ബംഗാള് രാഷ്ട്രീയത്തിലെ ചാണക്യന്; മുകുള് റോയ് അന്തരിച്ചു
കൊല്ക്കത്ത: തൃണമൂല് കോണ്ഗ്രസ് നേതാവും മുന് കേന്ദ്രമന്ത്രിയുമായ മുകുള്ള റോയ് അന്തരിച്ചു. 71 വയസായിരുന്നു. വാര്ധക്യ സഹജമായ അസ്വസ്ഥകള്ക്കിടെയുണ്ടായ ഹൃദയാഘാതമാണ് മരണ കാരണമെന്ന് മുകുള് റോയിയുടെ മകന് സുഭ്രാന്ഷു റോയ് പറഞ്ഞു. തൃണമൂല് കോണ്ഗ്രസിന്റെ സ്ഥാപക അംഗങ്ങളില് ഒരാളായ മുകുള് റോയിയെ പശ്ചിമ ബംഗാള് രാഷ്ട്രീയത്തിലെ ചാണക്യനായാണ് കണക്കാക്കിയിരുന്നത്.
തൃണമൂല് കോണ്ഗ്രസില് അഭിഷേക് ബാനര്ജിയുടെ ഉദയത്തിന് മുമ്പ് മമത ബാനര്ജി കഴിഞ്ഞാല് പാര്ട്ടിയിലെ സെക്കന്റ്-ഇന്-കമാന്ഡ് ആയിരുന്നു മുകുള് റോയ്. മമതയുടെ വിശ്വസ്ത സഹായിയായിരുന്ന റോയ് പാര്ട്ടിയുടെ സംഘടനയില് നിര്ണായക പങ്ക് വഹിക്കുകയും പാര്ട്ടിക്കും സര്ക്കാരിനും ഇടയിലുള്ള ഒരു കണ്ണിയായി പ്രവര്ത്തിക്കുകയും ചെയ്തു. ബംഗാളില് മമതയെ മുഖ്യമന്ത്രിയാക്കുന്നതിലും തൃണമൂലിന് ഭരണം നല്കുന്നതിലും അദ്ദേഹം വഹിച്ച പങ്ക് ചെറുതല്ല.
അദ്ദേഹത്തിന്റെ സ്വാധീനത്തിലാണ് കോണ്ഗ്രസില് നിന്നുള്ള നിരവധി നേതാക്കള് തൃണമൂല് കോണ്ഗ്രസില് ചേര്ന്നത്. 2011 ല് ഇടതുപക്ഷത്തില് നിന്ന് തൃണമൂല് കോണ്ഗ്രസിനെ ബംഗാളിന്റെ നിയന്ത്രണം തിരിച്ചുപിടിക്കാന് സഹായിക്കുന്നതില് പ്രധാന പങ്കുവഹിച്ചതിന് ശേഷം, യുപിഎ രണ്ടാം സര്ക്കാരില് റോയിയെ ഷിപ്പിംഗ് സഹമന്ത്രിയായി നിയമിച്ചു. പിന്നീട് 2012 മാര്ച്ച് മുതല് സെപ്റ്റംബര് വരെ റെയില്വേ മന്ത്രിയായി സേവനമനുഷ്ഠിച്ചു.
നോര്ത്ത് 24 പര്ഗാനാസിലെ കാഞ്ച്രപാറയില് നിന്നുള്ള റോയ് കോണ്ഗ്രസില് നിന്നാണ് തന്റെ രാഷ്ട്രീയ ജീവിതം ആരംഭിച്ചത്, 1998 ല് മമത ബാനര്ജിയുമായി ചേര്ന്ന് തൃണമൂല് കോണ്ഗ്രസ് സ്ഥാപിക്കാന് തീരുമാനിച്ചു. പാര്ട്ടിയുടെ ഔദ്യോഗിക ചിഹ്നം തിരഞ്ഞെടുപ്പ് കമ്മീഷന് സമര്പ്പിച്ചത് അദ്ദേഹമായിരുന്നു. സംസ്ഥാനത്തെ ചിറ്റ് ഫണ്ട് അഴിമതികളെക്കുറിച്ചുള്ള അന്വേഷണത്തിനിടെ കേന്ദ്ര ഏജന്സികള് അദ്ദേഹത്തെ വിളിച്ചുവരുത്തിയതോടെയാണ് പാര്ട്ടിയുമായി അകന്ന് തുടങ്ങിയത്.
2017 നവംബറില് അദ്ദേഹം ബിജെപിയില് ചേര്ന്നു, 2019 ലെ ലോക്സഭാ തിരഞ്ഞെടുപ്പില് 42 ലോക്സഭാ സീറ്റുകളില് 18 എണ്ണം ബിജെപി നേടിയത് മുകുള് റോയിയുടെ നേതൃത്വത്തിലായിരുന്നു. 2021 ലെ നിയമസഭാ തിരഞ്ഞെടുപ്പില് കൃഷ്ണനഗര് നോര്ത്ത് മണ്ഡലത്തില് നിന്ന് ബിജെപി ടിക്കറ്റില് മത്സരിച്ച് വിജയിക്കുകയും എംഎല്എയായി തിരഞ്ഞെടുക്കപ്പെടുകയും ചെയ്തു.
ബംഗാളില് ബിജെപിയുടെ അടിത്തറ കെട്ടിപ്പടുക്കുന്നതില് അദ്ദേഹം നിര്ണായക പങ്ക് വഹിച്ചു, സംസ്ഥാനത്തെ പ്രധാന പ്രതിപക്ഷ പാര്ട്ടിയാക്കി അതിനെ മാറ്റി. എന്നിരുന്നാലും 2021 ലെ നിയമസഭാ തിരഞ്ഞെടുപ്പിന് ശേഷം പാര്ട്ടിക്കുള്ളില് അദ്ദേഹത്തിന്റെ സ്വാധീനം ക്ഷയിക്കാന് തുടങ്ങി. നന്ദിഗ്രാമില് മമത ബാനര്ജിക്കെതിരെ നേരിയ ഭൂരിപക്ഷത്തിന് വിജയിച്ച സുവേന്ദു അധികാരി ബംഗാളില് പ്രതിപക്ഷ നേതാവായി ഒരു മാസത്തിനുശേഷം റോയ് ബിജെപി വിട്ടു.
പിന്നീട്, ആ വര്ഷം അദ്ദേഹം തൃണമൂല് കോണ്ഗ്രസിലേക്ക് മടങ്ങി. കൂറുമാറിയതിനുശേഷം അദ്ദേഹം എംഎല്എ സ്ഥാനം രാജിവയ്ക്കാത്തതിനാല് പത്രികയില് ബിജെപി എംഎല്എയായി തുടര്ന്നു. പബ്ലിക് അക്കൗണ്ട്സ് കമ്മിറ്റി (പിഎസി) ചെയര്മാനായും റോയിയെ നിയമിച്ചു. കഴിഞ്ഞ കുറച്ച് വര്ഷങ്ങളായി അദ്ദേഹം ആരോഗ്യസ്ഥിതി മോശമായതിനാല് സജീവ രാഷ്ട്രീയത്തില് നിന്ന് വിട്ടുനിന്നു.
കഴിഞ്ഞ രണ്ട് വര്ഷമായി, മുകുള് റോയ് ആശുപത്രിയിലും വീട്ടിലുമായി കഴിയുകയായിരുന്നു, അദ്ദേഹത്തിന്റെ ആരോഗ്യം ദിവസം തോറും വഷളായി. പരിചയക്കാരെ തിരിച്ചറിയാനുള്ള കഴിവ് പോലും അദ്ദേഹത്തിന് നഷ്ടപ്പെട്ടു. റൈല്സ് ട്യൂബ് വഴി ദ്രാവക ഭക്ഷണം നല്കിക്കൊണ്ടിരുന്നു. അവസാന നാളുകളില് കോമയിലായിരുന്നു.
-
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണ വില പവന് 42,000 രൂപ വരെ ഉയരും? ഒറ്റയടിക്ക് പ്രവചനം തിരുത്തി വിദഗ്ധർ..40 ശതമാനം വർധനവ് -
മഞ്ജു വാര്യരുടെ ഇൻസ്റ്റഗ്രാമിൽ ദിലീപിൻ്റെ മുഖം;ഡിവോഴ്സ് ആയതിന് ശേഷം ആദ്യം..കാരണം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സ്വര്ണവില ഇടിഞ്ഞു; ആഭരണം വാങ്ങുന്നവര് എത്ര രൂപ നല്കണം? അറിയാം ഇന്നത്തെ പവന്, ഗ്രാം വില -
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
തമിഴകം പിടിക്കാൻ വിജയ്; സ്ഥാനാർത്ഥി പട്ടികയിലെ വമ്പൻ സർപ്രൈസ്; ഞെട്ടലിൽ രാഷ്ട്രീയ ലോകം -
മലപ്പുറം വിഭജിക്കും,ജയിലിൽ നോണ് വെജും കൂലിയും കൊടുക്കില്ല'; സന്തോഷ് പണ്ഡിറ്റ് മുഖ്യമന്ത്രിയായാൽ -
'മീനാക്ഷിയെ നോക്കുന്നത് പണിയാണല്ലോ..വിവാഹം കഴിച്ച് കാണിച്ച് കൊടുത്തൂടെ';മഞ്ജു വാര്യർക്ക് അധിക്ഷേപം -
ഏപ്രിൽ 1 മുതൽ കളി മാറും! പാൻ കാർഡ് നിയമങ്ങളിൽ വൻ മാറ്റം; അറിഞ്ഞില്ലെങ്കിൽ പണി കിട്ടും -
ദുബായിയും അബുദാബിയും ഇല്ലാതാകും! യുഎഇ ചെയ്യുന്നത് മണ്ടത്തരം; ഉപദേശിച്ച് യുഎസ് സാമ്പത്തിക വിദഗ്ധന് -
ഇറാനെ വിഴുങ്ങാൻ അമേരിക്കൻ പട? പെന്റഗണിന്റെ 'രഹസ്യ' നീക്കം പുറത്ത്
Click it and Unblock the Notifications
Sign in with Google