വേഷം മാറി ആശുപത്രിയില്‍ എത്തിയപ്പോള്‍ സുരക്ഷ ജീവനക്കാര്‍ മര്‍ദ്ദിച്ചു; വെളിപ്പെടുത്തി കേന്ദ്ര ആരോഗ്യമന്ത്രി

Updated: Sunday, September 19, 2021, 21:08 [IST]

ദില്ലി: ദില്ലി സഫ്ദര്‍ജങ് ആശുപത്രിയില്‍ വേഷം മാറി മിന്നല്‍ പരിശോധനയ്ക്ക് എത്തിയ കേന്ദ്ര ആരോഗ്യമന്ത്രി മന്‍സൂഖ് മാണ്ഡവ്യയെ സുരക്ഷ ജീവനക്കാര്‍ മര്‍ദ്ദിച്ചു. ഒക്‌സിജന്‍ പ്ലാന്റ് അടക്കമുള്ള നാല് സൗകര്യ കേന്ദ്രങ്ങളുടെ ഉദ്ഘാടനത്തിന് എത്തിയപ്പോഴാണ് മന്ത്രി ഇക്കാര്യത്തെ കുറിച്ച് വെളിപ്പെടുത്തിയത്. ആശുപത്രിയുടെ യഥാര്‍ത്ഥ അവസ്ഥ അറിയുന്നതിന് വേണ്ടിയായിരുന്നു അവിടെ എത്തിയത്. എന്നാല്‍ ഗേറ്റില്‍വച്ച് സുരക്ഷ ഉദ്യോഗസ്ഥര്‍ മര്‍ദ്ദിച്ചെന്നും അവിടെയുണ്ടായിരുന്ന ബെഞ്ചില്‍ ഇരിക്കാന്‍ ശ്രമിച്ചപ്പോള്‍ മര്‍ദ്ദിച്ചെന്നും അദ്ദേഹം വെളിപ്പെടുത്തി.

ആശുപത്രിയില്‍ നിരവധി രോഗികള്‍ക്ക് സ്‌ട്രെച്ചറുകളും മറ്റ് വൈദ്യസഹായങ്ങളും ലഭിക്കുന്നതില്‍ പ്രശ്‌നങ്ങള്‍ നേരിടുന്നതായി അദ്ദേഹം പറഞ്ഞു. തന്റെ മകനുവേണ്ടി ഒരു സ്‌ട്രെച്ചര്‍ എടുക്കണമെന്ന് കാവല്‍ക്കാരോട് അപേക്ഷിക്കുന്ന 75 വയസ്സുള്ള ഒരു സ്ത്രീയുടെ ഒരു ഉദാഹരണം അദ്ദേഹം നല്‍കി, ഗാര്‍ഡിന്റെ പെരുമാറ്റത്തില്‍ തൃപ്തനല്ല, 1500 ഗാര്‍ഡുകള്‍ ആശുപത്രിയില്‍ നിലയുറപ്പിച്ചിട്ടും ഒരു കാവല്‍ക്കാരന്‍ പോലും വൃദ്ധയെ സഹായിക്കാത്തത് എന്തുകൊണ്ടാണെന്ന് അദ്ദേഹം ചോദിച്ചു.

ഹോട്ട് ആന്‍ഡ് ക്യൂട്ട് ഗേള്‍; അമല പോളിന്റെ ഏറ്റവും പുതിയ ഫോട്ടോഷൂട്ട് ഏറ്റെടുത്ത് ആരാധകര്‍

സംഭവത്തെക്കുറിച്ച് പ്രധാനമന്ത്രി നരേന്ദ്ര മോദിയെ അറിയിച്ചതായും അത് കേട്ടപ്പോള്‍ അസ്വസ്ഥനായെന്നും ഗാര്‍ഡിനെ സസ്പെന്‍ഡ് ചെയ്‌തോ ഇല്ലയോ എന്നും ചോദിച്ചെന്നും മന്ത്രി വ്യക്തമാക്കി. എന്നാല്‍ അത് ഒരു വ്യക്തിയുടെ പ്രശ്‌നമല്ലെന്നും ഈ സിസ്റ്റം മെച്ചപ്പെടുത്താന്‍ ശ്രമിക്കുന്നതിനാല്‍ അദ്ദേഹത്തെ സസ്പെന്‍ഡ് ചെയ്തിട്ടില്ലെന്നും അദ്ദേഹം പറഞ്ഞു. ആശുപത്രിയും മെഡിക്കല്‍ സ്റ്റാഫും ഒരേ നാണയത്തിന്റെ രണ്ട് വശങ്ങളാണ്, അവര്‍ ഒരു ടീമായി പ്രവര്‍ത്തിക്കണമെന്നും അദ്ദേഹം വ്യക്തമാക്കി. ആശുപത്രിയിലെ കൊവിഡ് പ്രതിരോധ പ്രവര്‍ത്തനങ്ങളില്‍ ഏര്‍പ്പെട്ട ആരോഗ്യ പ്രവര്‍ത്തകരെയും അദ്ദേഹം അഭിനന്ദിച്ചു.

അതേസമയം, കൊറോണ വൈറസ് രോഗികളുടെ ചികിത്സയ്ക്കായി തയ്യാറാക്കിയ താല്‍ക്കാലിക ആശുപത്രിയായ സഫ്ദര്‍ജംഗ് ആശുപത്രിയില്‍ പുതിയ ഓക്‌സിജന്‍ പ്ലാന്റ് ഉള്‍പ്പെടെ നാല് സൗകര്യങ്ങള്‍ ആരോഗ്യ മന്ത്രി ഉദ്ഘാടനം ചെയ്തു. കൊറോണയുടെ മൂന്നാം തരംഗത്തെ നേരിടാന്‍ 44 കിടക്കകളുള്ള ഒരു താല്‍ക്കാലിക ആശുപത്രി ഇവിടെ നിര്‍മ്മിച്ചിരുന്നു.