Click it and Unblock the Notifications
Just In
Don't Miss
-
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
അവള്‍ എന്നെ വിട്ടു പോയില്ല; ചില വൃത്തികെട്ടവന്മാരെ പെണ്കുട്ടികള്ക്ക് ഇഷ്ടമാവും; ഭാര്യയെക്കുറിച്ച് ധ്യാന് -
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഹിജാബ് ധരിച്ച പെണ്‍കുട്ടിക്കൊപ്പം രാഹുല്‍ ഗാന്ധി, പ്രീണനമെന്ന് ബിജെപി; തിരിച്ചടിച്ച് കോണ്‍ഗ്രസ്
ന്യൂദല്‍ഹി: ഭാരത് ജോഡോ യാത്രയ്ക്കിടെ ഹിജാബ് ധരിച്ച പെണ്‍കുട്ടിക്കൊപ്പം നടക്കുന്ന രാഹുല്‍ ഗാന്ധിയുടെ ചിത്രം പങ്കുവെച്ച് പ്രീണന രാഷ്ട്രീയം ആരോപിച്ച് ബി ജെ പി. ബി ജെ പി വക്താവ് സംപിത് പത്രയാണ് രാഹുല്‍ ഒരു മുസ്ലീം ബാലികക്കൊപ്പം നടക്കുന്ന ചിത്രം പങ്കുവെച്ച് വിദ്വേഷ പരാമര്‍ശം നടത്തി വിവാദത്തിലായത്.
Recommended Video
ചൊവ്വാഴ്ചയാണ് ട്വിറ്ററില്‍ സംപിത് പത്ര, ഹിജാബ് ധരിച്ച പെണ്‍കുട്ടിക്കൊപ്പം നടക്കുന്ന രാഹുല്‍ ഗാന്ധിയുടെ ചിത്രം പങ്കുവെച്ചത്. കൂടാതെ ഇതിനൊപ്പം മതത്തിന്റെ അടിസ്ഥാനത്തില്‍ വോട്ടുകള്‍ കണക്കിലെടുക്കുമ്പോള്‍ അതിനെ പ്രീണനം എന്ന് വിളിക്കുന്നു എന്ന അടിക്കുറിപ്പും സംപിത് പത്ര ട്വീറ്റിനൊപ്പം നല്‍കിയിരുന്നു.
എന്നാല്‍ സംപിത് പത്രയുടെ പോസ്റ്റിനെതിരെ ആഞ്ഞടിച്ച് കോണ്‍ഗ്രസ് നേതാക്കള്‍ ഒന്നടങ്കം രംഗത്തെത്തി. എല്ലാത്തിലും മതം ചികയാതെ അതിനപ്പുറം ജനങ്ങളുടെ വിശ്വാസം തേടാനാകണം എന്ന് ബി ജെ പിയോട് കോണ്‍ഗ്രസ് ആവശ്യപ്പെട്ടു. ശശി തരൂര്‍, ജയറാം രമേശ്, പവന്‍ ഖേര എന്നിവരാണ് സംപിത് പത്രയുടെ ട്വീറ്റിനെതിരെ രംഗത്തെത്തിയത്.
രാഹുല്‍ ഗാന്ധിയുടെ പ്രവൃത്തി ഒരു കുട്ടിയോട് കാണിക്കുന്ന മാന്യത മാത്രമാണെന്ന് തിരുവനന്തപുരം എം പി ശശി തരൂര്‍ ട്വീറ്റ് ചെയ്തു. ഇതിലും താഴാന്‍ ബി ജെ പി വക്താവിന് സാധിക്കുമോ? അവള്‍ ഒരു ചെറിയ കുട്ടിയാണ്. വോട്ട് ബാങ്കിന്റെ ഭാഗമാകാന്‍ മാത്രം പ്രായമായില്ല. നിങ്ങളുടെ ഇടുങ്ങിയ ചിന്താഗതിയില്‍ നിന്ന് അവളെ ഒഴിവാക്കൂ! തരൂര്‍ ട്വീറ്റ് ചെയ്തു.
കോണ്‍ഗ്രസ് വക്താവ് സുപ്രിയ ശ്രീനേറ്റും ബി ജെ പി നേതാവിനെതിരെ ആഞ്ഞടിച്ചു. ഒരു പെണ്‍കുട്ടിയെ പോലും സംപിത് പത്ര വെറുതെ വിട്ടില്ല എന്ന് സുപ്രിയ ശ്രീനേറ്റ് പറഞ്ഞു. ഭാരത് ജോഡോ യാത്രയിലെ വന്‍ ജനക്കൂട്ടം അവരെ വലയ്ക്കുന്നു എന്നത് കാര്യമാണ്. എന്നാല്‍ ഇത്തരത്തില്‍ വിദ്വേഷത്താല്‍ അന്ധരാകുക, സുപ്രിയ പറഞ്ഞു. അതേസമയം കുഴികളേക്കാള്‍ മോശം എന്നായിരുന്നു കോണ്‍ഗ്രസ് കമ്മ്യൂണിക്കേഷന്‍സ് ജനറല്‍ സെക്രട്ടറി ജയറാം രമേശ് പ്രതികരിച്ചത്.
വസ്ത്രത്തിന്റെ അടിസ്ഥാനത്തില്‍ ജനങ്ങളെ ഭിന്നിപ്പിക്കുന്നവര്‍ ദേശഭക്തരല്ലെന്നും അവര്‍ 'മോദി ഭക്തര്‍' മാത്രമാണെന്നും കോണ്‍ഗ്രസ് നേതാവ് പവന്‍ ഖേര പറഞ്ഞു. ഭാരത് ജോഡോ യാത്ര'യില്‍ ബിജെപി തെറ്റായ പ്രചരണം നടത്തുന്നതോടെ വ്യക്തമാകുന്നത് യാത്രയുടെ വിജയത്തില്‍ പ്രധാനമന്ത്രി നരേന്ദ്ര മോദിയുടെയും ബി ജെ പിയുടെ ഭയവും നിരാശയും ആണെന്നും ആരോപിച്ചു.
