മാത്യഭാഷ എല്ലാവരും അഭിമാനത്തോടെ സംസാരിക്കണം; മൻ കി ബാത്തിൽ പ്രധാനമന്ത്രി
ദില്ലി; രാജ്യത്തെ മുഴുവൻ ജനങ്ങളും അവരുടെ മാതൃഭാഷകളിൽ സംസാരിക്കണമെന്ന് പ്രധാനമന്ത്രി നരേന്ദ്ര മോദി. ഭാഷ ഒരു ആവിഷ്കാര മാധ്യമം മാത്രമല്ല, സമൂഹത്തിന്റെ സംസ്കാരവും പൈതൃകവും സംരക്ഷിക്കാന് ഭാഷ സഹായിക്കുന്നുണ്ടെന്നും പ്രധാനമന്ത്രി പറഞ്ഞു. പ്രതിമാസ റേഡിയോ പരിപാടിയായ മൻ കീ ബാത്തിൽ സംസാരിക്കുകയായിരുന്നു പ്രധാനന്ത്രി.
സ്വാതന്ത്ര്യം ലഭിച്ച് 75 വര്ഷമായിട്ടും ചിലര് അവരുടെ ഭാഷ, വസ്ത്രധാരണം, ഭക്ഷണപാനീയങ്ങള് എന്നിവയെക്കുറിച്ച് സങ്കോചപ്പെടുന്ന ഒരു മാനസിക സംഘര്ഷത്തിലാണ് ജീവിക്കുന്നത്. എന്നാല് ലോകത്ത് മറ്റൊരിടത്തും ഇത്തരമൊരു അവസ്ഥയില്ല. നമ്മുടെ മാതൃഭാഷ അഭിമാനത്തോടെ സംസാരിക്കണം. നമ്മുടെ ഇന്ത്യ ഭാഷകളുടെ കാര്യത്തില് വളരെ സമ്പന്നമാണ്. അതിനെ മറ്റൊന്നിനോടും താരതമ്യം ചെയ്യാന് കഴിയില്ല. നമ്മുടെ ഭാഷകളുടെ ഏറ്റവും വലിയ ഭംഗി കാശ്മീര് മുതല് കന്യാകുമാരി വരെ, കച്ച് മുതല് കൊഹിമ വരെ, നൂറുകണക്കിന് ഭാഷകള്, ആയിരക്കണക്കിന് ഭാഷാഭേദങ്ങളുണ്ട്. അവയെല്ലാം പരസ്പരം വ്യത്യസ്തമാണ്, എന്നാല് പരസ്പരം ഉള്ച്ചേര്ന്നിരിക്കുന്നു.
ഭാഷ പലത് - ഭാവം ഒന്ന്. നൂറ്റാണ്ടുകളായി, നമ്മുടെ ഭാഷകള് സ്വയം പരിഷ്കരിക്കുകയും പരസ്പരം ഉള്ക്കൊണ്ടുകൊണ്ട് വികസിക്കുകയും ചെയ്യുന്നു. ഇന്ത്യയിലെ ലോകത്തിലെ തന്നെ ഏറ്റവും പഴക്കമുള്ള ഭാഷയാണ് തമിഴ്. ലോകത്തിന്റെ ഇത്രയും വലിയൊരു പൈതൃകം നമുക്കുണ്ട് എന്നതില് ഓരോ ഇന്ത്യക്കാരനും അഭിമാനിക്കണം. അതുപോലെ, പല പുരാതന ധര്മഗ്രന്ഥങ്ങളും അവയുടെ പ്രയോഗവും നമ്മുടെ സംസ്കൃത ഭാഷയിലാണ്.
ഇന്ത്യയിലെ ജനങ്ങള്, ഏകദേശം, 121 തരം മാതൃഭാഷകളുമായി സഹവസിക്കുന്നതില് നമുക്ക് അഭിമാനിക്കാം. ഇവയില് 14 ഭാഷകള് ഒരു കോടിയിലധികം ആളുകള് ദൈനംദിന ജീവിതത്തില് സംസാരിക്കുന്നവയാണ്. അതായത്, യൂറോപ്യന് രാജ്യങ്ങളിലെ മൊത്തം ജനസംഖ്യയേക്കാള് കൂടുതല് ആളുകള് നമ്മുടെ രാജ്യത്ത് 14 വ്യത്യസ്ത ഭാഷകളുമായി ബന്ധപ്പെട്ടിരിക്കുന്നു. 2019 ല് ലോകത്ത് ഏറ്റവും കൂടുതല് സംസാരിക്കുന്ന ഭാഷകളില് ഹിന്ദി മൂന്നാം സ്ഥാനത്തായിരുന്നു. ഓരോ ഇന്ത്യക്കാരനും ഇതില് അഭിമാനിക്കണം. ഭാഷ ഒരു ആവിഷ്കാര മാധ്യമം മാത്രമല്ല, സമൂഹത്തിന്റെ സംസ്കാരവും പൈതൃകവും സംരക്ഷിക്കാന് ഭാഷ സഹായിക്കുന്നു.മാതൃഭാഷയ്ക്ക് അതിന്റേതായ ശാസ്ത്രമുണ്ട്. ഈ ശാസ്ത്രം മനസ്സിലാക്കി ദേശീയ വിദ്യാഭ്യാസനയത്തില് പ്രാദേശിക ഭാഷയിലുള്ള പഠനത്തിന് ഊന്നല് നല്കിയിട്ടുണ്ടെന്നും പ്രധാനമന്ത്രി പറഞ്ഞു.
വനിതാ ദിനത്തെ കുറിച്ചും പ്രധാനമന്ത്രി സംസാരിച്ചു. മാര്ച്ച് 8 ന് ലോകമെമ്പാടും അന്താരാഷ്ട്ര വനിതാദിനം ആഘോഷിക്കും.ന്ന് ഏതു മേഖലയില് നോക്കിയാലും സ്ത്രീകള് പഴയ കെട്ടുകഥകള് തകര്ത്തുകൊണ്ടു മുന്നേറുകയാണ്. പാര്ലമെന്റ് മുതല് പഞ്ചായത്ത് വരെ നമ്മുടെ രാജ്യത്തെ വിവിധ പ്രവര്ത്തന മേഖലകളില് സ്ത്രീകള് പുതിയ ഉയരങ്ങളില് എത്തുകയാണ്. പെണ്മക്കള് ഇപ്പോള് പട്ടാളത്തിലും ചെറുതും വലുതുമായ പദവികളില് ഉത്തരവാദിത്തങ്ങള് നിര്വഹിക്കുന്നു. രാജ്യത്തെ സംരക്ഷിക്കുന്നു.അടുത്തകാലത്ത് സ്ത്രീകള്ക്ക് പ്രസവാവധി കൂട്ടാന് തീരുമാനമെടുത്തു.
ആണ്മക്കള്ക്കും പെണ്മക്കള്ക്കും തുല്യ അവകാശം നല്കി വിവാഹപ്രായം തുല്യമാക്കാനുള്ള ശ്രമങ്ങളാണ് രാജ്യത്തു നടന്നു വരുന്നത്. ഇതുമൂലം എല്ലാ മേഖലയിലും സ്ത്രീ പങ്കാളിത്തം വര്ധിച്ചുവരികയാണ്. നിങ്ങള് നാട്ടില് മറ്റൊരു വലിയ മാറ്റവും കാണുന്നുണ്ടാകും, 'ബേഠി ബട്ടാവോ ബേഠി പഠാവോ' എന്ന സാമൂഹിക പ്രചാരണത്തിന്റെ വിജയം. ഇന്ന് രാജ്യത്ത് സ്ത്രീ-പുരുഷ അനുപാതം മെച്ചപ്പെട്ടു. സ്കൂളില് പോയി പഠിക്കുന്ന പെണ്മക്കളുടെ എണ്ണവും മെച്ചപ്പെട്ടിട്ടുണ്ട്. നമ്മുടെ പെണ്മക്കള് പാതിവഴിയില് പഠനം ഉപേക്ഷിക്കാതിരിക്കേണ്ടത് നമ്മുടെ ഉത്തരവാദിത്തമാണ്.അതുപോലെ സ്വച്ഛ് ഭാരത് അഭിയാന് പ്രകാരം രാജ്യത്ത് സ്ത്രീകള്ക്ക് തുറന്ന സ്ഥലത്തുള്ള മലമൂത്രവിസര്ജനം ഒഴിവായി.
മുത്തലാഖ് പോലുള്ള സാമൂഹിക തിന്മയുടെ അന്ത്യം ഏതാണ്ട് ഉറപ്പായി. മുത്തലാഖിനെതിരായ നിയമം രാജ്യത്ത് നിലവില് വന്നത് മുതല് മുത്തലാഖ് കേസുകളില് 80 ശതമാനം കുറവുണ്ടായി. ഇത്രയും ചുരുങ്ങിയ സമയത്തിനുള്ളില് ഇത്രയും മാറ്റങ്ങള് എങ്ങനെ സംഭവിക്കുന്നു? നമ്മുടെ രാജ്യം മാറിക്കൊണ്ടിരിക്കുന്നതിനും പുരോഗമനം ഉണ്ടാകുന്നതിനും കാരണം സ്ത്രീകള് തന്നെയാണ് ഇത്തരം ശ്രമങ്ങള്ക്ക് നേതൃത്വം നല്കുന്നത് എന്നതാണ് പ്രധാനമന്ത്രി പറഞ്ഞു.
Click it and Unblock the Notifications
Sign in with Google