ഒബാമ എത്തി... മോദി പ്രോട്ടോകോള് തെറ്റിച്ചു
ദില്ലി: മൂന്ന് ദിവസത്തെ സന്ദര്ശനത്തിനായി അമേരിക്കന് പ്രസിഡന്റ് ബരാക് ഒബാമ ഇന്ത്യയില് എത്തി. ദില്ലി പാലം വിമാനത്താവളത്തില് ഒമ്പതേ നാല്പതോടെയാണ് ഒബാമയെ വഹിച്ചുകൊണ്ടുള്ള വിമാനം പറന്നിറങ്ങിയത്.
പ്രധാനമന്ത്രി നരേന്ദ്ര മോദി നേരിട്ട് വിമാനത്താവളത്തിലെത്തി ഒബാമയെ സ്വീകരിച്ചു. പ്രോട്ടോകോകള് ലംഘിച്ചുകൊണ്ടാണ് മോദി വിമാനത്താവളത്തില് നരേന്ദ്ര ഒബാമയെ സ്വീകരിച്ചത്. ഒബാമക്കൊപ്പം ഭാര്യ മിഷേല് ഒബാമയും ഉണ്ട്.
റിപ്പബ്ലിക് ദിനാഘോഷത്തില് പങ്കെടുക്കാനാണ് ഒബാമ ഇന്ത്യയില് എത്തിയത്. ആഗ്ര സന്ദര്ശിക്കുമെന്ന് അദ്ദേഹം ആദ്യം അറിയിച്ചിരുന്നെങ്കിലും പിന്നീട് തീരുമാനം മാറ്റുകയായിരുന്നു.
News flash: PM @narendramodi Modi receives US President @BarackObama #NamasteObama http://t.co/Cq18N7Zln6 pic.twitter.com/585nlrH3b7
— India Today (@IndiaToday) January 25, 2015 കനത്ത സുരക്ഷാ സംവിധാനങ്ങളാണ് ഒബാമയുടെ സന്ദര്ശനം പ്രമാണിച്ച് ഒരുക്കിയിരിക്കുന്നത്. ദില്ലി അക്ഷരാര്ത്ഥത്തില് സൈന്യത്തിന്റെ നിയന്ത്രണത്തിലാണ്. വിമാനത്താവളത്തില് നിന്ന് നേരെ ഹോട്ടലിലേക്കാണ് ഒബാമ പോയത്. ഉച്ചക്ക് പന്ത്രണ്ട് മണിയോടെ രാഷ്ട്രപതി ഭവനില് ഔദ്യോഗിക സ്വീകരണം. ഉച്ചക്ക് ശേഷം പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും.
പ്രസിഡന്ഷ്യല് വാഹനമായ ബീസ്റ്റിലാണ് ഒബാമയും മിഷേലും ഹോട്ടലിലേക്ക് തിരിച്ചത്. ഇന്ത്യയുടേയും അമേരിക്കയുടേയും പതാകകള് ബീസ്റ്റില് ഘടിപ്പിച്ചിട്ടുണ്ട്. ദില്ലിയിലെ ഹൈദരാബാദ് ഹൗസില് മോദിക്കൊപ്പമാണ് ഒബാമയുടെ ഉച്ച ഭക്ഷണം.
Click it and Unblock the Notifications
Sign in with Google