ചെങ്കോട്ട അക്രമം: ദീപ് സിദ്ധുവിന് രണ്ടാമത്തെ കേസിലും ജാമ്യം, കോടതിയുടെ കർശന നിർദേശം

ദില്ലി: റിപ്പബ്ലിക് ദിനത്തിലെ അക്രമ സംഭവങ്ങളിൽ നടനും ആക്ടിവിസ്റ്റുമായ ദീപ് സിദ്ധുവിന് ജാമ്യം. ആദ്യത്തെ കേസിൽ ജാമ്യം ലഭിച്ചെങ്കിലും റിപ്പബ്ലിക് ദിനത്തിൽ ദില്ലിയിലുണ്ടായ അക്രമസംഭവങ്ങളെ തുടർന്നുള്ള രണ്ടാമത്തെ കേസിൽ ദീപ് സിദ്ധു അറസ്റ്റിലാവുന്നത്. ടിസ് ഹസാരി കോടതിയാണ് ദീപ് സിദ്ധുവിന് ജാമ്യം അനുവദിച്ചിട്ടുള്ളത്. 25,000 രൂപയുടെ ആൾ ജാമ്യത്തിലാണ് സിദ്ധുവിനെ വിട്ടയച്ചിട്ടുള്ളത്.

ജനുവരി 26 ന് ചെങ്കോട്ടയിലെ അക്രമവുമായി ബന്ധപ്പെട്ട് ഫെബ്രുവരി 9 ന് അറസ്റ്റിലായ സിദ്ധുവിന് നേരത്തെ കോടതി ജാമ്യം അനുവദിച്ചിരുന്നു. ഇതിന് പിന്നാലെയാണ് വീണ്ടും അറസ്റ്റിലായത്. കേന്ദ്രസർക്കാർ കൊണ്ടുവന്ന മൂന്ന് കാർഷിക നിയമങ്ങൾക്കെതിരെ കർഷകർ നടത്തിയ ട്രാക്ടർ പരേഡിൽ അക്രമങ്ങൾ ഉടലെടുത്തതോടെയാണ് പോലീസ് നടപടി സ്വീകരിച്ചത്. സിദ്ധുവിനെതിരെ മറ്റൊരു കേസിൽ അന്വേഷണം നടക്കുന്നതായും പതിനാല് ദിവസം പോലീസ് കസ്റ്റഡിയിലും എഴുപത് ദിവസം കസ്റ്റഡിയിലും കഴിഞ്ഞിരുന്നുവെന്നും ജാമ്യാപേക്ഷ പരിഗണിക്കുന്നതിനിടെ കോടതി വ്യക്തമാക്കി.

ആദ്യത്തെ കേസിൽ ദില്ലിയിലെ പ്രാദേശിക കോടതി ഇക്കഴിഞ്ഞ തിങ്കളാഴ്ചയാണ് ജാമ്യം അനുവദിച്ചത്. തുടർന്ന് ഉടൻ തന്നെ സിദ്ധു അറസ്റ്റിലാവുകയും ചെയ്തിരുന്നു. ആർക്കിയോളജിക്കൽ സർവേ ഓഫ് ഇന്ത്യ സമർപ്പിച്ച എഫ്ഐആറിന്റെ അടിസ്ഥാനത്തിലായിരുന്നു അറസ്റ്റ്.

ആദ്യ കേസിൽ ജാമ്യം അനുവദിച്ച ദില്ലി കോടതി പ്രതികൾക്ക് തെളിവുകളിൽ ഇടപെടരുതെന്ന് കോടതി ചൂണ്ടിക്കാട്ടിയിരുന്നു. കാരണം ഇവ കൂടുതലും സോഷ്യൽ മീഡിയയിൽ പോസ്റ്റ് ചെയ്ത വീഡിയോ റെക്കോർഡിംഗുകളാണ് എന്നതാണ് കാരണം. സ്‌പെഷ്യൽ ജഡ്ജി നീലോഫർ അബിദ പർ‌വീൻ 30,000 ഡോളറിന്റെ വ്യക്തിഗത ബോണ്ടും ഇതേ തുകയുടെ രണ്ട് ജാമ്യത്തിലുമാണ് സിദ്ധുവിന് ജാമ്യം അനുവദിച്ചത്.

English summary

Republic Day violence: Deep Sidhu granted bail by Delhi court in 2nd case