Click it and Unblock the Notifications
Just In
Don't Miss
-
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
ഫാനി: സ്ഥിതി ഗതികള്‍ അറിയാന്‍ പ്രധാനമന്ത്രി മമതയെ ഫോണില്‍ വിളിച്ചത് രണ്ട് തവണ. മറുപടിയില്ലെന്ന്!!
ദില്ലി: പ്രധാനമന്ത്രി നരേന്ദ്ര മോദി ഫാനി ചുഴലിക്കാറ്റിനെ തുടര്‍ന്ന് സംസ്ഥാനത്തുണ്ടായ സ്ഥിതിഗതികള്‍ അന്വേഷിച്ചില്ലെന്ന മമതയുടെ ആരോപണത്തെ നിഷേധിച്ച് പ്രധാനമന്ത്രിയുടെ ഓഫീസ്. രണ്ടു തവണ ബംഗാള്‍ മുഖ്യമന്ത്രി മമതയെ ഫോണില്‍ ബന്ധപ്പെടാന്‍ ശ്രമിച്ചെങ്കിലും അവര്‍ ഫോണ്‍ എടുത്തില്ലെന്നും തിരിച്ചു വിളിച്ചില്ലെന്നും പ്രധാനമന്ത്രിയുടെ ഓഫീസിലെ ഉദ്യോഗസ്ഥര്‍ അറിയിച്ചു. ആദ്യ തവണ, മമതയുടെ ഫോണ്‍ എടുത്ത സ്റ്റാഫ് പറഞ്ഞത് മുഖ്യമന്ത്രി ടൂറിലാണെന്നും തിരിച്ചു വിളിക്കാമെന്നുമാണ്. രണ്ടാം തവണ വിളിച്ചപ്പോഴും ഫോണ്‍ എടുത്ത സ്റ്റാഫ് തിരിച്ചു വിളിക്കാമെന്നന് അറിയിച്ചു, ഉദ്യോഗസ്ഥര്‍ പറയുന്നു.
ഫാനി ചുഴലിക്കാറ്റിനെ തുടര്‍ന്നുണ്ടായ സംഭവ വികാസങ്ങള്‍ അറിയാന്‍ മുഖ്യമന്ത്രി മമതാ ബാനര്‍ജിയെ വിളിക്കാതെ പശ്ചിമ ബംഗാള്‍ ഗവര്‍ണര്‍ കേശരി നാഥ് തൃപാഠിയോട് കാര്യങ്ങള്‍ അന്വേഷിച്ചതിന് വിമര്‍ശനവുമായി ശനിയാഴ്ച തൃണമുല്‍ കോണ്‍ഗ്രസ് രംഗത്തെത്തിയിരുന്നു. രാജ്യത്തിന്റെ ഫെഡറല്‍ ഘടനയെ മോദി ബഹുമാനിക്കുന്നില്ലെന്ന് അവര്‍ ആരോപിച്ചു.
ഭരണഘടനയില്‍ നിന്നുള്ള വ്യതിചലനവും ഫെഡറല്‍ ഘടനയ്ക്ക് നേരെയുള്ള ആക്രമണവുമാണ് ഇത്. ഗവര്‍ണറെ വിളിച്ചതിലൂടെ അദ്ദേഹം പ്രധാനമന്ത്രിയല്ല കേവലം ബിജെപിയുടെ നേതാവായി മാറി. ജനങ്ങള്‍ തിരഞ്ഞെടുത്ത സര്‍ക്കാരണ് മമതാ ബാനര്‍ജിയുടേതെന്ന് തൃണമുല്‍ കോണ്‍ഗ്രസ് സെക്രട്ടറി ജനറല്‍ പാര്‍ഥ ചാറ്റര്‍ജി പറഞ്ഞു. പ്രധാനമന്ത്രി ഗവര്‍ണറെ വിളിച്ചതില്‍ ത്രിണമൂല്‍ കോ്ണ്‍ഗ്രസിന് പരാതി ഇല്ലെന്നും പക്ഷേ മുഖ്യന്ത്രിക്ക് മാത്രമേ ഇക്കാര്യത്തില്‍ വിവരങ്ങള്‍ നല്‍കാനാകുകയുള്ളുവെന്നും മറ്റൊരു ത്രിണമൂല്‍ കോണ്‍ഗ്രസ് നേതാവ് പറഞ്ഞു.
