഞ്ഞുവെന്നാണ് പോലീസ് പറയുന്നത്.
ടിയര് ഗ്യാസ് പ്രയോഗിച്ചു
തുടര്ന്ന് പോലീസ് ടിയര് ഗ്യാസ് പ്രയോഗിച്ചു. പിന്നീട് കൂടുതല് പോലീസുകാരെ വിന്യസിച്ചതോടെ തൊഴിലാളികള് ചിതറിയോടി. അതേസമയം, സൂറത്തിലെ പലന്പൂര് പാട്യ മേഖലയിലും കുടിയേറ്റ തൊഴിലാളികള് സംഘടിച്ചു. ഇവിടെയും പോലീസെത്തി ജനക്കൂട്ടത്തെ പിരിച്ചുവിടുകയായിരുന്നു.
സര്ക്കാര് ഓഫീസിന് പുറത്ത്
കഴിഞ്ഞാഴ്ച സൂറത്തിലെ ഡയമണ്ട് ബൗര്സിലെ സര്ക്കാര് ഓഫീസിന് പുറത്ത് കുടിയേറ്റ തൊഴിലാളികള് പ്രതിഷേധം സംഘടിപ്പിച്ചിരുന്നു. കൊറോണ പ്രതിസന്ധിക്കിടയിലും തങ്ങളെ ജോലി ചെയ്യിക്കുകയാണെന്നും അവര് ആരോപിച്ചു. മതിയായ ഭക്ഷണം നല്കുന്നില്ല. നാട്ടിലെത്താന് സര്ക്കാര് സൗകര്യം നല്കണമെന്നും അവര് ആവശ്യപ്പെട്ടിരുന്നു.
ഏറെ വിവാദമായത്
രാജ്യത്തെ എല്ലാ നഗരങ്ങളും അടച്ചിട്ടപ്പോഴും സൂറത്തില് തൊഴില് വിപണി പ്രവര്ത്തിച്ചത് ഏറെ വിവാദമായിരുന്നു. ജോലി തുടരാമെന്നാണ് ഡയമണ്ട് ആന്റ് ടെക്സ്റ്റൈല്സ് അസോസിയേഷന് തീരുമാനിച്ചത്. രണ്ട് മേഖലയിലുമായി 20 ലക്ഷത്തോളം പേരാണ് ഇവിടെ ജോലി ചെയ്യുന്നത്. ഇത്രയും പേര്ക്ക് ജോലി നഷ്ടമായാല് വന് പ്രതിസന്ധിയുണ്ടാകുമെന്നായിരുന്നു അസോസിയേഷന്റെ വിശദീകരണം.
ഏപ്രില് പത്തിന്
ഏപ്രില് പത്തിന് തെരുവിലിറങ്ങിയ തൊഴിലാളികള് വാഹനങ്ങള് നശിപ്പിക്കുകയും വ്യാപക അക്രമങ്ങള് അഴിച്ചുവിടുകയും ചെയ്തിരുന്നു. ഏപ്രില് 15നും സമാനമായ അക്രമങ്ങള് നടന്നിരുന്നു. മഹാരാഷ്ട്രയ്ക്ക്് ശേഷം ഏറ്റവും കൂടുതല് കൊറോണ രോഗം റിപ്പോര്ട്ട് ചെയ്യുന്ന സംസ്ഥാനമാണ് ഗുജറാത്ത്. 5428 പേര്ക്ക് രോഗം ബാധിക്കുകയും 290 പേര് മരിക്കുകയും ചെയ്തുവെന്നാണ് ഗുജറാത്തില് നിന്നുള്ള കണക്ക്.
-
ഗള്ഫില് സ്വര്ണം കുത്തനെ കുതിച്ചു..! ഇന്ത്യയില് കുറയുമ്പോള് ദുബായില് കൂടാന് കാരണമെന്ത്? -
ഭക്തരോട് മാപ്പ് ചോദിക്കുന്നു; ആറ്റുകാല് അമ്മയ്ക്ക് എന്നെ അറിയാം: വൈകാരിക പ്രതികരണവുമായി അന്ന രാജന് -
വ്യാപകമായി സ്വർണം വിറ്റഴിച്ച് നിക്ഷേപകർ, സ്വർണവിലയിലെ കുറവ് താൽക്കാലികം മാത്രം, ഇനി വൻ കുതിപ്പ് വരും -
സ്വർണ വില ഉച്ചയോടെ വീണ്ടും താഴേക്ക്; വിൽക്കാൻ കാത്തിരുന്നവർ പെട്ടു..ഇനിയും ഇടിഞ്ഞ് വീഴും? -
ഇങ്ങനെ പോയാന് പച്ചക്കറി, ഫ്രൂട്ട്സ് വില കുറയും; നാട് പട്ടിണിയിലാകും, ഗള്ഫ് കയറ്റുമതി നിലച്ചു -
പൊങ്കാല ഇടുമ്പോൾ വീട്ടിലെ സ്വകാര്യ ചിത്രങ്ങൾ പുറത്ത് പ്രചരിപ്പിച്ചു'; തുറന്നടിച്ച് നടി രമ്യ പണിക്കർ -
മൂന്ന് ദിവസം കൊണ്ട് ഇടിഞ്ഞത് 85800 രൂപ! സ്വര്ണം വാങ്ങിയവര്ക്ക് ഇരിപ്പുറക്കുന്നില്ല, മുന്നിലുള്ളത് വന്നഷ്ടം! -
കെ റെയിൽ പദ്ധതിയിൽ നിലപാട് ആവർത്തിച്ച് കേന്ദ്രം; ഡിപിആർ പരിഷ്കരിക്കണം, ബ്രോഡ്ഗേജ് മതി -
നഴ്സുമാർക്ക് എന്തിനാണ് 40,000 രൂപ ശമ്പളം? വിലക്കയറ്റം ഒക്കെ വെറും തോന്നലല്ലേ? പിന്തുണയുമായി നടി സരിത -
37 കോടിയുടെ ബിഗ് ടിക്കറ്റ് ബംപർ മലയാളിക്ക്; തുക ഇങ്ങനെ ചെലവഴിക്കുമെന്ന് ഡ്രൈവറായ വിബീഷ് -
ധന രാജയോഗം 30 വർഷത്തിന് ശേഷം; ഈ രാശിക്കാർക്ക് പണവും ജോലിയും ആഡംബരവും ഒരുമിച്ച് കിട്ടും! -
ബിഹാറിൽ വൻ രാഷ്ട്രീയമാറ്റങ്ങൾക്ക് കളമൊരുങ്ങുന്നു; നിതീഷ് കുമാർ രാജിവയ്ക്കും, രാജ്യസഭാ എംപി ആവും?
Click it and Unblock the Notifications
Sign in with Google